الموضوع: اشوف وشكم على خير يارب

السلام عليكم ورحمة الله وبركاته
احبائى واخواتى واصدقائى
استودعكم الله
باذن الله انا مسافر يوم الاربعاء مساء متجه الى بلد شقيق السودان وكان نفسى اقعد اكتر من كده فى وسطكم بس ظروفى كده والحمد لله
مهما قلت مش هاقدر اوصف قد ايه انا زعلان انى ماشى بس ده حال الدنيا والحمد لله رب العالمين
نيجى بقى للاهم انا طبعا هارفع العربية مدة تتراوح ما بين 7-12 شهر يعنى ممكن ادخل على سنة وخلاص المفروض اغير زيت موتور وسامع اراء كتيرة انا الحمد لله استقريت انى ارفع العربية خسارة الكاوتش حلو و لسة فيه كتيير سالت مهندس قاللى زود زيت على اللى موجود او ضعفه تحافظ على الموتور والميكانيكى قاللى متغيرش سالت واحد تانى قاللى غير علشان الموتور يبقى جواه زيت نظيف وكده والا كده هاتغيره لما تيجى بالسلامة وانا محتار بس انا استقريت على الجافاليت اللى هوة هوة الحديد اللى هارفع عليه العربية وهاغسلها فى البنزينة غسلة محترمة من فوق وتحت وكل حاجة وفى الاخر هارشها من تحت كلها زيت ثقيل علشان التراب انا اساسا هاركنها جوة جراج مغلق زى المحل كدة ومش هاتكون معرضة لشمس او هواء او مطر انا بعتذر عن طول الموضوع بس قولت الاعضاء الكرام هايفيدونى تحياتى واشوفكم على خير طبعا على قد مااقدر هاقعد على النت كلما امكن او اشغل موبايل انترنت بس على حسب الشغل وكده تحياتى

ربنا يبارك فيكم جميعا وربنايستجيب دعواتكم ان شاء الله انتم احسن ناس عرفتها فى عمرى والله مش مبالغة الواحد حاسس انه وسط اهله ماشاء الله عليكم وان شاء الله احاول اكون قريب منكم على قد ما اقدر على حسب شغلى والف شكر ليك يا كابتن على شعورك وانتم كمان كلكم هاتوحشونى جدا محتاج دعواتكم الفترة اللى جاية وفعلا مش مبسوط لاسباب كتيير ولكن انا راضى جدا بقضاء الله وان شاء الله الظروف تكون احسن من كده والحمد لله رب العالمين وبصراحة اولادى هايوحشونى جدا زمان كنت بسافر وهما صغيرين وكانت مدد بسيطة انما المرة دى انا مضطر والفترة تقارب السنة ولكن ربنا يصبرنا تحياتى