فى مرة من المرات حتلاقى البدال هبط جامد و العربية مبتفرملش
MMamdouh
عرض للطباعة
فى مرة من المرات حتلاقى البدال هبط جامد و العربية مبتفرملش
MMamdouh
ببركة ربنا سبحانة و تعالى
MMamdouh
لا دة مش عيب ماستر
دة يا اما فية بلف متشال من خرطوم السرفو او الخراطيم مش راكبة صح
او ان يكون الزغاد بتاع السرفو عاوز يترجلش
الماستر لو بايظ تلاقي البدال واطي قوي و مابيمسكش فرامل
و ممكن تلاقية بيجيب زيت باكم (مش هيدروليك) من حوالية
بص حيث انك من مدينة نصر روح عند قهوة ليموزين اللي بعد السراج مول اخر الشارع و أسأل على مركز م/مصطفى فايد
بس بيقفلوا الجمعه
ناس كويسين و شغلهم نضيف قوي قوي و مش غاليين
من فترة كان عندي نفس الموضوع و و حلة برجلشة زغاد الفرونتيرا و عملهولي في دقايق و عمل الجوان و شغل نضيف
وهو الواحد هيكون فيه مخ يفكر ويسقط غيارات لما ما يلاقيش فرامل :unhappy4:
هههههه أنا مرة كنت في منزل وكنت مستعجل فطفيت العربية في أوله علشان اقفل بدري واخلص مشواري بسرعة وياريتني ما طفيت ههههههه ملقتش فرامل خااااالص الدواسة بقت زي الحجر والدريكسيون كان تقيل ومش عايز يتحرك ولما جيت افرمل كان في ناس في وشي يمكن 10-11 شخص ومخطرش في بالي غير اني اشد فرامل اليد وادخل في اي حيطة او عربية في وشي علشان اقف لكن الحمد لله ربنا سترها ووقفت على اخر لحظة :clap::clap:
وفي فكرة أحسن توقف العربية بسرعة جدااااااااا وهي انك تكون اخد غيار وتطفي العربية هتلاقيها وقفت في مسافة قصيرة جدااااااااااااااا بس مشكلتها انها ممكن تلف حوالين نفسها وانك مش هتتحكم فيها يمين وشمال
انا رحت للميكانيكي وقلتله جايز يكون السيرفو فيه مشكله...قالي والله دا ماستر وقالي هات استيراد هيكون احسن من الجديد... رحت اشتريت ماستر استيراد والفرامل اتظبتط الحمد لله.... واشتريته ب140 من الحرافيين..والجديد بحوالي 400 ومش اصلي
انا كنت باعمل تجديد لسيارتى الفولكس كهربا ودهان وسروجى وبع مااستلمتها لقيت فيها نفس المشكله
دى فى الفرامل وروحت للميكانيكى قاللى ده من تأثير الركنه لمده اثناء التجديد ومع المشى والشغل هترجع تانى واحده واحده ماصدقتهوش وروحت لميكانيكى تانى لقيته قاللى نفس الكلام وفعلا بعد مامشيت بيها فتره الفرامال رجعت اتظبطت والحمد لله