سؤال فلسفي في الحياة عايز اعرف رأيكوا

دايما بلاحظ ان الناس الطيبة المحترمة هي اكتر ناس بتعاني في الحياة سواء من معاملة ناس تانية او مواقف عامة سواء في الشغل او الجواز او العلاقات الانسانية بصفة عامة و دايما تحس فيهم التعاسة و الاكتئاب هل ده نتيجة حساسية زيادة مثلا ولا ايه

في حين ان الناس اللي معندهاش اخلاق (طبعا مع مراعاة ان موضوع الاخلاق ده نسبي يختلف تعريفة من شخص لاخر و من مجتمع و ثقافة الي مجتمع و ثقافة اخري) او الناس اللئيمة اللي ملهاش صاحب او عزيز هما الناس اللي مبسوطين و تحس دايما ان مفيش حاجة فارقة معاهم و حياتهم ماشية زي الفل

ليه مفيش عاقبة لسوء الاخلاق في الدنيا

الرد ببساطه


المؤمن مصاب

علشان ربنا بيحب يسمع كلمه الحمد و الشكر ليه على كل حال

ودى حكمه

الحمد لله رب العالمين ..

حقيقى
واصعب احساس لما تلاقى نفسك فعيون اللى بيحبوك صعبان عليهم من اللى بيحصلك

كلامك جاي عالجرح
علي العموم
يمهل ولا يهمل

مفيش حاجة في الدنيا دي كلها تستاهل زعل
والحساسية الزيادة وبال على صاحبها لأن عصر الرومانسية والفروسية والشهامة والنبل انتهى من زماااااااااااااااان
توقيع،
رومانسي متقاعد (emoticon: broken heart lol)

دى مشكلة البشر من بدء الخليقة. . . الخير تملى عنده قواعد و قيود اخلاقية بيلتزم بيها و من هنا تأتى معاناته لكن كمان تأتى عظم المكافأة. . . اما الشر فلا قيود و لا حدود لشروره و زى ما انت قلت مش فارقه معاه و عشان كده اسوء كوكتيل هو شر مع ضمير ميت

لا هيا حساسية زايدة
بمعنى الي معندهوش دم تلاقيه مرتاح وتلاقيه تلم. ولا مبالي بالي حوليه و معندهوش احساس فمش هيحس بحاجة ... انتا مش مرات بتبقى ماشي في شارع عمومي اتجاه واحد وتلاقي واحد جي في وشك ومديك العالي كمان في نني عينك وتكلموا تزمرلوا ولا هو هنا .... وانتا دمك يتحرق وهو بالعكس مبسوط وفرحان ويا ارض انهدي ماعليكي قدي !!!

ولا مرات تلاقي واحد واقف في نص الشارع وواقف يركب زبون وانتا دمك يتحرق. وهو مبسوط ومرتاح وبيفرح لمن كل واحد يزمرلوا. ويحس انو بقالوا قيمة !!

لذلك انا بفكر بجدية في موضوع بنك الدم بتاع المنتدى. بفكر اروح اتبرع بكيلوا ولا اتنين ولا حتى تلاته كيلو كده. كل يوم لغايت ميبقاش عندي دم خالص علشان ارتاح نفسي بجد ابقى عديييييييم الاحساس. وبلييييييد. نفسي ابقى لووح تللللللج ودي امنية عندي ... لدرجة لسه بفكر امبارح اني امرن نفسي على التلامة وعدم الاحساس بفكر كل يوم الصبح اخش عكس في شارع عمومي واقف صف تاني. على الاقل تالت مرات يومين لمدة اسبوعين لغايت ما ابقى عديم الاحساس. هههههههه. (تمرينات مفيدة )

العقوبة الوحيدة التي لا يؤخرها الله للآخرة هي عقوبة عقوق الوالدين

ببساطة لان المحترم ماشى على اساسيات و قواعد و اصول و بيخاف من ربنا اكيد فبيعمل حساب لكل حاجة عكس الى مش فارق معاه حاجة خالص و الى بيكون بلا اى قيود

اولا احب اقولك مهما النصاب او الغشاش (دلوقتى بيسموا الغش نصاحة) ضحك ع الناس المحترمين او اللى خبرتهم قليلة او اللى عندهم ظروف معينة , ف الدنيا مش هى النهاية و فى اخرة هنتقابل فيها و كل واحد هياخد حقه هناك بالظبط لكن المشكلة ان الناس بقى الموضوع دا بالنسبالهم مش مؤثر للدرجة قال تعالى "بل يريد الانسان ليفجر امامه يسأل ايان يوم القيامة" يعنى حيلنى لحد مايجى يوم القيامة
ثانيا لازم كل شخص يحاول يكتسب خبرة عشان يحصن نفسه يعنى يتابع اخبار النصب و تتطوراته وصلت فين و يبدا يدى خوانه شوية و ميامنش بسهوله و لما يكون مقدم ع امر ما يسال مرة و اتنين و عشرة و ما يحاولش يتشبح ف حاجة هو مش فاهم فيها زى اللى بيشترى عربية مستعملة من غير مايكون فاهمم كويس و مننساش ان "عار عليك ان تخدعنى مرة و عارا على ان تخدعنى مرتين"
ثالثا و دا الاهم مين قالك ان الغشاش او الحرامى مبسوط بالعكس دا بيبقى عايش ف قلق و رعب و شك ف اقرب الناس ليه و حاسس ان الناس بتكره و ان اللى بيضحك ف وشة دا اكيد بيكرهه من جواه و طبعا معندوش قناعة فا مهما حوش فلوس برضه شايف نفسه فقير و متنساش قوله تعالى " ومن اعرض عن ذكرى فان له معيشة ضنكا و نحشره يوم القيامة اعمى"

هما الطيبين كدة بيتبهدلو عشان كدة لازم نبقي اشرار

اقتباس:

---

المشاركة الأصلية كتبت بواسطة gelgel2004

الرد ببساطه


المؤمن مصاب

علشان ربنا بيحب يسمع كلمه الحمد و الشكر ليه على كل حال

ودى حكمه

الحمد لله رب العالمين ..

---

+111111111

اقتباس:

---

المشاركة الأصلية كتبت بواسطة y a r i s

لا هيا حساسية زايدة
بمعنى الي معندهوش دم تلاقيه مرتاح وتلاقيه تلم. ولا مبالي بالي حوليه و معندهوش احساس فمش هيحس بحاجة ... انتا مش مرات بتبقى ماشي في شارع عمومي اتجاه واحد وتلاقي واحد جي في وشك ومديك العالي كمان في نني عينك وتكلموا تزمرلوا ولا هو هنا .... وانتا دمك يتحرق وهو بالعكس مبسوط وفرحان ويا ارض انهدي ماعليكي قدي !!!

ولا مرات تلاقي واحد واقف في نص الشارع وواقف يركب زبون وانتا دمك يتحرق. وهو مبسوط ومرتاح وبيفرح لمن كل واحد يزمرلوا. ويحس انو بقالوا قيمة !!

لذلك انا بفكر بجدية في موضوع بنك الدم بتاع المنتدى. بفكر اروح اتبرع بكيلوا ولا اتنين ولا حتى تلاته كيلو كده. كل يوم لغايت ميبقاش عندي دم خالص علشان ارتاح نفسي بجد ابقى عديييييييم الاحساس. وبلييييييد. نفسي ابقى لووح تللللللج ودي امنية عندي ... لدرجة لسه بفكر امبارح اني امرن نفسي على التلامة وعدم الاحساس بفكر كل يوم الصبح اخش عكس في شارع عمومي واقف صف تاني. على الاقل تالت مرات يومين لمدة اسبوعين لغايت ما ابقى عديم الاحساس. هههههههه. (تمرينات مفيدة )

---

ماينفعش باباشا... من أول تجربة... سترسب بالثلث... ليييييييية هاأقولك.
هو كدة مصبوب فى قالب كشر.. طمعان فى الغلاسة ليه لوحدة.. منقوع فى برميل رخامة..
بالبلدى كدة: هو بيتعامل بطريقة..نفسى ,,نفسى,, ويزيد عليهم بمبدأ (الهى ما تفرح حد وأحنا حزانه )
وان لو حاولت اعمل مثلة يبقى راسب ليه هيطبق عليا المثل ( قليل البخت يعضه الكلب فى المولد )
يعنى هايسيب اللى فى السوق كله ,, وييجى يعضنى..ههههه..
لأن من شب على شىء شاب علية... ف ماتحاولش تكون الا نفسك مش حد تانى ..
ودع الايام تفعل ماتشاء .. وطب نفسا بما حكم القضاء...
ولله الأمر من قبل ومن بعد... اللهم هون علينا وعلى بلدنا صعاب الايام ..
ولا حول ولاقوة الا بالله العلى العظيم...