كلاكس اللوجان بيعلق

**Dr-Click** · 13-12-2012 03:36 PM

السلام عليكم
مشكلة الكلاكس الي بيعلق كتير ، الزرار فى الدراع بيعلق ولما بروح التوكيل بيغيروا الدراع بواحد جديد
انا مغير 3 دراعات فى سنتين ، معدل عالي مع العلم اني مش بكلكس كتير (العادي يعني)
مش عارف حعمل ايه بعد الضمان لما يخلص . . . الموضوع ده ملهوش حل ؟؟

**ahmed_m_ashraf** · 13-12-2012 04:26 PM

هقولك رأي، بما إنك غيرت ثلاث دراعات قبل كدة والمشكلة بتظهر تاني، يبقى أغلب الظن إن حظرتك لما بتضرب على الكلاكس بتضرب بطريقة تؤدي لإن الزرار يبوظ بسرعة، معلش حتى لو حضرتك مش مبلغ في إستعمال الكلاكس، ده في النهاية زرار وممكن يبوظ لو بتضغط عليه بطريقة غلط، يعني مثلا ممكن حد يستعمل أحد صوابع اليد اليسرى عشان يضغط على الكلاكس براحة وممكن حد تاني يستعمل راحة اليد كلها إنه يضرب على الكلاكس ظربة سريعة (أنا سعات بعمل كده) بيتهيألي تأثير الطريقة الأولى على الدراع يختلف عن الطريقة الثانية، أنهي أصح ممكن مقدرش أفيدك، بس دايما حاول تضغط على الكلاكس بطريقة هادية وبراحة. عارف زي ما سعات زراير الريموت كنترول بتاع التليفزيون تبوظ لما نظغط عليها بطريقة مبلغ فيها لما تكون السيجنال مش لاقطة أو البطاريات ضعفت. والله أعلم.

**Dr-Click** · 13-12-2012 06:38 PM

شكرا جدا على النصيحة بجد ، انا اغلب الاحيان بكلكس بصوابع الايدي الشمال بس برده ساعات براحة اليد بس مش كتير الصراحة ، بس ححاول بعد كده ابقى احن شوية عليه ، انا بحاول الصراحة اشوف طريقة اعملها انظفه اي حاجة ، لو السستة باظت افكه واحط سستة تانية بس اعرف اعمل اي حاجة

المشاركة الأصلية كتبت بواسطة ahmed_m_ashraf

هقولك رأي، بما إنك غيرت ثلاث دراعات قبل كدة والمشكلة بتظهر تاني، يبقى أغلب الظن إن حظرتك لما بتضرب على الكلاكس بتضرب بطريقة تؤدي لإن الزرار يبوظ بسرعة، معلش حتى لو حضرتك مش مبلغ في إستعمال الكلاكس، ده في النهاية زرار وممكن يبوظ لو بتضغط عليه بطريقة غلط، يعني مثلا ممكن حد يستعمل أحد صوابع اليد اليسرى عشان يضغط على الكلاكس براحة وممكن حد تاني يستعمل راحة اليد كلها إنه يضرب على الكلاكس ظربة سريعة (أنا سعات بعمل كده) بيتهيألي تأثير الطريقة الأولى على الدراع يختلف عن الطريقة الثانية، أنهي أصح ممكن مقدرش أفيدك، بس دايما حاول تضغط على الكلاكس بطريقة هادية وبراحة. عارف زي ما سعات زراير الريموت كنترول بتاع التليفزيون تبوظ لما نظغط عليها بطريقة مبلغ فيها لما تكون السيجنال مش لاقطة أو البطاريات ضعفت. والله أعلم.

**mahraan** · 13-12-2012 07:26 PM

ليا واحد زميلي باظ منه الكلاكس زي كدا راح لكهربائي عادي فكله زرار الكلاكس وغير البليه والسوسته بتاعته وكلفوه تمانين جنيه بالمصنعيه وخلص الموضوع ..

**Dr-Click** · 15-12-2012 12:31 PM

طب حد يعرف واحد نضيف كويس فى اسكندرية ابقى اروح له ؟

المشاركة الأصلية كتبت بواسطة mahraan

ليا واحد زميلي باظ منه الكلاكس زي كدا راح لكهربائي عادي فكله زرار الكلاكس وغير البليه والسوسته بتاعته وكلفوه تمانين جنيه بالمصنعيه وخلص الموضوع ..

**ahmedhassan211** · 15-12-2012 05:35 PM

المشاركة الأصلية كتبت بواسطة mahraan

ليا واحد زميلي باظ منه الكلاكس زي كدا راح لكهربائي عادي فكله زرار الكلاكس وغير البليه والسوسته بتاعته وكلفوه تمانين جنيه بالمصنعيه وخلص الموضوع ..

ممكن حضرتك تقولي فين الكهربائي ده ضروري جدا

**ahmed_m_ashraf** · 16-12-2012 02:34 AM

المشاركة الأصلية كتبت بواسطة dr-click

طب حد يعرف واحد نضيف كويس فى اسكندرية ابقى اروح له ؟

كان بودي، بس الحمد لله لسه مخلتش كهربائي ولا أي صنايعي يمد إيده فيها (لدرجة إني بركب الباركينج سينسور بنفسي، بس إيه .. شغل على ميه بيضاء ولا الفبريكة ههه).

كل تعالمي مع الصنايعية كان أيام العربية القديمة، ومستجريش أخليهم يشتغلو في اللوجان. لو عرفت حد مش هابخل عليك.

ممكن تسأل زميلنا عمرو السيد، هو من إسكندرية برضة وقديم في اللوجان يمكن يقدر يدلك على حد كويس. الشهادة لله عرفني على سمكري وبوهيجي ١٠/١٠ الله يبارك له.