السلام عليكم
شباب مية القربه بتقل اووووووي كل يومين ازودها
ومفيش اي تسريب ده من ايه ؟؟
نوبيرا 2 مو 2005
عرض للطباعة
السلام عليكم
شباب مية القربه بتقل اووووووي كل يومين ازودها
ومفيش اي تسريب ده من ايه ؟؟
نوبيرا 2 مو 2005
لو مفيش مياه بتسسرب من دورة التبريد اللي في حوض العربية يبقي التسريب من سربنتينه التكييف السخن اللي تحت التابلوه وهاتلاقي المياه تحت الدوسات
جرب تغير الغطا ممكن يكون بيسرب
علشان تجسب من الاخر
ارجع من مشوار باليل وحط كرتونه تحت العربية وتكون نشفةوالعربية تكون واقفة علي ارض مستوية علشان المية لو نزلت متجريش
سيباالكارتونة حتي تاني يوم
وبص عليها هتعرف المية جاية منين
غطاء الرادياتير لو مش محكم ممكن يسبب نقص مية شوف حالة الكاوتشة بتاعته
راجع على طلمبه المياه
انا عندى برده بتنقص مع انى رحت لمحمد عبده وعملت اختبار كبس مرتين
وغيرت طرمبة المية والغطا وماسوره الشجره الفيبر و بصينا على طبب المية وبرده فى تسريب
اولا شكرا ع كل اللي رد عليا ..بس العربيه مش بتسرب من اي مكان خالص والغطا محكم جدا
طب ايه حكاية النقص دي ...؟!
بس انا هحكيلك ع حاجه انا في مره زودت ميه وانا طالع الصبح و روحت مشوار 22 كيلو كده في اخره لقيت دخان بسيط من الكابوت ركنت وبطلت بس امبير الحراره كان طبيعي عادي
نزلت بفتح الكبود لقيت اني ناسي اقفل القربه والغطا محطوط ع البطاريه ! والقربه ناشفه
زودت ميه وانطلقت تاني هل ده سبب ولا ايه النظام ؟؟؟
ممكن فيه تسريب من القربه .
غالبا القربه لو مش اصلى من كتر الضغط اللحام الى خلف القربه بيضرب وبيسرب راجع على القربه من الخلف وممكن يكون الغطاء
راجع على طبب المية حاول قبل ما تركن تدى دوستين بنزين وبعدين بطل وراقب تحت العربية لو لقيت تسريب يبقى من الطبب
غطاء القربة به بلف تنظيم ضغط دورة المياه ودا ممكن يسرب في حالة زيادة الضغط وهوا الي بيتلف مش جلدة الغطاء وبتكشف عليه انك بعد مشوار طويل تقف وتفتح الكابوت والعربية دايرة وبعدين تبطل العربية وتشوف حولين الغطاء لو في بخار ام لا
انا كانت الميه بتنقص
غيرت
كام خرطوم
طرمبة مياه
طبب سليمه
وبرده بيسرب طلع جوان وش السلندر
والحمد الله الان مفيش اي تسريب
= شوف العربيه وهيا بارده ايه الي بيسرب
= شوف العربيه وهيا سخنه بعد لما تيجي من مشوار
= شوف العربيه الصبح ونتا بتسخنها
تكشف من تحت العربيه ومن فوق تدور علي اي تسريب انا العربيه كانت مره بتسرب وهيا سخنه بس وعلجتها اوعا لو المياه بتنقص كتير تمشي مشوار طويل بيها انا جابت جوان بسبب كده
حسام السويدي
السلم عليكم يا جماعة
العربية عندى جابت جوان وش سلندر و عرفت كدة لانى لاقيت على مقياس الزيت طحينة و فى فوران فى القربة
المهم الموضوع دة يتكلف كام على بعضة ؟ و هل ممكن يكون حاجة تانية غير الجوان ؟ و ممكن امشى بيها يوم لحد ما اعملة و لا فيها مشكلة ؟
لا طبعااا لازم تغيره وبصراحه مفيدكش ف السعر
وللاخ صاحب الموضوع مش عارف ليه حاسس انهااا عملتها معاك زيي بالظبط نفس القصه
ف الاخر طلعت مشكله ان فيه قطعه معدنيه في الريداتير مصديه مش متزكر اسمها واتعملت ب خمسين جنيه وان شاء الله ميكونش جابت جوان اما حطيت ميه وهي سخنه ومبطله زي مقولت لكن لو حطيت وهي دايره عادي اكشف عن حد بتاع ريداتير وشوف خراطيم التبريد والتكيف اي نظامها عند الميكانيكي
اوعي تمشي عليها
التكلفة هوا خد مصنعيه 150 ج حسب الميكانيكي في ممكن ياخد اقل وممكن اكتر بس انا مخرطش الوش غير الجوان بس الحمد الله