الموضوع: إستشارة في تركيب باركينج سينسور

سلامي للجميع،

أنا ناوي أركب باركينج سينسور سباي وايرليس بنفسي وبالفعل تم عمل أصعب جزء وهو عمل الفتحات في الإكصدام، وتوصيل الأسلاك بوحدة التحكم ولمبة المارشدير مفيش فيه مشكلة. للي ميعرفش الطقم ده الشاشة مش متوصلة بوحدة التحكم بسلك، دي بتاخد إشارة لا سلكية من وحدة التحكم المتوصلة بلمبة المارشدير وعلى أساسها بتفتح وتقفل، والشاشة بس بتاخد باور من قدام وهنا يجي السؤال:
مكتوب في خريطة التوصيلات إن الشاشة تاخد باور من التكة الأولى في الكونتاكت إللي هي تكة الإكسسوار، بس أنا مش عايز ألعاب في الضفيرة ولا قص ولا لحام ولا حتى أجي جنب علبة الفيزات، هل ينفع أوصل الشاشة على البطارية على طول مع وضع فيوز طبعا، يعني الفولت سواء من البطارية أو الكونتاكت ١٢ فولت ولا بتفرق؟ ولو ينفع وصل على البطارية أحط فيما كام أمبير قبل الشاشة مع العلم هي مش مكتوب عليها أي حاجة أعرف منها.

ألف شكر ليكو مقدما، على فكرة ممكن يكون مكان الموضوع ده قسم الكهرباء، بس للأسف القسم هناك نايم خالص.

المشاركة الأصلية كتبت بواسطة dede_dodo88

مفيش حاجة وايرلس برضه بس تبقى من غير شاشة ؟

بص لو مش عايز الشاشة تكون ظاهرة بلاش الوايرلس. جيب أي حاجة بسلك عادي (وتكون شاشة ثابتة مش تفتح وتقفل) وركبة عادي وركب الشاشة في حتة متدارية، تحت التابلوه مثلا أو لو مش عايز تمشى سلك بطول العربية ممكن تركب الشاشة في الشنطة تحت رف السماعات مباشرة بحيث تسمع صوتها ومتشوفهاش. ده رأي!

المشاركة الأصلية كتبت بواسطة midooo_119

بص هو كان التركيب كان كالتالى جهاز السنسور بيتحط فالشنطه تحت الفرش و بيتوصل بلمبة المارشديل و الشاشه بتاخد من علبة الفيوزات على فيوز لوحديها فمفيش ضرر لعلبة الفيوزات و مش بنيجى جنب الضفيرة

فعلا؟! يعني إستخدم مكان فيوز فاضي؟ أكيد محشرش السلك مع فيوز حاجة ثانية؟
طيب هو فك قاعة علبة الفوزات وهو بيركب ولا لأ؟ أصل لازم يكون فكها عشان يوصل سلك الشاشة في ظهرها. معلش تاعبك معايا