احدى نقاط الضعف الامنى فى النترا 2012 (قصة ونصيحة)

اولا اتمنى تتقبلونى زائر خفيف عليكو من قسم البريللليانس
من غير ما اطول عليكو
القصة ابتدت امبارح لما اعز اصدقائى بلغنى بسرقة عربيتو الهيونداى النترا 2012 المفتاح العادى
طبعا نفسيتو زى الزفت والنهارده رحتلو علشان قالى ان فى ناس معارفو كلمولو رتبة فى مدرية امن الجيزة و هيروح علشان يتكلم معاه
و احنا رايحين جه لاخوه تليفون من اللى سرق العربية لأن كان فيها السى فى بتاع اخوه و ابتدت المساومة
ومن هنا لهنا وصلنا ل 20 الف جنيه والمفروض هنرد عليهم بعدها ب 5 ساعات
مفيش نص ساعة وجار صاحبى اتصل بيه وقالو ان فى 2 امناء شرطة جولو البيت من قسم الشيخ زايد و ان العربية لقوها وقالو انو ادى الامين رقم تليفونو
طبعا صاحبى اتجنن و بقى يتشقلب جمبى و مفيش دقيقة و اتصل بيه الامين و قالو ان عربيتو فى قسم العمرانيه و ادالو رقم تليفون امين شرطة هناك
كلمو قالو ايوة يا باشا عربيتك موجوده تعالى استلمها وبعد كده هتروح قسم الشيخ زايد تعمل محضر علشان ملف العربية ينزل تانى فى المرور وهتكلم سيادة العقيد ...... وادالو رقموا
طبعا اتصلنا بمعارفنا من الشرطة وكلهم استعجبو ان احنا هنستلم العربية من غير نيابة او فحص للعربية
وقلنا نروح ونشوف
رحنا القسم و سألنا فى النوبتجية قالولنا اطلعو فوق طلعنا لقينا امين شرطة طبعا من خطفتنا نسنا اسم الامين ادنالو الرقم طلع يعرفو وقال اه ده الامين فولانى و ادنالو رقم العقيد وطلع عارفو بردو
المهم اتصل الامين ده بالامين اللى كلمنا فى الاول خالص وجه بموتسيكل على القسم وخدنا وروحنا للعربية
كانت مركونة فى شارع خاتم المرسلين
التراب عليها كتير مع انها بقالها يومين بس والزجاج مكسور بتاع السائق ومتسابة كده
ولقينا 2 امناء تانين واقفين جمبها
قالو انهم فصلو البطارية
المهم وصلنا البطارية وصاحبى جه يدور مدارتش مع انها النور التابلوه نور
راح يشوف كهربائى لانهم قالو جايز الحرامى شال فيوزات منها وقالولو ان فى كهربائى هنا و شاورولو على مكانو
المهم صاحبى راح و اخوه جرب يدور فدارت معاه
اتصلنا بيه فجه تانى
وطبعا الامناء بعد ما اخدو الف جنيه (حلاوة) مشينا...
و احنا بنصلح الازاز بصيت على الكونتاكت و هنا اتصدمت
الرقبة اللى حوالين الطارة متثبتة بمصمارين صليبة و القواعد بتاعتهم ضعيفة جدااااااااااااااااا لانهم مكسورين وطالعين بالمسامير
يعنى لو مفك عادة اضرب فى الفرق اللى بين الجزء اللى فوق و اللى تحت من فوق كل مسمار هتتكسر بسهولة لان البلاستيك ردىء جداااااااااااااااااا زى لعب الاطفال
وطبعن لما يتفكو او يتكسرو سهل اوى العربية تدور بالسلكتين....
الغريب فى الموضوع انهم حتى مطلبوش يشوفو رخصة العربية ولا اتأكدو ان احنا اصحابها
الحرامى اللى دور بسلكتين ليه وصلهم تانى بالكونتاكت
الزجاج المكسور لسه على الكرسى
مش مغطى العربية وسايبها واقفة عكس فى شارع عمومى
لدرجة ان الكهربائى كان عارفها وقال لصاحبى الهيونداى المسروقة اللى هناك ده انا اللى سارقها وضحك ومرضاش يجى
العربية تقريبا متحركتش من مكانها من ساعت ما اتخدت...
دلوقتى انا و صاحبى لقينا الغاز كتير مقدرناش نحلها كلها بس انا كان ليا رأى مش هقولو وحابب اسمع تفسيركو
وفى النهاية نصيحتى لكل ملاك هذه السيارة اللى بجد زعلت انها تكون فيها نقطة ضعف بالشكل ده:-
1-سوجر الدركسيون وهو فى الوضع المعتدل علشان تدارى الفرق اللى عند المسمارين لان النقطتين دول هما اللى هتتكسر منهم بسهولة
2-استخدم قفل الحماية على الدركسيون
3-اعمل مفتاح فصل كهرباء وخبيه وتعرفش حد بوجودو و اعملها عند كهربائى موثوق فيه او كهربائى من بعيد عنك قوى
4-لو فى امكانية ركب جهاز التتبع
5- وده اهم حاجة اطلبو من الوكيل يغيرها بواحده محترمة ويصنعوها مخصوص او جمعوا بعض و اعملوها عند واحد بتاع فيبر يصبهالكو تكون متينة وتتكسرش و غيرو المسامير بمسامير اللى هى بتكون من جوة على شكل مثلث وا خماسى تقريبا اسمها الانكيه لان الحراميه لما هيلاقى حاجة مختلفة هيسبها مش هيعافر فيها
وفى النهاية الحامى هو الله
اتمنى اكون افدتكو وكنش طولت عليكو

تشكر

رأيي مش هيتغير في الكوري والصيني والأسيوي عموماً
مش هدخل في حوارات مالهاش لازمة اغرقت المنتدي بالكلام فيها
بس مش هقول غير ان العيب عند اللي بيشتري عربية 2012 علشان شكلها او علشان اعتمادية مزعومة وووهم قطع الغيار الرخيصة وسهولة البيع

طبعا انت الف شكر ليك علي التنبيه والتحذير وياريت الناس تفوق شوية من الغمامة اللي علي عينيهم مخلياهم مش شايفين حقيقة العربية

عارف الأيموبلايزر في العربيات الأوروبي من سنة كام ؟؟؟ وعن شرط ، في العربيات الصغيرة زيها زي الكبيرة او بمعني تاني بلغة الأرقام - في العربيات الرخيصة الشعبية زيها زي العربيات الفارهة

سلملي علي التكييف الثلاجة والتصميم الخزعبلي الفضائي والباور الكهربا والسي دي وشوية الكماليات اللي بيتضحكوا بيها علي الناس ومش مهتمين باي عنصر من عناصر الأمان او الحماية

تحياني

الف شكر على النصايح الغاليه و مشكور لتعبك .

ممكن بس شوية صور لو امكن

ياعم سيد
انا كان معايا لوجن. وشاريها من توكيل سور نادي الزمالك في المهندسين. وقالولي العربية مشفرة والمفتاح مشفر. الى اخرررررره
المهم رحت اركب وحدة رفع وجهاز انذار عند واد اسمو عمر في الحرفيين. فبقولوا وانا بضرب كباية العناب الساقع خلي بالك متبوظليش الشفرة قالي شفرة ايه قلتلوا شفرة العربية

قالي يابيه تراهن اني اشغلهالك. بمفك وشفرة ( قطر موس ). قلتلوا اتحداك. بس بشرط متكسرليش حاجة قام الواد في ثواني فك علبة الدريكسيون. من هنا وقام عامل قفلة بين سلكين. قامت العربية دايرة هههههههه وسلم لي على الشفرة هههههه

تشكر على النصيحه
و الحمد لله جت على اد كده ..

مشكوررر علي التنبيه
والحمد الله انها رجعت ..

المشكلة فى المستورد اللى بيجيب أرخص حاجة
ومش عارف إذا كننا ظالمينه وللا الجمارك هيا السبب!!
المفروض الجمارك على الأقل تترفع عن إيرباج الطارة والإيموبلايزر ومفيش عربية تدخل مصر من غيرهم وتبأا مطابقة للمواصفات القياسية المصرية اللى هيا مش موجودة أصلا..

سؤال صغير العربيات الوهمية اللي فيها ايموبيلايزر مش بتتسرق؟

اقتباس:

---

المشاركة الأصلية كتبت بواسطة svneleven

سؤال صغير العربيات الوهمية اللي فيها ايموبيلايزر مش بتتسرق؟

---

---------------------------------------------------------------------------------------------------
كلة بيتسرق حتى المرسيدس s class الحرامية لقوا حلول لكل حاجة

اقتباس:

---

المشاركة الأصلية كتبت بواسطة y a r i s

ياعم سيد
انا كان معايا لوجن. وشاريها من توكيل سور نادي الزمالك في المهندسين. وقالولي العربية مشفرة والمفتاح مشفر. الى اخرررررره
المهم رحت اركب وحدة رفع وجهاز انذار عند واد اسمو عمر في الحرفيين. فبقولوا وانا بضرب كباية العناب الساقع خلي بالك متبوظليش الشفرة قالي شفرة ايه قلتلوا شفرة العربية

قالي يابيه تراهن اني اشغلهالك. بمفك وشفرة ( قطر موس ). قلتلوا اتحداك. بس بشرط متكسرليش حاجة قام الواد في ثواني فك علبة الدريكسيون. من هنا وقام عامل قفلة بين سلكين. قامت العربية دايرة هههههههه وسلم لي على الشفرة هههههه

---

جربت أنسخ المفتاح.. وأول ما تدور تدور معاك.. اديها أقل من 10 ثواني تفصل اوتوماتيك أو أول ما تحاول تتحرك بيها.. ممكن كانت اللوجان اللي معاك نص كماليات يا اما اللي انت كنت عنده دورها كام ثانية وفصل تاني.. أي حالة تانية روح للتوكيل يسلموك مفاتيح بشفرة جديدة.

اقتباس:

---

سؤال صغير العربيات الوهمية اللي فيها ايموبيلايزر مش بتتسرق؟

---

لأ علي مدي ضيق جدا.. يعني مثلا واحد ضاع منه نسخة من المفتاح واللي لقاها عرف يجيب العربية.. أو ان العربية اتقطرت واتغيرلها أجزاء الشفرة بالكامل في ورشة.. انما مشاهير العربيات المسروقة كلها (سيراتو - أفيو - أوبترا - النترا - أكسنت) هم هم

يعني اية بعد نص ساعه من اتصال طلب الفدية جالة امين شرطة قالة لقينا العربية !!! يعني كدة الي اتصل دة كان واحد من امناء الشرطة !!!

قمه الغباء انى ادفع 160 الف فى عربيه مش فيها اى عناصر امان وحمايه

ممكن اجيب اى عربيه ب30 الف واصرف عليها كماليات وحورات 20 واوفر الباقى بشرط انى هكون عملت فيها نظام حمايه

نصحيه لكل الى هيشترى عربيات جديده اول شى تبحث عنه الحمايه وعناصر الامان قطع الغيار لو مش موجود جديد موجود استيراد بس الامان والحمايه وراح البال لاتقدر بثمن

اقتباس:

---

المشاركة الأصلية كتبت بواسطة y a r i s

ياعم سيد
انا كان معايا لوجن. وشاريها من توكيل سور نادي الزمالك في المهندسين. وقالولي العربية مشفرة والمفتاح مشفر. الى اخرررررره
المهم رحت اركب وحدة رفع وجهاز انذار عند واد اسمو عمر في الحرفيين. فبقولوا وانا بضرب كباية العناب الساقع خلي بالك متبوظليش الشفرة قالي شفرة ايه قلتلوا شفرة العربية

قالي يابيه تراهن اني اشغلهالك. بمفك وشفرة ( قطر موس ). قلتلوا اتحداك. بس بشرط متكسرليش حاجة قام الواد في ثواني فك علبة الدريكسيون. من هنا وقام عامل قفلة بين سلكين. قامت العربية دايرة هههههههه وسلم لي على الشفرة هههههه

---

اقتباس:

---

المشاركة الأصلية كتبت بواسطة svneleven

سؤال صغير العربيات الوهمية اللي فيها ايموبيلايزر مش بتتسرق؟

---

اقتباس:

---

المشاركة الأصلية كتبت بواسطة crayvor

جربت أنسخ المفتاح.. وأول ما تدور تدور معاك.. اديها أقل من 10 ثواني تفصل اوتوماتيك أو أول ما تحاول تتحرك بيها.. ممكن كانت اللوجان اللي معاك نص كماليات يا اما اللي انت كنت عنده دورها كام ثانية وفصل تاني.. أي حالة تانية روح للتوكيل يسلموك مفاتيح بشفرة جديدة.


لأ علي مدي ضيق جدا.. يعني مثلا واحد ضاع منه نسخة من المفتاح واللي لقاها عرف يجيب العربية.. أو ان العربية اتقطرت واتغيرلها أجزاء الشفرة بالكامل في ورشة.. انما مشاهير العربيات المسروقة كلها (سيراتو - أفيو - أوبترا - النترا - أكسنت) هم هم

---

كلام سليم 100%
العربيات اللي فيها ايموبلايزر بتدور اه - بس لمدة لا تتعدي ال3 ثواني وبعدها تبطل

ياجماعة انا كتبت من الاول عايزين نركب جى بى اس تراكر ومفيش حد رد عليا اوعبرنى

مع العلم ان عربيتى خليجى سعودى وبها ايمبولايزر

اقتباس:

---

المشاركة الأصلية كتبت بواسطة adham

يعني اية بعد نص ساعه من اتصال طلب الفدية جالة امين شرطة قالة لقينا العربية !!! يعني كدة الي اتصل دة كان واحد من امناء الشرطة !!!

---

وده اللى انا شاكك فيه علشان ندفع حلاوة محترمة
وتانى حاجة ليه اللى دورها بالسلكتين رجع وصلهم تانى؟؟؟
وليه متسابة فى شارع عمومى من غير حتى ما تتغطى او حتى يشيل الازجاج المكسور من على الكرسى علشان ميلفتش ليها الانتباه ....
كلها حاجات غير مفهومة خصوصا ان احنا استلامنا العربية زى ما قولت من غير حتى ما يتأكدو ان احنا اصحبها

ليا بس تعقيب على الاستاذ سيد
انا رأى ان مش معنى ان احنا بنستورد ارخص حاجة يبقى المشكله فى المصنع
الفكرة كلها ان الناس دى درست ثقافتنا وعرفت دماغنا ماشية ازاى وبقو يعملو اللى احنا عايزينو
انا عربيتى صينى ومع ذلك مفيهاش العيب ده وفيها وسائل الامان من اير باج وفرامل ايه بى اس و ايه بى دى وصاج محمل
المشكلة يا استاذ سيد ان هم فهموا ان احنا شعب ممكن يرفع بحاجة السماء من غير سبب ملموس او منطقى وبردو ممكن ينزل بيها الارض يعنى من الاخر شوية حظ
مثلا السيراتو انتشرت انتشار فظيع و السبب الشكل سواء اختلفنا او اتفقنا انها عربية حلوة او وحشة 90% من اللى اشتراها اشترى الشكل الجميل
للاسف ثقافة الشعب المصرى اسئل مجرب وطبعا محدش بيقول على عربيتو انها وحشة الا قليل اوى
اما الناس ليه مش بتشترى الاوروبى لان العربيات الاوربى اللى اسعارها قريبة زى الفيات والرينو قطع غيارها رخمة اوى وبالتاى ممكن نعالج بعض المشاكل اللى فى الكورى او الصينى ونوصلو لمستوى يرضينا وننتفع بيه على قد فلوسنا لان احنا بردو بندفع فى العربية ضعف اللى بيدفعوا اى مواطن فى اى بلد تانية فى نفس العربية دا غير شوارعنا المنيلة اللى بتخلينا نستحرم نجيب عربية غالية علشان متأكدين انها هتتبهدل
ارجو تتقبل تعقيبى ورأى الشخصى

بالنسبة للصور هحاول اصورها و اجبلكو الصور لو لحقت قبل ما صاحبى يعملها او هخليه يحتفظ بيها بعد ما يغير الرقبة دى و اصورهالكو او اجبهالكو تعينوها

-ُmercedes E-class بتقول بابا و ماما و بتتسرق و BMW ب
-ربنا يهدي الحراميه ويحفظنا
-mercedes c class ة صاحبها عايز يركب tracker عادي يعني
-الحراميه بيسرقوا العربيات الشعبيه عشان يعرفوا يبيعوها

-ُmercedes E-class بتقول بابا و ماما و بتتسرق و BMW ب
-ربنا يهدي الحراميه ويحفظنا
-mercedes c class ة صاحبها عايز يركب tracker عادي يعني
-الحراميه بيسرقوا العربيات الشعبيه عشان يعرفوا ي

العربيات ديه بتتسرق عن طريق المعارف والى يعرف يجيب مفتحها غير كده صعب قوى تتسرق هنا فى مصر لكن برة ممكن

لان فى برامج اختراق للشبكه الى بين العربيه والمفتاح مثلا ذى ما قريت فى مقال
واحد قاعد فى كافى والحرامى قاعد على ترابيزة
ومعاه كم برنامج اخترق بيهم الشبكه الى بين المفتاح والعربيه وقدر يوصل للشفره بتاعت دوراة العربيه وفى ثوانى العربيه اتسرقت وبعدين الى معاه عربيات ذى ديه اعتقد بيبقى حطها فى جراج
ام منيمعها معاه على السرير مكان مراته هههههههههههههه ذى ما طلع اشاعه مرة ان مصطفى يونس بيطلع شقته بالعربيه فى الاسانسير ههه

اقتباس:

---

المشاركة الأصلية كتبت بواسطة hmatchy

ليا بس تعقيب على الاستاذ سيد
انا رأى ان مش معنى ان احنا بنستورد ارخص حاجة يبقى المشكله فى المصنع
الفكرة كلها ان الناس دى درست ثقافتنا وعرفت دماغنا ماشية ازاى وبقو يعملو اللى احنا عايزينو
انا عربيتى صينى ومع ذلك مفيهاش العيب ده وفيها وسائل الامان من اير باج وفرامل ايه بى اس و ايه بى دى وصاج محمل
المشكلة يا استاذ سيد ان هم فهموا ان احنا شعب ممكن يرفع بحاجة السماء من غير سبب ملموس او منطقى وبردو ممكن ينزل بيها الارض يعنى من الاخر شوية حظ
مثلا السيراتو انتشرت انتشار فظيع و السبب الشكل سواء اختلفنا او اتفقنا انها عربية حلوة او وحشة 90% من اللى اشتراها اشترى الشكل الجميل
للاسف ثقافة الشعب المصرى اسئل مجرب وطبعا محدش بيقول على عربيتو انها وحشة الا قليل اوى
اما الناس ليه مش بتشترى الاوروبى لان العربيات الاوربى اللى اسعارها قريبة زى الفيات والرينو قطع غيارها رخمة اوى وبالتاى ممكن نعالج بعض المشاكل اللى فى الكورى او الصينى ونوصلو لمستوى يرضينا وننتفع بيه على قد فلوسنا لان احنا بردو بندفع فى العربية ضعف اللى بيدفعوا اى مواطن فى اى بلد تانية فى نفس العربية دا غير شوارعنا المنيلة اللى بتخلينا نستحرم نجيب عربية غالية علشان متأكدين انها هتتبهدل
ارجو تتقبل تعقيبى ورأى الشخصى

---

حضرتك قولت اللكلام اللي انا عايز اقوله
احنا اللي بنصدر ثقافتنا للمصنع وليس العكس
ودة في كل حتة في العالم مش عندنا بس - في شخص مهمته دراسة السوق وتحليل وتحديد رغبات المشترين وبناء عليها بيبدأ يصنع منتجه ونفس الشئ بيحصل لما بيلاحظ المصنع قلة او انخفاض في مؤشر المبيعات وتقلص حصته السوقية
بس للأسف في فرق بين السوق الممصري وبين معظم الأسواق في العالم - احنا بنرضي بالقليل وبندفع كتير
وعلي فكرة ، الأوروبي لما بينزلنا بمواصفات اعلي بكتير من طموحتنا وطلباتنا مش علشان احنا بنطلب كدة - ولكن لكون المصنع الأوروبي عنده مستوي ادني من المواصفات لا يمكن يقل عنها ااو يخالفها
يعني هدي لحضرتك امثلة علي كلامي
وارد جدا تلاقي عربية اوروبي مافيهاش تكيف ولا باور ولا زجاج ولا مرايات كهربائية ولا سنتر حتي - بس هتلاقي فيها احزمة امان خلفية وكمان ثلاثية النقاط ومساند رأس وايموبلايزر
ودة لأن المصنع بيعتبر دي تجهيزات اساسية وليست كماليات
علي عكس المصنع الأسيوي اللي اعتبر التكييف والباور تجهيزات اساسية في مقابل ان الأيموبلايزر وتطوير حزام الأمان من الكماليات او تجهيزات اضافية
ضيف علي كدة الأهتمام بتطوير التصميمات والشاسيه وانظمة التعليق في الأوروبي وقارنه بالأسيوي
هتلاقي ان مفيش مصنع اوروبي بينزل (مش هقولك موديل جديد) فيس ليفت من عربيته غير اما غير الموتور او عدل في تصميم ولما بينزل موديل او بيغير شيب يبقي لازم يغير شاسيه ويتطور فرامل وعفشة وموتور وفتيس
والأمثلة كتير اوي
1- سيات لما عملت فيس ليفت لموديل ابيزا 94 سنة 97 غيرت موتور ونظام التغذية بالوقود والعفشة الامامية والفرامل ورفعت مستوي التجهيزات الاساسية وادخلت انظمة الحماية من السرقة كتجهيز اساسي علي كافة الفئات وابقت جميع التفاصيل الاخري
ولما عملت لنفس الموديل فيس ليفت سنة 99-00 غيرت الموتور تاني والفتيس وعدلت في البوابة وطورت العفشة والفرامل ورفعت مستوي التجهيزات الاساسية
ولما نزلت الموديل الجديد سنة 02 غيرت الشاسيه بما فيه من عفشة وفرامل وموتور وفتيس وانظمة امان ورفعت مستوي التجهيزات مرة اخري

2- شركة تويوتا نزلت كورولا موديل 89 لحد 97 وعملت حوالي 3 فيس ليفت علي نفس الشاسيه ونفس المحرك (1.3) وابقت كافةة التفاصيل والتجهيزات ولم يشعر بالفرق من اشتري موديل 97 عن من اشتري موديل 93 بما في ذلك الspecial edition اللي نزل سنة 98
كذلك الهوندا سيفيك موديل 88 وبعد الفيس ليفت عام 90 - ما الجديد ؟؟؟ لا شئ يذكر سوي تغيير المحرك واضافة فتحة السقف الكهربائية
بل واشترك مع الجيل التالي في نفس المحرك ال1.5 كربراتير ونفس العفشة ونظام الفرامل وبنفس التجهيزات الاساسية والاضافية
وبالتالي لو انا حبيت اشتري هوندا سيفيك ليه اجيب موديل 93 وانا اقدر اركبها موديل 90 بفرق علي الاقل 10 الاف جنيه بنفس المحرك والفتيس والمواصفات بالظبط (فتيس اوتوماتيك - تكييف - باور - زجاج - مرايات - فتحة سقف كهرباء وشنطة وتانك من الداخل)

وصلت وجهة نظري؟؟؟

تحياتي

اقتباس:

---

المشاركة الأصلية كتبت بواسطة syd

حضرتك قولت اللكلام اللي انا عايز اقوله
احنا اللي بنصدر ثقافتنا للمصنع وليس العكس
ودة في كل حتة في العالم مش عندنا بس - في شخص مهمته دراسة السوق وتحليل وتحديد رغبات المشترين وبناء عليها بيبدأ يصنع منتجه ونفس الشئ بيحصل لما بيلاحظ المصنع قلة او انخفاض في مؤشر المبيعات وتقلص حصته السوقية
بس للأسف في فرق بين السوق الممصري وبين معظم الأسواق في العالم - احنا بنرضي بالقليل وبندفع كتير
وعلي فكرة ، الأوروبي لما بينزلنا بمواصفات اعلي بكتير من طموحتنا وطلباتنا مش علشان احنا بنطلب كدة - ولكن لكون المصنع الأوروبي عنده مستوي ادني من المواصفات لا يمكن يقل عنها ااو يخالفها
يعني هدي لحضرتك امثلة علي كلامي
وارد جدا تلاقي عربية اوروبي مافيهاش تكيف ولا باور ولا زجاج ولا مرايات كهربائية ولا سنتر حتي - بس هتلاقي فيها احزمة امان خلفية وكمان ثلاثية النقاط ومساند رأس وايموبلايزر
ودة لأن المصنع بيعتبر دي تجهيزات اساسية وليست كماليات
علي عكس المصنع الأسيوي اللي اعتبر التكييف والباور تجهيزات اساسية في مقابل ان الأيموبلايزر وتطوير حزام الأمان من الكماليات او تجهيزات اضافية
ضيف علي كدة الأهتمام بتطوير التصميمات والشاسيه وانظمة التعليق في الأوروبي وقارنه بالأسيوي
هتلاقي ان مفيش مصنع اوروبي بينزل (مش هقولك موديل جديد) فيس ليفت من عربيته غير اما غير الموتور او عدل في تصميم ولما بينزل موديل او بيغير شيب يبقي لازم يغير شاسيه ويتطور فرامل وعفشة وموتور وفتيس
والأمثلة كتير اوي
1- سيات لما عملت فيس ليفت لموديل ابيزا 94 سنة 97 غيرت موتور ونظام التغذية بالوقود والعفشة الامامية والفرامل ورفعت مستوي التجهيزات الاساسية وادخلت انظمة الحماية من السرقة كتجهيز اساسي علي كافة الفئات وابقت جميع التفاصيل الاخري
ولما عملت لنفس الموديل فيس ليفت سنة 99-00 غيرت الموتور تاني والفتيس وعدلت في البوابة وطورت العفشة والفرامل ورفعت مستوي التجهيزات الاساسية
ولما نزلت الموديل الجديد سنة 02 غيرت الشاسيه بما فيه من عفشة وفرامل وموتور وفتيس وانظمة امان ورفعت مستوي التجهيزات مرة اخري

2- شركة تويوتا نزلت كورولا موديل 89 لحد 97 وعملت حوالي 3 فيس ليفت علي نفس الشاسيه ونفس المحرك (1.3) وابقت كافةة التفاصيل والتجهيزات ولم يشعر بالفرق من اشتري موديل 97 عن من اشتري موديل 93 بما في ذلك الspecial edition اللي نزل سنة 98
كذلك الهوندا سيفيك موديل 88 وبعد الفيس ليفت عام 90 - ما الجديد ؟؟؟ لا شئ يذكر سوي تغيير المحرك واضافة فتحة السقف الكهربائية
بل واشترك مع الجيل التالي في نفس المحرك ال1.5 كربراتير ونفس العفشة ونظام الفرامل وبنفس التجهيزات الاساسية والاضافية
وبالتالي لو انا حبيت اشتري هوندا سيفيك ليه اجيب موديل 93 وانا اقدر اركبها موديل 90 بفرق علي الاقل 10 الاف جنيه بنفس المحرك والفتيس والمواصفات بالظبط (فتيس اوتوماتيك - تكييف - باور - زجاج - مرايات - فتحة سقف كهرباء وشنطة وتانك من الداخل)

وصلت وجهة نظري؟؟؟

تحياتي

---

انا فاهم وجهة نظرك ومعاك فى كل ده ومعاك ان الاوروبى عموما و الالمانى خصوصا مفيش عليه اختلاف بس احنا عايشين فى واقع سوق منقدرش نعمل نفسنا مش عايشين فيه لانك بتتعامل معاه فى قطع غيار واعادة بيع
صحيح هى ثقافة غلط بس هيكون الخسارة اكتر (مادياً)لو مشيت عكس الثقافة دى

اقتباس:

---

المشاركة الأصلية كتبت بواسطة hmatchy

انا فاهم وجهة نظرك ومعاك فى كل ده ومعاك ان الاوروبى عموما و الالمانى خصوصا مفيش عليه اختلاف بس احنا عايشين فى واقع سوق منقدرش نعمل نفسنا مش عايشين فيه لانك بتتعامل معاه فى قطع غيار واعادة بيع
صحيح هى ثقافة غلط بس هيكون الخسارة اكتر (مادياً)لو مشيت عكس الثقافة دى

---

وجهة نظر

تحياتي