المشاركة الأصلية كتبت بواسطة houseiny
باشا الوكيل مش هيسلم ولا بعد سنة مش بحبط حضرتك والله بس هي دي الحقيقة أنا كنت حاجز قشقاي ولغيت الحجز عشان عرفت انهم مش هيسلموني ولا بعد ست شهور ودلوقتي وقفوا حجز للعربية دي ، بالرغم من أن في تسليمات فورية بس سعرها زاد 20 الف جنيه ، نفس القصة في الكارينز سألت قالي ممكن 3 شهور أو أكتر، بقوله أكتر دي يعني قد إيه قالي على حسب ومدنيش رد جازم ، أخدت بعضي من قاصرها ورحت على سمير ريان وجبت العربية وكيل هاي لاين 2013 بأوفر 3 الاف جنيه ، يعني هي تمنها 140 انا جبتها ب 143 ، لو انت جاهز وعايز فئة هاي لآين أو أقل ممكن تجرب الأتي ، سمير ريان وده بصراحة أكثرهم التزاماً ومصادقية في ميعاده أنا دفعت وخدت العربية وأنا ماشي وتاني يوم بعتلي واحد عالمرور قابلته هناك ورخصلي العربية فعلاً بدون مبالغة في 50 دقيقة أخدت اللوح والرخصة ومشيت وخد الشاي بتاعه ، أو ممكن تجرب معرض عربيات معرفش بصراحة معاملتهم إيه ، وأخيراً الطارق وده عيل في كلامه يعني من الأخر لو أنت جاهز متحجزش غير لما تبقى متأكد أن العربية موجودة بالفعل وتتأكد منه من ميعاد الورق ومتدفعش غير لما يقولك الورق معايا عشان هما مش كويسين في المواعيد . اديهم بس 500 جنيه حجز ولا حاجة بس ممكن تلاقي العربية اللي انت عايزها عنده بكا فئاتها عشان هو موزع كبير لكيا وفاصل معاه فس السعر عشان هو كان بيبيع باوفر برايس 5000 لكن سمير ريان ب 3000 بس ، شوف كده وابقي قولي عملت إيه ولو قدرت اساعد باي حاجة انا تحت امرك.