لو مفتاح اللوجان ضاع اعمل ايه ؟.؟؟؟؟

السلام عليكم يا شباب

بفضل مجهوداتكم العظيمه هنا ف المنتدي وخصوصا ف قسم اللوجان واللي استفدت منها كتير جدا قررت اني اشتري لوجان والحمد لله ربنا وفقني ولقيت واحده .. العربيه اللي هشتريها دي للاسف مافيهاش غير مفتاح اصلي واحد والتاني صاحبها بيقول انه ضايع منه .

1- يا تري لو المفتاح التاني ده ضاع مني اعمل ايه ؟؟؟؟
2- لو انا ركبت جهاز انزار ممكن يلغي المفتاح انه يفتح ابواب العربيه ؟؟؟
3- لو انا عايز اغير المفتاح بواحد جديد احتياطي ان النسخه التانيه مش عارفها ضاعت فعلا ولا اشتغاله يا تري ده يكلفني كام ؟

شكرااا مقدما

مش عارف ليه مش مطمن للموضوع ده

عموما لو العربية عاجباك و استقريت عليها اطلع على التوكيل و قلهم ان المفتاح ضاع و انك عاوز تغير المفتاحين و الشفرة بتاعة العربية بس ممكن تاخد وقت شوية معاهم على حسب ما سمعت و القصة دي هتكلفك في حدود 850 جنيه تزيد او تقل للمفتاح الواحد

الاحسن انك تغير الطبل كلها وتبرمج العربية برمجة جديدة

طقم الطبل ( كونتاكت , ابواب ) و معاه سلاحين عامل 850 جنيه
برمجة العربية 150 جنيه
وطالما معاك مفتاح الريموت يبقى خلاص حيحطولك سلاح منهم فيه وحيدخل مع البرمجة

وربنا يوفقك

اقتباس:

---

المشاركة الأصلية كتبت بواسطة gebreel

مش عارف ليه مش مطمن للموضوع ده

عموما لو العربية عاجباك و استقريت عليها اطلع على التوكيل و قلهم ان المفتاح ضاع و انك عاوز تغير المفتاحين و الشفرة بتاعة العربية بس ممكن تاخد وقت شوية معاهم على حسب ما سمعت و القصة دي هتكلفك في حدود 850 جنيه تزيد او تقل للمفتاح الواحد

---

انا كمان مش متطمن للقصه دي علشان كدا عايز اغير المفتاح بس العربيه عاجباني ... الف شكر علي الرد وجزاك الله خير

اقتباس:

---

المشاركة الأصلية كتبت بواسطة smsm91158

الاحسن انك تغير الطبل كلها وتبرمج العربية برمجة جديدة

طقم الطبل ( كونتاكت , ابواب ) و معاه سلاحين عامل 850 جنيه
برمجة العربية 150 جنيه
وطالما معاك مفتاح الريموت يبقى خلاص حيحطولك سلاح منهم فيه وحيدخل مع البرمجة

وربنا يوفقك

---

تسلم يا سمسم باشا طمنت قلبي الله يطمنك
ان شاء الله هروح التوكيل واحاول اغير المفاتيح باقل التكاليف وربنا يسهل الحال

رأيي من رأي الناس كل الناس اللي ردت الله اعلم يمكن يكون معاه المفتاح التاني ولا حاجه و تكتشف بعد كده ان العربيه اتسرقت و الله اعلم بس حاول تحمل الموضوع بتاع المفتاح الضايع دا عليه انتا تدفع ليه من جيبك 1000 جنيه زياده خليه يشيل النص حتي

اقتباس:

---

المشاركة الأصلية كتبت بواسطة spider_007

رأيي من رأي الناس كل الناس اللي ردت الله اعلم يمكن يكون معاه المفتاح التاني ولا حاجه و تكتشف بعد كده ان العربيه اتسرقت و الله اعلم بس حاول تحمل الموضوع بتاع المفتاح الضايع دا عليه انتا تدفع ليه من جيبك 1000 جنيه زياده خليه يشيل النص حتي

---

فكره حلوه يا سبيدر وهقوله عليها كل واحد فينا يشيل نص التمن واروح اغير المفتاح مباشره علشان اشتري دماغي ومبقاش قلقان

على فكرة فى محلات بتعمل مفاتيح للعربيات المشفرة زى اللوجان كان قال عليها البرازيلى على الجروب فى الفيس ب 300 ج بس مش عارف فين بالضبط ممكن تسأل البرازيلى على الجروب

حصلت معايا المفتاح ضاع منى
سألت فى التوكيل قالى 1000 جنيه و بعد شهر استلم المفتاج
بعد الف و الدوران عملت مفتاح منسوخ و غيرت الشفره ب 150 جنيه عند واحد بتاع مفاتيح قدام قسم اول مدينه نصر
و ركبت جهاز انذار ولف و بقى عندى نسختين ب 2 ريموت مع انذار بتكلفه اجماليه 350 جنيه
واحد صاحبى من اسكندريه سأل فى اسكندريه و لقى الأصلى زى بتاع التوكيل ب 450 جنيه

المفاجأه انى لقيت المفتاح الضائع فى جيب بنطلون ملبستهوش من فتره
رحت برمجت المفاتيح تانى ب 50 جنيه و بقى عندى 3 مفاتيح بتشغل العربيه

سيبك من اشتغاله التوكيل كده كده الشفره لازم تتغيرفى المفتاح المنسوخ
اى خدمه