تغيير قطمه الدركسيون فى غبور العبور بعد طول انتظار :)
اذيكم يا احلا قسم فى المنتدى بجد بحترم الناس هنا جدا جدا لدرجه انى بقيت كل يوم بدخل اشوف الجديد بس فى الفتره الاخيره بحس ان الناس نايمه محدش بقى ينصح حد زى الاول يا رب نرجع زى زماااااااان و يبقى فى تفاعل فى قسم الهيونداى زى الاول ان شاء الله ...
ادخل فى موضوعى عملت موضوع من 4 اسابيع كدا و هو دا
http://www.nilemotors.net/Nile/319697-a.html كنت المفروض منتظر مكالمه من غبور العبور عشان كنت منتظر قطمه الدريكسيون تجلهم من كوريا :duh: المهم كان معايا تليفون مهندس هناك اسمه مهندس رامى بجد راجل محترم جدا جدا جدا و خدوم بطريقه رهيبه كنت بكلمه فى طول الفتره و قالى اول ما هتيجى هكلمك اقولك تعالى ركب القطمه و فعلا دا اللى حصل لقيت اتصال :allo: منه السبت اللى فات 8/12/12 المهم قالى تعالى ركب القطمه وصلت :x1[1]: و تيجى بكره تركبها رحت فعلا يوم الاحد كنت هناك الساعه 9 بالظبط اتصلت قالى خد رقم من الاستقبال و انا جيلك المهم كنت خت رقم و قاعدت مع مهندس استقبال تانى حكتلو الدنيا فيها ايه و انا فى نص الكلام جيه مهندس رامى سلم عليا :Y_hi_3[1]: و قالو ان حاجزلى قطمه و كلمنى عشان اجى اركبها المهم خرجنا استلم منى العربيه و كانت الساعه 9 ونص المهم طلعت فوق الاستراحه و فضلت مستنى لحد الساعه 1 ونص و كلمت مهندس رامى قالى هبصلك على العربيه و فعلا لقيته داخل يبص على العربيه و شافها و كلمنى قالى هو فى صوت طقطقه تانى :oops2: مش عارفينه جى منين فا بيشوفو العربيه و بيجربوها و هنقولك :Copy of majd(4): المهم على الساعه 2 ونص لقيتهم بيندهو عليا نزلت لقيت مهندس رامى بيقولى كل حاجه زى الفل القطمه اتغيرت و بعد ما غيروها كان فى طوت طقطقه تانى بعد ما رفعو العربيه و بصو لقو مسمارين الميزان بيشيين :U_thin1[1]: و اتفضل التقرير اهو و اختم بس من الخزينه و اطلع استلم العربيه :rofl4: بس طلعت استلمت العربيه محدش نظفها و محدش عمل فيها حاجه من غسيل و تنظيف الهيكل قولت مش مهم مجتش على دى يا واد يا حسام بابص على الحاجات اللى غيروها ملقتش ولا القطمه ولا مسامير الميزان رجعت تانى للمهندس رامى قولتلو القطمه القديمه فيين قالى لما بتغير حاجه فى الضمان مش بتاخدها طب المسمارين قالى نفس الكلام فا شكلهم كدا ايه القطمه القديمه كانت سليمه و المشكله كانت فى مسامير الميزان اللى اتغيرو و القطمه خدوها عشان يغيروها لحد تانى و دا استنتاجى و الله اعلم :U_thin1[1]: و فى الاخر طلعت من التوكيل مبسوط ان العربيه بقت جميله و الثبات بقى جميل و بقت ماسكه نفسها بجد ماشاء الله و الحمد لله ان ربنا سترها عليا و انا ماشى لان لو المسماريين دول اتقطمو و انا ماشى كانت هتبقى دماار الحمد لله على كل شىء و دا كان يومى فى غبور للمره الثالثه و جت بفايده الحمد لله :biggrin24: و معلش على الرغى اللى انا رغيته دا و يا رب مكنش تقلت عليكم :)