الموضوع: نظريتي المتواضعه في تحويل العربية للغاز الطبيعي

تمام يا مينا بس انا باتكلم عن موتور ديزل مكافيء للموتور البنزين اللي راكب

انما تربو ديزل او 6200 سي سي زي ما الباشمهندس احمد بيقول انت كدة دخلت في فئة تانية خالص , و انتفت ميزة الاقتصادية في التشغيل


وفي الاخر اية الجدوى الاقتصادية من تسقيط موتور يكلفك تمن استهلاكك بنزين 10 سنين !!!

المشاركة الأصلية كتبت بواسطة samyyousef

السلام عليكم
يقال أن نظام الغاز حاليا تغير و تم تلافي ما كان يقال عن الغاز....كيف ذلك؟؟ الله اعلم فلست خبير في هذا الشأن و لكن سمعته من مهندس باحدى شركات الغاز ...
ميزة الغاز الحقيقية هي توفره في حالة عدم وجود بنزين اصلا...فقد شاهدنا ايام نقص البنزين مهازل.
اتصور ان من يركب غاز لن يستخدمة في حالة السفر في طريق مفتوح او في الطرق السريعة...و انما في الزحمة فقط ...بمعنى ان التبادل بينه و البنزين سيقلل من المخاطر ان وجدت..و الله اعلم

اللي اعرفة ياباشا ان الغاز طالما مافيهوش نسبة الرصاص اللي في البنزين و فية كبريت يبقى خطر على مواتير الاحتراق الداخلي, علشان كدة لازم تدور الصبح بنزين و تمشي علية نص ساعه و بعدين تقلب غاز, و تعملها كمان قبل ما توقف العربية بشوية, يعني الكلام دة ينفع مع تاكسي طول النهار بيلف , انما ملاكي انت اصلا مشوارك قد اية علشان تشغل البنزين 40 دقيقة على مرتين و بينهم شغال بالغاز !!!

و كمان انت كعربية ملاكي موتورك بيعيش سنين لان متوسط استهلاكك قليل نقول مثلا بين 12 و 30 الف كيلو في السنة

انما تاكسي بيعملهم في شهر او شهر و نص و بيعمل عمرة كل سنة او كل سنتين مرة بالكتير

يعني نقول ان الغاز مناسب التاكسي و النقل و النص نقل ووسائل المواصلات العامة اللي بتلف طول النهار و بتهلك مواتيرها كدة كده, وانما مش ملائم للملاكي اللي استهلاكة محدود نسبيا , و كمان حساب فرق التكلفة لتحويل المحركات للعمل بالغاز الطبيعي بدل البنزين اي ان الجدوي الاقتصادية غير مجدية في حالة الملاكي لانها ستكلفك فرق استهلاك 10 سنين بنزين في تحويل المحرك للعمل بالغاز

صحيح يا مينا, بس برضة اللي انا باقولة ان الواحد يحسبها قبل ما يجري يكلف نفسة فلوس كتير لتحويل العربية غاز او يسقط موتور ديزل ب 20 الف, و يكون الاوفر لية ان يستمر بمحرك البنزين 10 سنين

قريت امبارح المنتدى كمان ان سعر الغاز بقى 6500 جنية في الشركة يبقى كدة تكلفة كبيرة زياة 30% كمان و الموضوع محتاج كل واحد يدرس احتياجاتة الأول لان التاكسي مش زي الملاكي, و اللي بيسافر كل يوم 200 كيلو رايج جاي مش زي اللي شغلة يبعد 4 كيلومتر عن بيتة