الحمد لله أولاً وآخِراً
أخييييييييييييييييييراً
استلمت بحمد الله وفضله نيسان صنى 2013 سوبر صالون (فضى) - أوتو إيجبت المهندسين)
و اود التوجه المنتدى وجميع الاعضاء القدامى والجدد على المعلومات القيمة التى أفادتنى وغيرى حول السيارات عامه ونيسان خاصهً

درس فى الصبر ..........للى لسه مستنى

قصتى مع السيارات واطول عليكم عشان دى جت بعد شوقه وصبر صبر يعنى

من غير ما أطول عليكم انا خريج 128 يعنى ما ركبتش غيرها والباقى اللى ركبته كان كله توصيلات مش سواقه
وبعد مأساه مع ال128 التانيه (أصلى مدوبهم اتنين) , قررت انى مجيبش مستعمل تانى توووبه
وبعد لف ودوران سنه!!!! من بريليانس كروس بعد حجز 6 شهور....ثم لوجان اوتو (كان مجرد اعجاب) ... وكنت اقدر جدا واحترم الصنى القديمه (إختيار العقلانيين فقط والرجاله)حتى الان ولكن ضيق الكنبه مع استهلاك البنزين + الشكل الكلاسيكى جدا (مجرد أذواق)

إلى ان نزلت 2013 شكلها جيد +إمكانات فوق الممتازه
كل اللى انا عايزه safety +immobilizer+excellent brand+reliability
أمان+ ماركه محترمه+توكيل ممتاز+استهلاك قليل+اعتماديه

المهم حجزت فى أوتو إيجبت المهندسين فى شهر 6 اللى فات وبعد شهر لغيت الحجز وقلت أحجز من السويس(نيسان السويس IFG"الكدابين) عشان اسهل بدل الاستلام من القاهره والسفر ودى لسه جديده وتحويشه العمر وكده
وللاسف اتفقت معاهم ع اساس ان شركتى بتتعامل مع بنك معين ووافقوا ورحبوا وقالوا الاستلام بعد شهر!!
ووديت الورق شركتى وابتدى يستقطع من المرتب قسط السياره
وبعد انتظار 3 شهور تاااانى لقيته بيقولى انهم مابيتعاملوش مع البنك ده وياريت تشوف بنك تانى....بعد ايه....لسه هاحجز تانى مع وكيل تانى
المهم اديتهم اللى فيه النصيب بأدب
وقعدت أدور وأدور......والله مفيش أى عربيه تستاهل تمنها(قيمه و سعر وكماليات مقابل السياره)
إلا نيسان صنى الجديده والقديمه + بروتون جين 2 وبيرسونا
وكانت نزلت السوبر صالون
والباقى كله نصب وحضراتكم فاهمين قصدى

وحجزت تانى مع أوتو إيجبت المهندسين وتحيه وتقدير للاحترام فى المعامله
وطبعا كانوا فاكرينى وحجزت تانى والحمد لله بعد شهر ونص تم ابلاغى بان العربيه وصلت بالسلامه
-استلمت يوم الثلاثاء 11/12/2012 من التوكيل المحترم فى ميعاد الاستلام وفى المعامله والاجراءات
ورخصت 12/12/2012

والحمد لله انا قديم معاكم فى القسم ومتابع كويس
الحمد لله......لا توجد اى اصوات غريبه (الشكاوى الشائعه) بحموله 5 أفراد+ مطبات ومن غير حموله
وده يحسب ل نيسان طبعاً

البطاريه جافه
العربيه ناعمه جداً....سواقتها ممتعه....تاخد عليها وعلى ابعادها بسرعه.....كراسى مريحه....واااسعه..عاليه عن الأرض
اول ما تقعد ع كرسى السواق تحس انه كلبش فيك

نيسان صنى (قديم/جديد)=إختيار العقل