الموضوع: ذات مومنت لما الاكسيل تهزر معاك هزار تقيل وانت ماشى ^ــ^

بعد الموضوع اللى عملته ده .....

http://www.nilemotors.net/Nile/323563-a.html

كانت النتيجه النهارده وانا راجع من صلاة الجمعه وداخل ملف على سرعه من 35-40 على الغيار التالت

للاسف العربيه عومت منى جااامد وكانت داخله بوشها فى الرصيف والحمد لله لميت العجل كله الجهة

التانية وجبت الغيار التانى ودوست بنزين والعربيه اتعدلت بس خدت خبطه فى الاكصدام والاكصدام اتحك

واتفك من مكانة ودى كانت غلطه منى لان العجلتين اللى ورا مش نفس النقشه ولا نفس الضغط وعجله

منهم هوا وعجله نيتروجين بس قدر الله وماشاء الله فعل انا عملت الموضوع ده علشان احذر الناس من

الموضوع ده واللى بيملى نيتروجين بالذات اوعى تنسى وتركب الاستبن ويكون هوا وتاخد ملف بسرعه

لان العربيه هتعوم زى ماحصل معايا ودى الصور ...

حاسس ان الجنب اليمين بتاع العربيه عندى ده فقرى كل الخبطات فيه حتى الخبطتين اللى محصلتش

وانا سايقها وحصلت وهى مركونه فى الجنب ده

منهم خبطه نزلت لقيت الاكصدام بالفانوس بالشنب اللى تحت الفانوس مدمرين عملتهم عند السمكرى

ودهنتهم بقلم دوكو اخضر لحد ما اجى افحص وارش العربيه كلها وحكه تانيه غالبا من عربيه نقل واخده

الباب بالرفرف اليمين ودى صورهم ...

لحد ماربنا تاب عليها وبقيت اركنها فى باكية لوحديها ....

الصور ....







وربنا يسترها علينا كلنا يااارب .....