الموضوع: ضمان كيا كارنز

المشاركة الأصلية كتبت بواسطة bybers

نسيت أقولك ألف مبروك على العربية وربنا يباركلك فيها , وياريت تقولى موديل 2013 اللى معاك فيه بلوتوث ومرايات ضم وتحكم بلوتوث من الطارة وأوكر نيكل ولا لأ

الله يبارك فيك ياباشا وتستلم على خير ان شاء الله ، الهاي لاين وكيل مافيهاش الكلام ده مرايات عادية مش ضم ، ولا بلوتوث وتحكم الطارة بيكون الكاسيت بس وأوكر نيكل داخلية مش خارجية ,
لو انت عايز الإمكانيات دي هتلاقيها في الخليجي مش الوكيل ، لو عايز كل الإمكانيات دي هتلاقيها عند عادل جودة اللي في شارع أحمد عرابي المهندسين عنده عربيات كويتي ، أو عند سمير ريان عنده سعودي ،وفيه برضه البرجسي في ميدان الرماية عنده أردني انا بتكلم عن القاهرة عشان بصراحة انا مش عارف اللي في أسكندرية مين ، وعلى فكرة العربيات فعلاً وصلت من 20 يوم وبيخلصوا على دفعات منها كتير ، الطارق استلم من اسبوع وسمير ريان أستلم من 10 ايام وعربيات مستلمين من 15 يوم.
انا جبت الهاي لاين عشان ال2 إير باجز والأ abs.
فقط لا غير عشان الأمان وضمان 5 سنين.
لو عايز بقى كماليات ودلع ممكن تجيب خليجي وتشتري ضمان من تريبل إيه السنة بالأف جنيه

تمام كده انا برده اخنرت الوكيل عشان الضمان على العموم انا إن شاء الله ناوى اركبلها طقم نيكل وجوانب نيكل و فوجات ومش لازم المرايات الضم أصلا هى مش عملية فى مصر و البلوتوث حعوضه بأنى اوصل الموبايل بال aux بس برضه محدش رد على موضوع تركيب الانذار و الفوجات بره التوكيل عايزين رد قاطع لو ركبنا الحاجات دى بره : العربية كلها تطلع من الضمان ولا كهربة العربية بالكامل ولا كهربة الفوجات بس ؟؟؟؟؟؟؟؟؟؟؟؟

معلش يا أستاذ حسينى عندى كام سؤال عايز أسألهم بخصوص ورق العربية :
1- ايه الورق اللى حستلمه مع العربية .
2- بخصوص الزجاج الخلفى الفيميه ايه الصيغة اللى حيتثبت بيها على الرخصة .
3- فى ناس بتقول ان الرخصة بيتكتب فيها ليموزين ايه الموضوع ده ؟؟؟

المشاركة الأصلية كتبت بواسطة bybers

معلش يا أستاذ حسينى عندى كام سؤال عايز أسألهم بخصوص ورق العربية :
1- ايه الورق اللى حستلمه مع العربية .
2- بخصوص الزجاج الخلفى الفيميه ايه الصيغة اللى حيتثبت بيها على الرخصة .
3- فى ناس بتقول ان الرخصة بيتكتب فيها ليموزين ايه الموضوع ده ؟؟؟

اسف على تأخير الرد يا باشا مكنتش بس متاح اليومين اللي فاتو ،
بالنسبة للترخيص بيتكتب ليموزين مش جيب مقفول، والزجاج الفيميه مثبوت على الرخصة (زجاج جانبي وخلفي ملون غامق) أما موضوع الورق حضرت بتاخد منهم إقرار استلام سيارة وده فايدة ليك وليهم عشان يخلي مسئوليته من العربية ، وليك أنك استلمت العربية منهم وبيديلك جواب المرور والأفراج الجمركي ورقمه وتطلع بيه على المرور عشان تجيب شهادة بيانات وعلى فكرة هو بيقولك تجيب الشهادة دي من مرور إيه بالظبط عندك في أسكندرية وحضرتك بتاخد شهادةاليبانات اللي انت اخدتها دي مع بطاقتك وصورتها وصورة رخصتك الخاصة وتطلع على المرور اللي انت تابع ليه ببطاقتك تشتري ملف بعدد السنين اللي انت عايز ترخصها وتعمل وثيقة تامين اجباري وتخش علي الفحص تفحص وتاخد بصمة شاسية وموتور وتشتري طفاية حريق من الكشك وتاخد وصل بيها وتطلع على موظف الشباك يقيملك الضريبة وتروح على الخزنة تدفع تروح تديله الوصل هيدخل ورقك المراجعة يبقى كله تمام ساعة زمن وتاخد الرخصة وتطلع على شباك اللوحات تاخد لوحاتك وتركبهم على عربيتك وربنا يهنيك بيها ويرزقك خيرها ويكفيك شرها ونتقابل بعد 3 سنين عشان تفحص تاني

المشاركة الأصلية كتبت بواسطة ahmed_adham

ال 2012 هاي لاين وكيل فيها كل ده بس الأوكر نيكل من جوه بس. والخليجي بتزيد نيكل من بره وحساس ضوء ومطر وتحكم في ارتفاع لمبات النور وفيه معارض بتركبلها كاسيت تتش وكاميرا قبل ما تبيعها بس هيه مبتنزلش بيهم.

باشا انا لسه مستلم الهاي ﻻين من 8 ايام 2013 ومفيهاش مرايات ضم وؤ بلوتوث هو كاسيت معفن كده بيشغل ام بي ثري واوديو بالعافية ومفيهاش نواكل غير من الداخل فقط على فتحات التكيف واكر الباب والفتيس بس لكن مافيش بلوتوث ولا ضم ولا حساسات بس هو في حاجة زي الكورة كدة في التابلوه من قدام عند الزجاج زي متكون سنسور لحاجة بس معرفش دي إيه

المشاركة الأصلية كتبت بواسطة houseiny

باشا انا لسه مستلم الهاي ﻻين من 8 ايام 2013 ومفيهاش مرايات ضم وؤ بلوتوث هو كاسيت معفن كده بيشغل ام بي ثري واوديو بالعافية ومفيهاش نواكل غير من الداخل فقط على فتحات التكيف واكر الباب والفتيس بس لكن مافيش بلوتوث ولا ضم ولا حساسات بس هو في حاجة زي الكورة كدة في التابلوه من قدام عند الزجاج زي متكون سنسور لحاجة بس معرفش دي إيه

طب هل فى فوانيس اشارة فى المرايات ( غمازات يعنى ) ؟؟؟