الموضوع: ** آخر أخبار المثلث العاكس و حقيبة الإسعافات الأولية بالتفصيل **

هل يوجد مصدر لنص قانون المرور الجديد ممكن طباعتة للاستفادة بة ؟؟

المشاركة الأصلية كتبت بواسطة elpasha009

أستاذ أكرم أنا أحب أشكر حضرتك جدااااااا على الموضوع والتفاصيل الهايلة ده.ومتعرفش حضرتك وفرت عليه وقت قد إيه ومجهود كبير جدا في اللف والتدوير:)
أنا كلمت واحد صاحبي رئيس نيابة مرور قبل نزول خبر التأجيل وسألته على موضوع المهلة ده قالي إن فعلا الوزير قال قرار زي ده بس هو شخصيا مش مطمن للقرار ده وقالي ممكن يرجع فيه في أي لحظه:)
أنا نزلت حجزت 4 مثلثات من أم 45 جنيه من عند البطاح وهستلم يوم الإثنين.

لا شكر على واجب ,
انا بفضل إننا نجيب المثلث بغض النظر الموضوع اتأجل و لا لأ ,
و بالنسبة للشنطة انا لقيت شنطة بلاستيك من خامة جيدة (Lunch Box) و كتبت عليها بالكمبيوتر إسعافات أولية و جبت بعض الحاجات إللى كتبوها و إن شاء الله هستكمل باقي المكونات و لو حصل في الأمور أمور يبقى الواحد معاه المثلث و شنطة معقولة و لو محصلش حاجة يبقى الواحد مش هيخصر و الشنطة دي هتستخدم في البيت بعد كده .

يا جماعة مش لازم المسعف يكون دكتور , ممكن يكون أي حد و واخد دورة في الاسعافات الأولية ,

بلاش كده , أفرض ان فيه دكتور و محتاج أدوات بسيطة ممكن تكون سبب لحياه إنسان ,

بلاش كده , أفرض انه لا قدر الله حصلت حادثة و فيه ناس معاك و اتصابوا و مفيش حد يسعفهم , يبقى على الأقل هتحاول انك تمنع نزيف دم أو تطهر جرح , أي حاجة , لأنه مش معقول تلاقي حد بيموت و انت هتقف تتفرج ,

بلاش كده , بما أنه اصبح قانون يبقى لما هيتطبق هتجيب الشنطة و ... فوق رقبتك , علشان تشيل وجع الدماغ من الناس اللي بتتلكك لأي حاجة علشان تعمل مصلحة ,

بلاش كده ,
تصبح على خير .........

المشاركة الأصلية كتبت بواسطة Akram

يا جماعة مش لازم المسعف يكون دكتور , ممكن يكون أي حد و واخد دورة في الاسعافات الأولية ,

بلاش كده , أفرض ان فيه دكتور و محتاج أدوات بسيطة ممكن تكون سبب لحياه إنسان ,

بلاش كده , أفرض انه لا قدر الله حصلت حادثة و فيه ناس معاك و اتصابوا و مفيش حد يسعفهم , يبقى على الأقل هتحاول انك تمنع نزيف دم أو تطهر جرح , أي حاجة , لأنه مش معقول تلاقي حد بيموت و انت هتقف تتفرج ,

بلاش كده , بما أنه اصبح قانون يبقى لما هيتطبق هتجيب الشنطة و ... فوق رقبتك , علشان تشيل وجع الدماغ من الناس اللي بتتلكك لأي حاجة علشان تعمل مصلحة ,

بلاش كده ,
تصبح على خير .........

حقيبة للبيت لا للسيارة

أصبح الموضوع الشاغل في معظم الاجتماعات حقيبة الاسعاف التي قيل إن كل سيارة ستخضع للتفتيش عنها اعتبارا من أول الشهر المقبل‏,‏ وربما مراجعة ما فيها من قطن وشاش مفزلن ومقص وخلافه‏,‏ وتغريم من لا يحملها‏!!‏

وما في هذه الحقيبة علي كل حال يدخل في إطار أجزاخانة الإسعاف الأولية التي ينصح بوجودها في أي بيت لمعالجة الجروح البسيطة التي يمكن أن يتعرض لها أفراد البيت‏,‏ ولكن بالنسبة لحوادث الطرق‏,‏ فالأمر حاجة تانية خالص لأن معظم الإصابات التي تنتج عن هذه الحوادث كسور والتواءات ورضوض لا علاقة لها بمحتويات الحقيبة وتحتاج إلي رعاية أطباء محترفين لا هواة مثل حلاق الصحة الذي كان يجول القري قديما متصورا نفسه طبيبا لحمله شنطة مشابهة لحقيبة الإسعاف‏.‏

في رسالة من د‏.‏ صلاح الغزالي حرب الأستاذ بطب القاهرة ثلاث ملاحظات أساسية‏:1‏ ــ أنه لا يجب علي الإطلاق تحريك المصاب في مثل هذه الحوادث إلا بواسطة فني متخصص فقد تكون الحركة الغلط سببا في وفاته‏2‏ ــ أنه في ظل غياب الوعي الصحي وتدني الثقافة الصحية فلا يمكن أن نتوقع استخداما صحيحا لمحتويات هذه الحقيبة‏3‏ ــ إذا نتج عن الحادث رضوض بسيطة أو خدوش فإن الأمر لا يتطلب أكثر من تنظيف الخدش بالماء النظيف بصفة مؤقتة‏,‏ وما عدا ذلك لا يمكن التعامل معه بمنطق الهواة وبحسن نية‏.‏

وتضيف رسالة د‏.‏ الغزالي إن مثل هذه الأمور لو تركت للهواة أمر خطير جدا‏,‏ والبديل‏,‏ كما في كل العالم المتقدم نظام إسعاف طواريء متطور يصل إلي مكان الحادث بالسرعة الواجبة مع تدبير العدد الكافي من مراكز الاستقبال علي الطرق السريعة‏,‏ والحقيقة المؤسفة أن نظام التعليم الطبي في مصر لا يعطي طب الطواريء الأهمية الواجبة‏,‏ وكل خريجي كليات الطب يفتقدون المعلومات الأساسية والمهارات اللازمة مع هذه الحالات‏,‏ ويجب إدخال هذا الفرع في مناهج التعليم الطبي‏.‏
القضية تمس أرواح أناس وأخشي أن تصبح هذه الأرواح ضحية حقيبة الإسعاف الجديدة‏!!
هذا هو نص عمود مجرد راي لصلاح منتصر امس 22 يوليو

تحياتي

الشنطة اللي تمنها 18ج دي هتكون بلاستيك و خامتها هتكون اسوأ ما يكون ,
على فكرة انا لقيت ناس جايبة شنط بلاستيك اشكال و الوان , في الهوجة ممكن أي حاجة تتباع ,
و بالنسبة لموضوع انها هتكون معدن فمش لازم تكون حديد , في الغالب هتكون الومنيوم و المهم تكون فيها أدراج أو تقسيم لتصنيف المكونات ,

و الملاية دي انا مش عارف هل يوجد ملائات بخواص معينة للإستخدام في حالة الحروق , و ده غير الشاش المفزلن ,
انا سمعت ان فيه حاجة كده بس لازم تتلف على المصاب بدون ملابس و موضوع إزالة الملابس في حالة الحروق ده مش سهل ,

حضرتك ممكن تفيدنا اكتر في الموضوع ده .