القول الفصل في البروتون اوتماتيك

**Eng.Sameh** · 22-07-2008 11:04 PM

المشاركة الأصلية كتبت بواسطة ossama4321

الحقيقة انا متشكر جدا لرد حضرتك وذوقك
وهو دة ال كنت اقصد بية كلامى يعنى لو انا معايا 90 الف هركب اية افيو ولا كيا ريو
اتوماتيك ولا نيو اكسنت ولا حتى صنى ولو قرنت كل دول بالجين2 الحالية اكيد هتكسب
كل ال انا قاقان منة انى اجيب الجين2 وبعد كدة الناس تقولى الافيو ادائها احسن مثلا يعنى عشان اقل فى ال سى سى وهكذا بس الشؤال لما يكون معايا اركب 1600 وكل الكماليات ارفض واروح لحاجة 1300 عشان ادئها هيكون احسن جو البلد وارمى كل الكماليات دى فى الارض واشترى عربية فقيرة انا اتفرجت على السيراتو وعلى الانترا
وعلى اللنسر ومازلت مقتنع بالجين2 هستنى شوية لو فى موديل جديد بس حقيقى انا مستعجل ومرة تانية شكرا لاهتمام حضرتك فى هذا المنتدى الرائع

يا بشا كلنا والله مستعجلين ، بس الفرق بين الجديدة والحاليه يستاهل ، كفايه ان عزمها اتحسن على السرعات القليلة يعني ادائها جوه البلد هيبقى بردو ممتاز زي الطرق السريعة ، وكمان الصالون احسن بكتييييييييييييير

والله ولي التوفيق

**Scent7104** · 23-07-2008 12:38 AM

طيب هو فين الجديدة ده...هتنزل امتى ؟ و ممكن اشوفها فين؟

**creative** · 23-07-2008 05:19 PM

عاوز اعرف حاجة بجد من كل اللى معاهم الجين 2 انا بجمع معلومات عن العربية دى من فترة كبيرة وانا معجب بيها جدا انما قلقت من كلام ان سحبها على الاوتوماتيك مش عالى
كمان انها بتسحب بنزين كتير وكمان قطع غيارها مش رخيصة فانا عاوز اعرف بجد العربية دى عاوز تفاصيل عنها من حيث المانيوال والاوتوماتيك وسحب البنزين وقطع الغيار والمميزات والعيوب اللى تخلينى اشتريها او افكر فى اى عربية تانية تكون مناسبة ليا وشكرا لكل اللى موجودين

**ahmedsiyam** · 24-07-2008 04:57 PM

السلام عليكم

كنت حابب اضيف بالنسبة للاوتو انك لا يمكن تسحب المفتاح من الكونتاكت ابدا الا و الفتيس فى وضع الـ P
بالنسبة للاخوة بقى اللى احيانا بتضطر ظروفهم انهم يركنوا عربياتهم تحت البيت او الشغل صف ثانى
الرجاء الاخذ فى الاعتبار انكم لما تركنوا العربية موش هاينفع تسيبوها فى وضع الـ N ابدا الا اذا تركتم المفتاح فى العربية

انا باضيف المعلومة لان فى ناس كتير بتضطر انها تركن صف تانى و تبقى عارفة الكلام

**creative** · 24-07-2008 06:06 PM

لو سمحت ياجماعة انا عاوز اعرف حاجة لانى محتار مابين الفيرنا والياريس والافيو والهوندا سيتى والجين 2 واللى يهمنى ياريت من اللى عنده خلفية عن الموضوع ده يقولى سحب البنزين موفرلكل عربية وسعر قطع الغيار وسعر اعادة البيع لان ده مهم بالنسبة ليا جداااا اما بالنسبة للكماليات فانا عارف ان الجين 2 طبعا هاتكسب انما انا عاوز اعرف النقط الللى انا ذكرتها لانها مهمة بالنسبة ليا فى تحديد السيارة المناسبة لامكانياتى حاليا

**ossama4321** · 24-07-2008 06:41 PM

المشاركة الأصلية كتبت بواسطة ahmedsiyam

السلام عليكم

كنت حابب اضيف بالنسبة للاوتو انك لا يمكن تسحب المفتاح من الكونتاكت ابدا الا و الفتيس فى وضع الـ P
بالنسبة للاخوة بقى اللى احيانا بتضطر ظروفهم انهم يركنوا عربياتهم تحت البيت او الشغل صف ثانى
الرجاء الاخذ فى الاعتبار انكم لما تركنوا العربية موش هاينفع تسيبوها فى وضع الـ N ابدا الا اذا تركتم المفتاح فى العربية

انا باضيف المعلومة لان فى ناس كتير بتضطر انها تركن صف تانى و تبقى عارفة الكلام

________________________________
لا حضرتك ممكن تركن على p وبعد ماتشيل المفتاح جابها على N عادى لان ممكن واحد يكون عايز يطلع من وراك او من امامك فالسايس يزوأها
عادى يا دكتور