مشكلة فى فتيس مازدا 3 2009 أرجو النصيحة من الخبراء ومالكى المازدا

انا معايا مازدا 3 2009 الكاملة فتيس ستيب ترونك... كنت بغير بوجيهات ان جى كى (5es)
المهم بعد ما غيرت البوجيهات لمبة الفتيس (at) ولمبة الفحص نورووو .. والفتيس شغال على ال d عادى انما لما بجيب حارة المانوال m المكان اللى بيظهر فيه رقم النقلة ( 1 او 2 او 3 او 4) بيطفى ولما برجع الفتيس على ال d بينور على 1 تانى عادى ؟؟.. دلوقتى المشكلة فى ايه ممكن يكون الميكانيكى حرك سلكة ولا حاجة من الكنترول ولا اصلا المشكلة مالهاش علاقة بتغيير البوجيهات .. مع العلم انها معايا بقالها 4 شهووور واو مرة لمبة الفتيس تنور...

معلش عندى استفسار تانى ... كنت مسافر القاهرة وكنت على الدائرى من حواللا اسبوع طبعا الفتيس كان على الوضع d وكانت عادى بتسحب وفله .. وفجأ لقيتها بتنقل بسرعه من 1 الى 3 الى 4 وهى لسه على 60 ومهما ادوسلها مش راضية تعدى ال70 وصوتها يعلى على الفاضى .. كملت باقى المشوار بأنى بقيت بنقل على حارة المانوال كانت بتجيب ال 100 بالعافية .. وصوتها كان بيعلى جدااا هو ده السبب اللى خلانى اروح اغير البوجيهات...

اسف جدا على الاطالة بس بجد الموضوع قالقنى جداا ومخلينى كرهت العربية وبفكر ابيعها... ياريت لو حد يرد عليا ويطمنى لو المشكلة بسيطة واحلها ازاى ؟؟؟؟

ًمدام لنضة ال at نورت اول حاجة تشوف زيت الفتيس ناقص ولا لا بس شرط تكون العربية باردة لان عشان تقدر تعرف ناقص ولا لا لو طلع ناقص هتزوده وتطلع علي ميكانيكي يغيرلك زيت فتيس كله بالكامل وحط جديد لان زيت الفتيس بياثر علي السحب بنسبة ٣٠-٤٠٪ فممكن الفتيس لقدر الله مفهوش زيت والاحتمال التاني وده اللي انا بعتقد انه فيه المشكلة حساس الtps باظ وعايظ يتغير وعشان تقطع الشك باليقين العربية تدخل علي الكومبيوتر وهيقرلك فيها ايه بايظ ومكانه فين يعني باشا اخر حاجة
اما بالنسبة للشيك انجن لو انتا حطيت البوجيهات ال٥ شمعة شيلهاااااااااا لانها هتدمر الموتور وبردك لما العربية تتفحص علي الكومبيوتر هيظهر العيب منين
اول حاجة تعملها لو لقيت الزيت مش ناقص اطلع علي واحد عندهجهاز تحديد اعطال وهيقولك ايه اللي بايظ بالظبط ومكان ابحجلت اللي بايظة فين وهياخد ٥٠ جنيه بس
لو فاضي بكره اطلع عل حرفيين عند اي حد عنده جهاز كشف اعطال وهو هيفليلك العربية وخير انشاء الله وطمنا عليك .

medokassem واضح ان حضرتك موسوعة

انت اول حاجه اعملها روح اعمل تشيك على العربيه
هتلاقى جهاز الفحص قرى كود العطل وعرفت فين المشكله
بس كدا

اقتباس:

---

المشاركة الأصلية كتبت بواسطة medokassem

ًمدام لنضة ال at نورت اول حاجة تشوف زيت الفتيس ناقص ولا لا بس شرط تكون العربية باردة لان عشان تقدر تعرف ناقص ولا لا لو طلع ناقص هتزوده وتطلع علي ميكانيكي يغيرلك زيت فتيس كله بالكامل وحط جديد لان زيت الفتيس بياثر علي السحب بنسبة ٣٠-٤٠٪ فممكن الفتيس لقدر الله مفهوش زيت والاحتمال التاني وده اللي انا بعتقد انه فيه المشكلة حساس الtps باظ وعايظ يتغير وعشان تقطع الشك باليقين العربية تدخل علي الكومبيوتر وهيقرلك فيها ايه بايظ ومكانه فين يعني باشا اخر حاجة
اما بالنسبة للشيك انجن لو انتا حطيت البوجيهات ال٥ شمعة شيلهاااااااااا لانها هتدمر الموتور وبردك لما العربية تتفحص علي الكومبيوتر هيظهر العيب منين
اول حاجة تعملها لو لقيت الزيت مش ناقص اطلع علي واحد عندهجهاز تحديد اعطال وهيقولك ايه اللي بايظ بالظبط ومكان ابحجلت اللي بايظة فين وهياخد ٥٠ جنيه بس
لو فاضي بكره اطلع عل حرفيين عند اي حد عنده جهاز كشف اعطال وهو هيفليلك العربية وخير إن شاء الله وطمنا عليك .

---

ميدو باشا .. ربنا يكرمك يا رب .. ومتشكر اووى على سرعة الاجابة ... فعلا كنت حاسس ان حضرتك اول واحد هترد عليا موسوعة وعالمى فعلااا .... انا فعلا زودت زيت الفتيس اول ما لقيت الموضوع ده بس انا زودته من مكان القياس كده صح ولا غلط ؟؟؟


وإن شاء الله هروح بكرة للميكانيكى بتاعنا فى المنصورة هو عنده جهاز كشف الاعطال وممتاز الصراحة لان الحرفيين بعيد عنى جدا حوالى 120 كيلو فانا بصلح فى المنصورة .. ويارب تكون حاجة بسيطة ياااااااااااارب .... هو حساس ال tps ده اللى هو ايه ولو باظ يعملوا كام جديد ولا تقطيع ...



اما لموضوع البوجيهات فهى واحد شمعة تقريبا نوعها NGK kgr5es تقريبا هى دى مظبوطة ولا ايه ؟ وايه احسن نوع بوجيهات ليها واجيبها منين وبكام لو حضرتك غيرتها قبل كده ؟؟

معلش على الاطالة وربنا يكرمك يارب :)

اقتباس:

---

المشاركة الأصلية كتبت بواسطة blazer

انت اول حاجه اعملها روح اعمل تشيك على العربيه
هتلاقى جهاز الفحص قرى كود العطل وعرفت فين المشكله
بس كدا

---

الف شكر ياباشا ... باذن الله هروح بكرة لان الصنايعية عندنا فى المنصورة بيقفلوا الجمعه ... ويا رب خير .. وربنا يسترها معانا جميعا ...

اقتباس:

---

المشاركة الأصلية كتبت بواسطة dr_magedzidan

ميدو باشا .. ربنا يكرمك يا رب .. ومتشكر اووى على سرعة الاجابة ... فعلا كنت حاسس ان حضرتك اول واحد هترد عليا موسوعة وعالمى فعلااا .... انا فعلا زودت زيت الفتيس اول ما لقيت الموضوع ده بس انا زودته من مكان القياس كده صح ولا غلط ؟؟؟


وإن شاء الله هروح بكرة للميكانيكى بتاعنا فى المنصورة هو عنده جهاز كشف الاعطال وممتاز الصراحة لان الحرفيين بعيد عنى جدا حوالى 120 كيلو فانا بصلح فى المنصورة .. ويارب تكون حاجة بسيطة ياااااااااااارب .... هو حساس ال tps ده اللى هو ايه ولو باظ يعملوا كام جديد ولا تقطيع ...



اما لموضوع البوجيهات فهى واحد شمعة تقريبا نوعها NGK kgr5es تقريبا هى دى مظبوطة ولا ايه ؟ وايه احسن نوع بوجيهات ليها واجيبها منين وبكام لو حضرتك غيرتها قبل كده ؟؟

معلش على الاطالة وربنا يكرمك يارب :)

---

العفو يا باشا عليه احنا هنا كلنا اخوات
يعني كان ناقص فعلا ؟؟؟
اه بيتزود من انبوبة القياس
الTps لو باظ بيتغير بحساس Tps استيراد بيعمل من ٢٥٠-٣٥٠
وده وظيفته بيتحكم في وقت النقله بتاعت الفتيس والغيارات
ومفيش منه جديد كله استيراد بيتفكلك ويركبلك زي الفل
اه الواحد شمعة دي حلوة هيا وال ٢شمعة في مازدات نزلت واحد شمعة ومازدات نزلت ٢شمعة
وبالمرة قول للميكانيكي ينضفلك البوابة بتاعت العربية
العفو ياباشا واي استفسار انا في الخدمة ^_^
خلي بالك من البوابة وقوله ينضفها بعد مايشيك علي زيت الفتيس لانها لو مش نضيفة تعمل الكلام ده كله خليه ينضفهااااالك لازم

اقتباس:

---

المشاركة الأصلية كتبت بواسطة monamize4

medokassem واضح ان حضرتك موسوعة

---

والله لسه الواحد بيتعلم بس بسبب اللي شوفته من العربية في سبع شهور علمني كل ده ههههههههه
والواحد بردوا كل يوم بيستفاد من ناس زي العسل وخبرة هنا بردوا ^_^

اقتباس:

---

المشاركة الأصلية كتبت بواسطة medokassem

والله لسه الواحد بيتعلم بس بسبب اللي شوفته من العربية في سبع شهور علمني كل ده ههههههههه
والواحد بردوا كل يوم بيستفاد من ناس زي العسل وخبرة هنا بردوا ^_^

---

على رأى المثل
أسأل مجرب و........
ربنا يجعله فى ميزان حسناتك ان شاء الله

اقتباس:

---

المشاركة الأصلية كتبت بواسطة medokassem

العفو يا باشا عليه احنا هنا كلنا اخوات
يعني كان ناقص فعلا ؟؟؟
اه بيتزود من انبوبة القياس
الtps لو باظ بيتغير بحساس tps استيراد بيعمل من ٢٥٠-٣٥٠
وده وظيفته بيتحكم في وقت النقله بتاعت الفتيس والغيارات
ومفيش منه جديد كله استيراد بيتفكلك ويركبلك زي الفل
اه الواحد شمعة دي حلوة هيا وال ٢شمعة في مازدات نزلت واحد شمعة ومازدات نزلت ٢شمعة
وبالمرة قول للميكانيكي ينضفلك البوابة بتاعت العربية
العفو ياباشا واي استفسار انا في الخدمة ^_^
خلي بالك من البوابة وقوله ينضفها بعد مايشيك علي زيت الفتيس لانها لو مش نضيفة تعمل الكلام ده كله خليه ينضفهااااالك لازم

---

انا زودت زيت الفتيس من غير ما اقيسه لان الموضوع ده حصل معايا بالليل وكنت مدور من قبلها بكتير .. قلت ازوده يمكن يكون ناقص وتتحل المشكلة والسلام بس للاسف زى ما هيا
انا رايح بكرة الصبح انشاء الله ولما اخلص هكتب تقرير عن اللى حصل عشان الكل يسفتيد ^__^

ايه بقى البوابة دى بتبقى فى الفتيس ؟ عشان اعرف اتكلم معاه بس ...

بجد كده تقلنا عليك جااامد .. ربنا يخليك يا باشا ...

اقتباس:

---

المشاركة الأصلية كتبت بواسطة dr_magedzidan

انا زودت زيت الفتيس من غير ما اقيسه لان الموضوع ده حصل معايا بالليل وكنت مدور من قبلها بكتير .. قلت ازوده يمكن يكون ناقص وتتحل المشكلة والسلام بس للاسف زى ما هيا
انا رايح بكرة الصبح ان شاء الله ولما اخلص هكتب تقرير عن اللى حصل عشان الكل يسفتيد ^__^

ايه بقى البوابة دى بتبقى فى الفتيس ؟ عشان اعرف اتكلم معاه بس ...

بجد كده تقلنا عليك جااامد .. ربنا يخليك يا باشا ...

---

البوابة دي بتبقي حاجة زي انبوبة اسطوانية راكبه بعد الانبوبة اللي في اخر عمه الهوا اللي لما بتزود بنزين تلافيها بتميل وتفتح عشان تدخل هوا اكتر. لما اعد عل كمبيوتر هبعت صورها عشان انا عل موبيل

يا ميدو يا موسوعة
يا ريس لازم جهاز كشف اعطال و غالبا مشكلتك فى حساسات الفتيس
غسلت العربية من تحت؟ مشيت فى مياة او طينة جامدة؟
نصيحة اوعى تحل الفتيس!! لو معرفتش الحل ايه انزل القاهرة
بس الغالب حساسات

اقتباس:

---

المشاركة الأصلية كتبت بواسطة medokassem

البوابة دي بتبقي حاجة زي انبوبة اسطوانية راكبه بعد الانبوبة اللي في اخر عمه الهوا اللي لما بتزود بنزين تلافيها بتميل وتفتح عشان تدخل هوا اكتر. لما اعد عل كمبيوتر هبعت صورها عشان انا عل موبيل

---

الف شكر ياباشا ... انا بقالى كام يوم بلف من الميكانيكى لبتاع الفتيس وللاسف محدش علاف يشتغل فى المازدا .. انشاء الله نازل انزل الحرفيين وربنا يكرم هناك

اقتباس:

---

المشاركة الأصلية كتبت بواسطة Thebutcherr

يا ميدو يا موسوعة
يا ريس لازم جهاز كشف اعطال و غالبا مشكلتك فى حساسات الفتيس
غسلت العربية من تحت؟ مشيت فى مياة او طينة جامدة؟
نصيحة اوعى تحل الفتيس!! لو معرفتش الحل ايه انزل القاهرة
بس الغالب حساسات

---

طيب والنعمة انت باشا .. فعلا انا غسلت العربية من تحت ومشيت فى مية جامدة الاتنين
رحت عند واحد عندنا وكشف بالكومبيوتر .. واداله رسالة
poor transmission gear 4 ...
وقالى المشكلة يا فى السويتش يا فى السينسور .... وبعتنى لواحد بتاع فتيس بس .. رحت نضف الفيشة والسينسور .. وركبهم برده المشكلة راحت وظهرت على طول تانى بمجرد انى العربية تنقل على الرابع سواء على D او M بتدى لمبة فتيس ومترداش تجيب الرابع تانى...
نصيحتك يا باشا انا هنزل القاهرة خلاص ومخلتوش يحللى الفتيس زى ما حضرتك نصحتنى .. مين متخصص فى فتيس المازدا لو تدلنى اعمل ايه وعند مين يكون كويس كده ومش بيبالغ فى الاسعار
ربنا يكرمك يا جزار باشا ..

اسف على الاطالة مرة اخرى وشكرا مقدما ...

طيب الحمد لله
هى بسيطة كل الحساسات عاوزة تتنضف بس
احسن ناس فى الحرفيين هم العالمية انزل اسال عليهم مش هتتوه
عشان هما فاركين المازدا جامد و عندهم قطع غيار استيراد فلو احتجت تغير حساس هتلاقيه
بس مش عاوزك تقلق الموضوع بسيط و الفتيس تمام هو حساس و لا فيشة تانية تتنضف و خلاص

اقتباس:

---

المشاركة الأصلية كتبت بواسطة Thebutcherr

طيب الحمد لله
هى بسيطة كل الحساسات عاوزة تتنضف بس
احسن ناس فى الحرفيين هم العالمية انزل اسال عليهم مش هتتوه
عشان هما فاركين المازدا جامد و عندهم قطع غيار استيراد فلو احتجت تغير حساس هتلاقيه
بس مش عاوزك تقلق الموضوع بسيط و الفتيس تمام هو حساس و لا فيشة تانية تتنضف و خلاص

---

تسلم بجد يا باشا .. بجد ربنا يكرمك , طمنتنى بجد انا كنت خايف ان يكون الفتيس باظ :U_thin1[1]:
الحساسات دى تعملها كام عشان اعمل حسابى وبرده اعرف اتكلم معاهم ..

ولو لاقدر الله الفتيس عاوز يتغير يعمله فى حدود كام كده ؟ ..

معلش عارف انى بسأل كتير بس بجد هنا لاقيت ناااس محترمة جداااااااااااااا ربنا يكرمنا كلنا يارب ويكفينا شر العربيات ويبعد عننا الاعطال :pirate14:

اقتباس:

---

المشاركة الأصلية كتبت بواسطة dr_magedzidan

تسلم بجد يا باشا .. بجد ربنا يكرمك , طمنتنى بجد انا كنت خايف ان يكون الفتيس باظ :u_thin1[1]:
الحساسات دى تعملها كام عشان اعمل حسابى وبرده اعرف اتكلم معاهم ..

ولو لاقدر الله الفتيس عاوز يتغير يعمله فى حدود كام كده ؟ ..

معلش عارف انى بسأل كتير بس بجد هنا لاقيت ناااس محترمة جداااااااااااااا ربنا يكرمنا كلنا يارب ويكفينا شر العربيات ويبعد عننا الاعطال :pirate14:

---

لا مفيش حاجة اسمها الفتيس بايظ مكنتش هتتحرك اساسا
الحساسات علي حسب بس اتخن حساس مش هيعدي ال400
انا غيرت الtps ب 350 جنيه
الفتيس الاستيراد عامل 3000
الجزار باشا احلي مسا ^_^

اقتباس:

---

المشاركة الأصلية كتبت بواسطة medokassem

لا مفيش حاجة اسمها الفتيس بايظ مكنتش هتتحرك اساسا
الحساسات علي حسب بس اتخن حساس مش هيعدي ال400
انا غيرت الtps ب 350 جنيه
الفتيس الاستيراد عامل 3000
الجزار باشا احلي مسا ^_^

---

يا ميدو باشا مش عارف اقولك ايه ربنا يكرمك يا رب طمنت قلبى انا نازل بكرة الحرفيين هروح للعالمية وانشاء الله المشلكة تتحل الفضل لله ثم ليكوا انتم ناس محترمة وزى الفل ...

عندى بقى معلش سؤال اخير هل بيبقى فى كارتيرة بتغطى المكنة من تحت ولا بتبقى كده منها للمياه والارض عشان المشكلة دى ما تتكرش تانى ....

فى كارتيرة تحت الموتور ممكن تكون مش موجودة عندك , استيراد 350 جديدة 400

اقتباس:

---

المشاركة الأصلية كتبت بواسطة medokassem

لا مفيش حاجة اسمها الفتيس بايظ مكنتش هتتحرك اساسا
الحساسات علي حسب بس اتخن حساس مش هيعدي ال400
انا غيرت الtps ب 350 جنيه
الفتيس الاستيراد عامل 3000
الجزار باشا احلي مسا ^_^

---

اقتباس:

---

المشاركة الأصلية كتبت بواسطة thebutcherr

فى كارتيرة تحت الموتور ممكن تكون مش موجودة عندك , استيراد 350 جديدة 400

---

تم اصلاح المشكلة فى العالمية .. شكرا ليكم جميعا

المشكلة كانت فى الحساس غيرته ب 400 جنيه .
.. وللاسف متحلش برده ... المياه دخلت فى الكنترول وبوظته وللاسف برده متصلحش .. غيرنا الكومبيوتر ب 4 الاف جنيه وتم برمجته .. وركبت كارتيرة تحت ب 350 جنيه و2 كاتيره جنب اصلى ب 350 جنيه برده لان المياه اللى دخلت من تحت هى اللى عملت المشكلة ... ومصنعية 650 جنيه
الحمد لله قدر الله وماشاء فعل .. وبرده سألت على الفتيس التقطيع قالى ب 3000 جنيه فعلا زى ما قولتولى ..الف شكر ليكوا وتعبكوا معايا .. والحمد لله مرة تانية ...

اقتباس:

---

المشاركة الأصلية كتبت بواسطة dr_magedzidan

تم اصلاح المشكلة فى العالمية .. شكرا ليكم جميعا

المشكلة كانت فى الحساس غيرته ب 400 جنيه .
.. وللاسف متحلش برده ... المياه دخلت فى الكنترول وبوظته وللاسف برده متصلحش .. غيرنا الكومبيوتر ب 4 الاف جنيه وتم برمجته .. وركبت كارتيرة تحت ب 350 جنيه و2 كاتيره جنب اصلى ب 350 جنيه برده لان المياه اللى دخلت من تحت هى اللى عملت المشكلة ... ومصنعية 650 جنيه
الحمد لله قدر الله وماشاء فعل .. وبرده سألت على الفتيس التقطيع قالى ب 3000 جنيه فعلا زى ما قولتولى ..الف شكر ليكوا وتعبكوا معايا .. والحمد لله مرة تانية ...

---

مبروك على تصليح العطل يا باشا و معلش قدر الله و ما شاء فعل

اقتباس:

---

المشاركة الأصلية كتبت بواسطة mando_07

مبروك على تصليح العطل يا باشا و معلش قدر الله و ما شاء فعل

---

يالا الحمد لله على كل شئ ..