مشكله فى فيتيس صنى 2011 اوتوماتيك عكننت عليا الصبح و مش عارف سببها ايه

السلام عليك و رحمه الله و بركاته اخواتى الأعزاء

النهارده الصبح كنت بودى بنتى المدرسه و الطريق كان زحمه قوى ... وقفت بالعربيه فى اشاره و كالعاده بجيب ال n الاقى صوت الموتور على قوى و RPM عدى ال 2 و نص ... اجيب الفيتيس على ال P ... نفس المشكله و نفس الصوت .... ارجع على ال d ... صوت الماتور يهدى و ال rpm يرجع طبيعى .... كنت هتجنن و مش عارف اعمل ايه

المهم دخلت بنتى المدرسه و دورت العربيه و قلت يمكن الفيتيس مهنج ولا حاجه ... لقيت نفس المشكله هيا هيا ... لغايه لما وصلت للشغل

بطلت العربيه فى الجراج و رجعت شغلتها تانى .... لقيتها رجعت طبيعيه و الصوت هدى و ال RPM مش بيعدى ال 1 فى ال n و ال p

حد قابلته المشكله دى قبل كده او يعرف سببها ايه يارك الله فيكم

مفيش داعى حضرتك تتعكنن و لا حاجه. اعتقد ان كان ى حاجه مخرفه و حصلت معايا حاجه شبه كده مره و كانت النقلات بتتأخر فى الاتوماتيك لحد RPM ٤ و العربيه اتوماتيك و الاوفردرايف مش شغال. الحل اللى عملته انى عملت ريسيت لكمبيوتر العربيه بالطريقه اللى فى موضوع بيشوى باشا و بعدها المشكله اختفت و الرابط اهو بتاع الموضوع
http://www.nilemotors.net/Nile/284640-a.html

ان شاء الله ده يحل الموضوع و إذا تكررت المشكله لاقدر الله ممكن توديها التوكيل يكشفوا على ضفيره الكهرباء بس اعتقد ان موضوع الريسيت ممكن يضبط الدنيا

شكلها اعراض ضفيره الكهربا اللى الناس هنا وصفوها اكتر من مره, عموما جرب وصفه الاستاذ Land_Cruiser وشوف كده, لو لاقدر الله منفعتش يبقى فى الغالب الضفره وروح للتوكيل علطول

اقتباس:

---

المشاركة الأصلية كتبت بواسطة land_cruiser

مفيش داعى حضرتك تتعكنن و لا حاجه. اعتقد ان كان ى حاجه مخرفه و حصلت معايا حاجه شبه كده مره و كانت النقلات بتتأخر فى الاتوماتيك لحد rpm ٤ و العربيه اتوماتيك و الاوفردرايف مش شغال. الحل اللى عملته انى عملت ريسيت لكمبيوتر العربيه بالطريقه اللى فى موضوع بيشوى باشا و بعدها المشكله اختفت و الرابط اهو بتاع الموضوع
http://www.nilemotors.net/nile/284640-a.html

ان شاء الله ده يحل الموضوع و إذا تكررت المشكله لاقدر الله ممكن توديها التوكيل يكشفوا على ضفيره الكهرباء بس اعتقد ان موضوع الريسيت ممكن يضبط الدنيا

---

ربنا يبارك فى حضرتك هجرب الريسيت و ربنا يسهل و متتطلعش حاجه كبيره ان شاء الله

اقتباس:

---

المشاركة الأصلية كتبت بواسطة khaled25_9

شكلها اعراض ضفيره الكهربا اللى الناس هنا وصفوها اكتر من مره, عموما جرب وصفه الاستاذ land_cruiser وشوف كده, لو لاقدر الله منفعتش يبقى فى الغالب الضفره وروح للتوكيل علطول

---

شكور لحضرتك جدا ... بس متعرفش ايه هيا اعراض تلف الضفيره دى ... او لينك للموضوع ده ربنا يبارك فيك

Idel Sensor

اقتباس:

---

المشاركة الأصلية كتبت بواسطة kefo_honda

idel sensor

---

طيب ده بيبقى اعراض تلف ... ولا محتاج ريسيت ... مع العلم ان العربيه عامله 22000 كيلو متر فقط

متابع

اكشف عليها في التوكيل.خصوصا ضفيرة الكهربا
انت مش اول واحد تحصل معاه المشكله دي

انا عملت ريسيت ... و الحمد لله المشكله راحت ... و حصل حاجه تانيه غريبه بعد الريسيت ... ان استجابه الريموت بقت احسن كتير خصوصا فتح الشنطه ... انا تقريبا كنت بطلت افتحها من الريموت من كتر ما كان بيعلق فى فتح الشنظه بالذات

ربنا يسهل و متظهرش المشكله تانى و لو ظهرت تانى هروح التوكيل على طول ان شاء الله

اقتباس:

---

المشاركة الأصلية كتبت بواسطة Mohamed.Fawzy

شكور لحضرتك جدا ... بس متعرفش ايه هيا اعراض تلف الضفيره دى ... او لينك للموضوع ده ربنا يبارك فيك

---

دا لينك للموضوع
http://www.nilemotors.net/Nile/316333-a.html
المشاركه الرابعه بتاعه استاذ يوسف

اقتباس:

---

المشاركة الأصلية كتبت بواسطة mohamed.fawzy

انا عملت ريسيت ... و الحمد لله المشكله راحت ... و حصل حاجه تانيه غريبه بعد الريسيت ... ان استجابه الريموت بقت احسن كتير خصوصا فتح الشنطه ... انا تقريبا كنت بطلت افتحها من الريموت من كتر ما كان بيعلق فى فتح الشنظه بالذات

ربنا يسهل و متظهرش المشكله تانى و لو ظهرت تانى هروح التوكيل على طول ان شاء الله

---

الف مبروك , كويس انها طلعت حاجه بسيطه

اقتباس:

---

المشاركة الأصلية كتبت بواسطة mohamed.fawzy

انا عملت ريسيت ... و الحمد لله المشكله راحت ... و حصل حاجه تانيه غريبه بعد الريسيت ... ان استجابه الريموت بقت احسن كتير خصوصا فتح الشنطه ... انا تقريبا كنت بطلت افتحها من الريموت من كتر ما كان بيعلق فى فتح الشنظه بالذات

ربنا يسهل و متظهرش المشكله تانى و لو ظهرت تانى هروح التوكيل على طول ان شاء الله

---

الحمد لله انها اتحلت، ولو (لا قدر الله) اتكررت تروح التوكيل وتشوف الضفيرة.. تحياتي

اقتباس:

---

المشاركة الأصلية كتبت بواسطة mohamed.fawzy

انا عملت ريسيت ... و الحمد لله المشكله راحت ... و حصل حاجه تانيه غريبه بعد الريسيت ... ان استجابه الريموت بقت احسن كتير خصوصا فتح الشنطه ... انا تقريبا كنت بطلت افتحها من الريموت من كتر ما كان بيعلق فى فتح الشنظه بالذات

ربنا يسهل و متظهرش المشكله تانى و لو ظهرت تانى هروح التوكيل على طول ان شاء الله

---

طيب الحمد لله. هو الريسيت ده بيرجع كنترول العربيه لضبط المصنع و بيضبط موضوع الريموت لو كان ما بيلقطش كويس و بيضيع النتشه بين النقلات الأولى لو كانت بتحصل. حضرتك برضه تابع العربيه و لو لا قدر الله ال rpm عمل كده تانى حضرتك تطلع على التوكيل و تقولهم على الأعراض و هما هيكشفوا على الكهربا و ممكن يغيروا ضفيره الكهربا إذا كان العيب منها و بتتغير على حسابهم لانها تبع الضمان و حضرتك عربيتك موديل ٢٠١١ فمعاك سنه كامله تجرب فيها العربيه براحتك و ان شاء الله تطلع تهييسه كنترول و راحت لحالها

اقتباس:

---

المشاركة الأصلية كتبت بواسطة land_cruiser

طيب الحمد لله. هو الريسيت ده بيرجع كنترول العربيه لضبط المصنع و بيضبط موضوع الريموت لو كان ما بيلقطش كويس و بيضيع النتشه بين النقلات الأولى لو كانت بتحصل. حضرتك برضه تابع العربيه و لو لا قدر الله ال rpm عمل كده تانى حضرتك تطلع على التوكيل و تقولهم على الأعراض و هما هيكشفوا على الكهربا و ممكن يغيروا ضفيره الكهربا إذا كان العيب منها و بتتغير على حسابهم لانها تبع الضمان و حضرتك عربيتك موديل ٢٠١١ فمعاك سنه كامله تجرب فيها العربيه براحتك و ان شاء الله تطلع تهييسه كنترول و راحت لحالها

---

يارب يا فندم ... ربنا يبارك فيك

الاعراض اللى حضرتك ذكرتها دى اعراض عيب ضفيرة الكهرباء وليس عيب فى الفتيس
ونصيحة اذا تكررت الاعراض معاك فى فترة لاحقة بلغهم فورا فى التوكيل للاستفادة بتغييرها خلال فترة الضمان لأنه واضح ان حضرتك استخدامك للعربية قليل (20 الف كم فقط فى اكتر من سنة)
وضمان العربية 100 الف كم / 3 سنوات ايهما اولا

اقتباس:

---

المشاركة الأصلية كتبت بواسطة youssef.awad

الاعراض اللى حضرتك ذكرتها دى اعراض عيب ضفيرة الكهرباء وليس عيب فى الفتيس
ونصيحة اذا تكررت الاعراض معاك فى فترة لاحقة بلغهم فورا فى التوكيل للاستفادة بتغييرها خلال فترة الضمان لأنه واضح ان حضرتك استخدامك للعربية قليل (20 الف كم فقط فى اكتر من سنة)
وضمان العربية 100 الف كم / 3 سنوات ايهما اولا

---

الف شكر لحضرتك ... انا شارى العربيه مستعمله من حوالى شهرين كده و كانت عامله 19 الف كيلو متر ... و قبل ما اشتريها بيوم ... صاحبها القديم كا مغيرلها البطاريه بواحده 55 امبير تقريبا تركى و ادانى الضمان بتاعها ...

تفتكر حضرتك ان موضوع البطاريه ده ليه دخل فى الأعراض اللى اشتكيت منها ؟

مع العلم انى لما عملت ريسيت للكمبيوتر حسيت بفرق ايجابى فى التسارع و انسيابيه النقلات

انا هعمل بنصيحتك طبعا و لو ظهرت الأعراض دى تانى هطلع على التوكيل على طول....

بس أنا أول مره أسمع عن عيب الضفيره يجى ف الأوتوماتيك ؟ كنت فاكره ف المانيوال بس

اقتباس:

---

المشاركة الأصلية كتبت بواسطة zinger

بس أنا أول مره أسمع عن عيب الضفيره يجى ف الأوتوماتيك ؟ كنت فاكره ف المانيوال بس

---

هو فعلا المانيوال أكثر، بس برضه بتحصل في الأوتو بس بشكل أقل

لو حضرتك بعد الريسيت اللي عملته لاقيت ان المشكلة حصلت تاني و ان شاء الله مش هتحصل
يجب عليك التوجه الي التوكيل مباشرة لأنها بتكون اعراض ضفيرة الكهرباء لكن بعد تغييرها مش بيبقي في مشكلة ابدا و علي فكرة متقلقش ان موضوع الضفيرة تتغير .. دا عادي جدا و خصوصا انك في الضمان

اقتباس:

---

المشاركة الأصلية كتبت بواسطة zinger

بس أنا أول مره أسمع عن عيب الضفيره يجى ف الأوتوماتيك ؟ كنت فاكره ف المانيوال بس

---

لا يا باشا بتحصل كمان فى الاوتو
حصلت مع احد الاقارب و العربية اصبحت تنتش و تطفى كمان
تم تغيير الضفيرة
انتهى كل شىء