خبراء المنتدي ارريد الحل بالله عليكم خلاص انا تعبت

**ahmed tantawy** · 14-12-2012 12:29 AM

السلام عليكم ورحمه الله وبركاته

ده شكلي بالظبط بعد مالعربيه دي طلعت عيني ومش لاقي الحل حتي الان

انا ياجماعه عندي عربيه سيات 133 عزيزة عليا قوي المهم عملتلها عمره ماتور من حوالي شهر تقريبا
والبيه الميكانيكي قالي انو هيجيب للبساتم شنابر اكبر حجم من الاولي معرفش ليه المهم ركبها وركب الماتور وظبط كل حاجه بس يبقي مشكله واحده ؟؟؟؟؟؟؟؟؟؟؟؟؟؟؟؟؟؟؟؟

بعد فتره من تليني للعربيه وكل شئ تمام اجي ادور متدورش قلت المرش في حاجه روحت لكهربائي حل المرش وركب تمام دور يومين ونفس القصه المهم روحتله تاني قالي عيب اسبراتير غيرت الاسبراتير خااااالص جيبت بتاع 127 قالو هو هو وطبعا ملقتش غير الصيني المهم ركبته ونفس القصه الجديد بقي ان العربيه المرش ميدورش الا لو أخرت كهرباء قلت اجرب امشي بيها كده فضلت تقطع قدمتلها كهرباء العربيه تمشي تمام التمام بس لو وقفت مني لالالالالازم العب في الاسبراتير وأخر كهرباء عشان تدور من هنا لهنا مش لاقي حل حتي الميكانيكي بتاع العربيه اللي عمل عمره مش عارف ايه السبب وكل ماروحله ندورها وامشي ترجع لنفس القصه انا عاوز الحل بالله عليكم لاني بجد تعبت وحاسس اني معملتش عمره والكهربائي يقولي مش عيب مارش علما بأني ركبت مرش جديد استيراد عشان نبرء الكهربائي والميكانيكي يقولي عيب مرش طيب انتو قولولي الحل ايييييييييه لاني والله زي مانتو شايفين كده
ارجو الرد في اسرع وقت قبل مانتحر

**beshomilan** · 14-12-2012 08:01 AM

طب ماتجرب ميكانيكى تانى غيره وشوف رايه؟؟

**Ahmed salamaa** · 14-12-2012 05:52 PM

انا عندي الحكاية مشابة للي عندك و طلعت البطارية بتودع روح للاقرب حد بتاع بطاريات و كاوتش بس محل كبير يعني و خلية يكشفلك عليها مش هياخد منك حاجة يعني او اديلة 5 جنية في واحد اسمة علي صبرة محل كبير كدة علية كلة بيرللي في المنيل دة كويس

**Ahmed.sawy** · 14-12-2012 07:39 PM

بص يا باشا قدامك حاجه من التلاته

اولا تغير الميكانيكي بتاعك وياريت تشوف واحد متخصص في نفس الموديل ودول كتييييييير جدا في القاهرة

ثالثا تخالي الميكانيكي بتاعك يفضل عندك علشان يدورهالك وقت ماتعوز :)
رابعا متزعلش مني لو هزرت معاك بس حبيت اطلعك من المود شويه

اخدت بالك ان مفيش ثانيا ولا لا اضحك وسيبها علي الله وان شا االه تلاقي حل في اسرع وقت

**ahmed tantawy** · 15-12-2012 10:45 PM

اولا اانا كل مرة بقيس البطارية بلاقيها تمام التمام التمام

ثانيا دول اتنين مكانيكه ياجماعه لحد ماحسيت ان ده مش ماتور عربيه

ثالثا والله مابزعل من الهزار مع انها عربيه سيات بس ايدي ورجلي لآني بضطر لو مش معايا العربيه اروح انا ومراتي يوما بتاكسي رايح وتاكسي جاي 30 ج في اليوم

حطو نفسكم مكاني :(

**Ahmed salamaa** · 16-12-2012 05:56 AM

بص غير طقم كهربا كامل ولو معملش حاجة يبقي الاسبراتير دة فية مشكلة و انا مش مطمنلو عشان صيني انزل دور علي بتاعها او هاته استيرااد احسنلك

**SHNORY** · 16-12-2012 07:28 AM

80% من عمرات المواتير فاشله بسبب الصنايعيه وقطع الغيار التعبانه
لو مشكلتك متحلتش
سقط موتور لو موتورها مش غالي
انا قبل كده عملت عمره بوظتلي الموتور ودفعت فيعا 1000 جنيه غير الزيوت اللي اتغيرت كذا مره
واخر ما زهقت
سقطت موتور ودفعت فرق 1500 جنيه عن موتوري
بلا وجع قلب ووقفه مع الصنايعيه وتليين وحوارات
ويبهدلوا العربيه ويجربوا في الزبون كل شويه يخلوه يغير حاجه