مشكله كهرباء

**Ahmed.sawy** · 14-12-2012 07:28 PM

اولا السلام عليكم
انا معايا ستروين ax موديل 94

العربيه كل حاجه فيها تمام وبقالي فترة مايشه والحمد لله زي الفل بس اول امبارح روحت غيرت كبل دواسه البنزيين انا عارف ان دا ممكن يكون مالوش علاقه بس اذ ربما تكون الدنيا صغيرة

المهم انا ركنت العربيه امبارح بالليل في حدود الساعه 11 وكانت كل حاجه زي الفل وجيت ادور الصبح لقيت البطاريه نايمه لدرجه انها مش قادرة تنور لامبه البطاريه اللي في التابلوة مع العلم ان البطاريه لسا جايبها من حوالي 5 شهور و المفروض ان مفيش حاجه مسريه لاني لسه طالع من عمرة كامله من حوالي شهر ومفيش اي حاجه كنت سايبها امبارح شغاله ونسيتها حد عنده مقترحات

**Ahmed.sawy** · 15-12-2012 05:00 PM

23 مشاهده ومحدش فكر يقولي حتي احسن :(

**beshomilan** · 15-12-2012 08:46 PM

ممكن تكون البطاريه باظت وده مش مستبعد وحصل مع ناس كتير هنا

البطاريه لو سايله زودلها ميه مقطره او حمض كبريتيك من العيون بتاعتها
البطاريه لو جافه بص على العين بتاعها..لو اخضر يبقى شغاله ولو اسود يبقى انتهت

جرب حركة اخيره افصل القطاش السالب وركبه تانى او اخبط عليه بأى حاجه عشان يتحرك معاك واضغط عليه لتحت وجرب دور
انا كنت راجع مره من مشوار محترم وفصلت العربيه وقفلتها ومشيت وافتكرت انى ناسى حاجه فى العربيه يادوبك بعدت كام متر عنها
ارجع احاول افتح من الريموت ابدا
فتحت بالمفتاح واجى ادور..ابدا ولا نور ولا كاسيت ولا اى حاجه خالص شغاله فيها
استغربت جدا وقلت دى كانت شغاله من دقيقة
فتحت الكبوت وخبطت على القطاش السالب كام خبطة لقيتها اشتغلت زى الفل

بس خللى بالك لازم تكون فاصل وطافى اى نور او اى كهربا عشان ميحصلش شورت فى الدايره

**akmm** · 16-12-2012 10:35 AM

الأفضل شوف كهربائى لو ده منفعشى ومش علشان يدورها ولكن علشان تعرف ونعرف السبب فى كده ... وموفق .

**Ahmed.sawy** · 16-12-2012 10:37 AM

تسلم يا باشا وجاري التجربه للتاكد من سلامه البطاريه لاني روحت امبارح للكهربائي هي دارت بس طبعا عن طريق بطاريه تانيه مشحونه وسيبتها عنده ورجعت بعد شغلي استلم قالي ان كان في قفله عندي في التكيف مع اني فاصله تماما من حوالي شهر او ازيد هجرب النهارده اشيك علي الاواطيش و البطاريه زياده تاكيد وربنا يستر