http://img.bosscdn.com/photo/product...ure-switch.jpg
Automatic pressure control for water pump
Automatic Pressure Switch (DPS-3A) - China Ce Pressure Switch for Water Pump,Pressure Switch
عرض للطباعة
http://img.bosscdn.com/photo/product...ure-switch.jpg
Automatic pressure control for water pump
Automatic Pressure Switch (DPS-3A) - China Ce Pressure Switch for Water Pump,Pressure Switch
الجهاز ده ياجماعه والله من يوم ما ركبته استريحت جدا من مشاكل البالونه وكل شويه السباك
وظبط الهواء والموتور واخد هواء
سباك قال لى على الجهاز ده ومكنش موجود منه ايطالى وقتها جبت الصينى وقلت اجربه
بسم الله ماشاء الله
ظبطه سهل جدا عايز تظبط الضغط بمفك من مسمار اعلى الجهاز الواضح فى الصوره
واجمل ميزه فيه انه بيحافظ على الموتور يعنى مش هيشتغل لو المياه مش موجوده
ولو انت شغلته ومافيش مياه هيشتغل عشر ثوانى ويفصل
http://img.en.china.cn/0/0,0,32,5520...3,96304eb2.jpg
هو الاسم بجد مش عارفه لانه المعروف
اوتوماتيك كنترول
والسباك كان بيقولى الفلوت الاوتوماتيك
انت ركز على شكله هو ده المتداول وبيباع عند بائعى الادوات الصحيه بتوع المواسير وخلافه
وفيه نفس الشكل بالظبط الايطالى بيكون فى حدود 225 والصينى ده 150 بس انا اللى شغال عندى الصينى
بجد ده تحفه بيقوم بدور البلونه وبكفائه اعلى واحسن وامان وسعره اقل من البلونه ومشاكلها وضبط ضغط المياه فيه مش محتاج خبير
هو مسمار بس الموجود بأعلى الجهاز تلفه يمين ترفع ضغط البار تلفه شمال تقلل الضغط
وعلى فكره اغلب السباكين مش بيحبوه
لانه مابيخليهم يشتغلوا كتير تقول للسباك يقولك البالونه احسن واللى نعرفه احسن من اللى مانعرفوش
لان الجهاز ده تركبه وتنساه لكن البلونه بتخلى السباك يشرف عندك كتير
فمتسمعش كلام السباك
دى من تجربتى سنتين ونسيت مشاكل الموتور
وللعلم الموتور عندى مش شغال على مياه بلديه كمان
الموتور شغال على مياه طلمبه اعماق يعنى لايوجد دفع للمياه اصلا مثل مياه البلديه
والافضل موتور واحد حصان كلبيدا الاصلى مع الكنترول اوتامتيك الموجود فى الصوره وانسى مشاكل الموتور وتحرق الموتور لانه لو مافى مياه ومقطعوه الموتور هيشتغل 10 ثوانى فقط ويفصل بسبب الجهاز ده وثبات لضغط المياه
وان شاء الله تدعولى
وبيلغى الاوتوماتيك ولا بيركب معه
متابع
معلشى سؤال سخيف
علشان انا خبرتى صفر فى مواتير الميه ... و شقتى الجديده فى الدور الرابع و ضغط الميه بيضعف احيانا
و عاوز اشترى موتور - فانا حشتريه اعتمادا على الكلام ده و قبل ما اكلم السباكك علشان اقطع عليه اى فرصه نصب عليا
حسب اللى فهمته انى حاشترى "الموتور" و "الاوتوماتيك كنترول" فقط - مش ححتاج مستلزمات تانى (باستثناء المحابس و الكيعان)
و بعد كده اجيب السباك زى الباشا كده علشان يركبهم ؟؟
1.5 حصان دة كتير قوى و غالى على السادس
أنا عندى نص حصان و فى التالت و بالنسبة لك 3/4 أو 1 حصان حيكون كافى جدا
القدرة تعتمد على الإرتفاع بالمتر فإنت لما تروح تشترى حاول تعرف أقصى head من الكتالوج و لو إنت مثلا فى السادس يبقى تجيب حاجة أعلى من 20 متر
الكالبيدا الإيطالى الأوتوماتيك عمل معايا 550 جنية غير التركيب حوالى 200 جنية بس ده 1/2 حصان فى إسكندرية .
الموتور بالنسبة لك ممكن يدخل فى 1000 جنية بالتركيب لكن معدل التصرف منتظم