تدوير العربية فى الساقعة

**lidosasa** · 13-12-2012 03:31 PM

من أول الساقعة ما بدات والواحد بيغلب فى تدوير العربية الصبح
قبل ما بشغل العربية بدور الكونتاكت لحد العدادت ما تشتغل كلها والبنزين يعلم على الآخر وبعدين أدوس على دواسة البنزين للآخر وأشل رجلى مرة واحدة . وبعدين أشد سخان العربية على تانى درجة وأدور العربية بشتغل بس بتفصل تانى بسرعة وبعدها أفضل أدور أكتر من مرة لحد ما العربية تدور
والمشكلة دى محصلتش معايا غير من بداية الساقعة ولما العربية تكون مركونة فترة طويلة
تفتكروا ايه الحل؟

**lidosasa** · 13-12-2012 07:22 PM

أنا عارف موضوع الزرار بتاع عمة الموتور بس بأفضل إنى أخليه على الصيف على طول لآنه بياخد هوا سخن للعربية من فرن الشكمان وده بيخلى العربية تسخن بسرعة هو الزرار ده للبلاد اللى درجات الحرارة فيها بتقل عن 15 درجة مئوية وبعدين جربته مفرقش كتير مع العربية غير إنه بيخلى الموتور يسخن بسرعة . عموماً حجرب أشد السخان على الآخر يمكن ينفع .

**waelgam2005** · 14-12-2012 10:58 PM

انا بعمل كدا بس مبعملش كدا مع الشفاط بمعنى انى بدوس دوستين كدا او دوسة وادور وبعد ما تدور ادوس دوستين بنزين كدا وبعد كدا برفع الشفاط هوا اناو الصح ارفع الشفاط قبل ما ادور ولا ادور الاول وارفع الشفاط

**lidosasa** · 14-12-2012 11:55 PM

تم تشغيل العربية من أول مرة وبنجاح بنفس الخطوات اللى بعملها بس بشد السخان على الآخر

**lidosasa** · 14-12-2012 11:58 PM

المشاركة الأصلية كتبت بواسطة waelgam2005

انا بعمل كدا بس مبعملش كدا مع الشفاط بمعنى انى بدوس دوستين كدا او دوسة وادور وبعد ما تدور ادوس دوستين بنزين كدا وبعد كدا برفع الشفاط هوا اناو الصح ارفع الشفاط قبل ما ادور ولا ادور الاول وارفع الشفاط

أنا عن نفسى وبالتجربة بعد دوستين البنزين برفع الشفاط قبل ما أدور العربية