اوكتافيا مو 99 بتهتز ابتداء من سرعة 80

انا الحمد لله جبت اوكتافيا مو 99 مشكلتي باختصار السيارة بتهتز ابتداء من سرعة 80 بس لاحظت ان الاهتزاز بيستمر طول ما انا دايس بنزين لكن اول ما باشيل رجلي من علي البنزين الرجة بتروح خالص ما العلم اني عملت ظبط زوايا وترصيص وجبت 2 كاوتش امامي جديد في ناس بتقول ان سببها الكوبلن مع ان ما فيش اي طقطقه في الكبالن وفي ناس بتقول قواعد ماتور وفي ناس بتقول رمان بلي مع العلم ان في اهتزتز في الفتيس المانيوال ومع الكشف عليه محتاج حشو فتيس افيدوني عاوز اتهنا بالاوكتافيا واشوف ثباتها علي الطريق نفسي افرح بيهاااااااااااااااااااااا ا وشكرا لسعة صدركم

نسيت اقولكو اني ساعت الرجة بتروح لما السرعة توصل 100 مش عارف اعمل ايه وكل مكانيكي عمال يفتي

خالى الميكانيكى يرفع العربية ويفك العجل ويدور العربية ويذود على السرعات والعربية مرفوعة ممكن تكون الطانبير فيها ريجة أو علبة الدركسيون أو البلى وحش صوتة هيبان فيها بوش وبعد كدة يركب العجل ويزود السرعة والعربية مرفوعة علشان تقطع الشك باليقين

متابع .................................................. ....................

جربت تعيد على ربط العفشة قبل الترصيص؟؟؟؟؟؟؟؟؟

ممكن الرصرصه والزوايا مش دقيقه لان رجه 80 وبتروح بعد ال100 اقوى احتمال رصرصه وزوايا
ممكن ترصرص وتظبط زوايا فى مكان تانى بس يكون معروف دقته

اكشف على قواعد الموتور

الترصيص مش جيد رصص في مكان أخر جيد

تمام كدة ربط العفشة تمام بعدين رصص العجل واظبط زواية بالكمبيوتر........

معلش هي ممكن تكون حاجة غريبة بس انا كان عندي كده علي 120 او 130 جرب غير حساس كرنك ساعات مش بيبان علي الكمبيوتر و بردو جرب الكوبلن الداخلي بيعمل رجرجة في الدركسيون بس و انت سايق علي سرعة لو في جسم العربية كلها يبقي حساس كرنك زي ما قلت حاول تحس من المصدر من العجل ولا من الموتور

متشكر يا جماعة علي سرعة الرد بس انا فعلا ربطت العفشة قبل ما ارصص واظبط زوايا وبعدين الرجة في السيارة مش في العجل لاني لما بشيل رجلي من علي البنزين او بدوس دبرياج بتروح الرجة علي طول حتي لو علي سرعة 100 وبعدين ما فيش صوت ونه بتاعة الرمان بلي ولو طنابير اعتقد المفروض لما ادوس فرامل يحصل هزة ولا ايه ؟ انا شاكك في قواعد الماتور او علبة دركسيون بس معرفش هل هما ممكن يرجو العربية ولا لا ....... اما بالنسبة لحساس الكرنك انا اول مرة اسمع عنه ومعرفش هو ممكن يعمل كدة ولا لا عموما انا حاروح لحد تاني بتاع ظبط زوايا وترصيص المشكلة اني معاييش فلوس اغير كل الحاجات اللي انا شاكك فيه ومش عارف اعمل ايه؟؟؟؟؟؟؟؟؟؟؟

ابتدي بالترصيص والزوايا اولا مش هيكلفوا كتير وابقي شوف واحكم وممكن تشوف ايضا حاله العجل سليم ولا متاكل

باشا ارجوك شوف حساس الكرنك و لو من باب التجربة روح عند ورشة يكون عنده منها استعمال خليه يشيل اللي موجود و يحط اللي عنده لو مارحش الموضوع ده رجع بتاعك عادي جرب و مش هتخسر و الله كان عندي نفس المشكلة

العيب ده بنسبة 90 % كبالن داخلية وليست خارجية روح عند مركز خدمة أو ميكانيكي محترم وهو هيكتشف العيب
سؤال تاني لما بتحصل الرجة دي بتحس ان الدركسيون بيحاول الدوران لاتجاه معين يمين أو شمال

اكشف على الكبالن الداخليه

لما بتحصل الرجة الدركسيون مش بيحاول يلف ولا حاجة بس روحت اكشف عند ميكانيكي عند حديقة بدر رفع العربية ومسك الكوبلن اعد يهزه بايده وقالي محتاج تغير كوبلن بس مقاليش خارجي ولا داخلي سالته بكام قالي 250 جنيه ده فعلا سعره ولا اشتغاله طب بالنسبة لحساس الكرنك انا خايف اغيرة ويطلع مش هو والبس القطعة دي عموما هو حساس الكرنك ده عامل كام تقريبا وانا سعيد جدا لمشاركتي الموضوع نفسي فعلا في اول مقابلة اكون معاكو ان شاء الله ده اول موضوع ليا علي المنتدي كله وفعلا انا في قمة السعادة وانا بجانبي وحوش االاوكتافيا جزيل الشكر ليكم

بالنسبة للعجل الامامي جديد لسه شاريه والخلفي روحت لبتاع كاوتش قالي يتغير علي اول الصيف بس الهزة في صدر العربية من الامام مافيش هزة في الخلف وكده او كده حاغير الكاوتش الخلفي كمان شهرين تلاتة ان شاء الله الغريبة الهزة بتروح عند سرعة 100 او لو شيلة رجلي من علي البنزين فوراً او دوست دبرياج وانا برضوه علي سرعة 80 يعني قصدي لو كاوتش خلفي حتفضل الرجة ولا ايه ؟؟؟؟ انا بجتهد مش قصدي افتي .... ، أ / كريم عفيفي غيرت حساس الكرنك بكام ؟؟؟

اقتباس:

---

المشاركة الأصلية كتبت بواسطة lozaa

بالنسبة للعجل الامامي جديد لسه شاريه والخلفي روحت لبتاع كاوتش قالي يتغير علي اول الصيف بس الهزة في صدر العربية من الامام مافيش هزة في الخلف وكده او كده حاغير الكاوتش الخلفي كمان شهرين تلاتة ان شاء الله الغريبة الهزة بتروح عند سرعة 100 او لو شيلة رجلي من علي البنزين فوراً او دوست دبرياج وانا برضوه علي سرعة 80 يعني قصدي لو كاوتش خلفي حتفضل الرجة ولا ايه ؟؟؟؟ انا بجتهد مش قصدي افتي .... ، أ / كريم عفيفي غيرت حساس الكرنك بكام ؟؟؟

---

من الاخر هزة من 80 لغاية 100 انت محتاج ترصيص وروح لحد بيفهم يعملك ترصيص للاربع فرد وخد بالك ان حالة الكاوتش هتفرق معاك يعني الكاوتش اللى ورا هتلاقيه متاكل والللى قدام حالته لسه جديدة ده برده يفرق معاك بس ميعملش الرجة اللى بتقول عليها ولو قصة كوبلن داخلى هتلاقى فى الطوالى صوت مع الرجرجة

سؤال غريب شويه الهزة دي كانت موجودة قبل تغير الكاوتش الأمامي ولا بعد تغيرة علشان ساعات بيبقي في عيوب صناعه في الكاوتش

اقتباس:

---

المشاركة الأصلية كتبت بواسطة tareksakr

العيب ده بنسبة 90 % كبالن داخلية وليست خارجية ر

---

معاك في الراي
وبنسبه اكبر من 95%

كبالن داخلى 99%

وحوش الاوكتافيا لقد تم تغير الكوبلن الداخلي بنجاح والهزة اختفت شكرا علي نصائحاكم الغالية وطلع كمان السوستة مكسورة بتاعة المساعد وثمن الكوبلن 250 جنية والسوستة 100 ومصنعية 50 جنية انا طبعا معرفش اسعارهم ايه بره بس قولت اقولكم للمعرفة وسئلت علي كارتيرة الزيت عشان مشروخة قالي 450 جنية اصلي والمصفحة 700 جنية والتيل والطنابير الاصلي 1100 هل الاسعار دي صحيحة وشكرا لمساعدتكم.

اقتباس:

---

المشاركة الأصلية كتبت بواسطة lozaa

وحوش الاوكتافيا لقد تم تغير الكوبلن الداخلي بنجاح والهزة اختفت شكرا علي نصائحاكم الغالية وطلع كمان السوستة مكسورة بتاعة المساعد وثمن الكوبلن 250 جنية والسوستة 100 ومصنعية 50 جنية انا طبعا معرفش اسعارهم ايه بره بس قولت اقولكم للمعرفة وسئلت علي كارتيرة الزيت عشان مشروخة قالي 450 جنية اصلي والمصفحة 700 جنية والتيل والطنابير الاصلي 1100 هل الاسعار دي صحيحة وشكرا لمساعدتكم.

---

الحمد لله والف مبروك وربنا يديك خيرهم وعارف احسن حاجة عملتها انك بعد ماحليت المشكلة جيت وقولت وافدت الزملاء هنا وبالنسبة للاسعار ان شاء الله حد من وحوش الاوكتافيا يردو عليك

الحمد لله ان المشكله اتحلت هوا الكوبلن جديد وصيني ولا استيراد
وفعلا شاكرين لعرضك الحل بعد انهاءة

[QUOTE=Moratoz;3874710659]الحمد لله ان المشكله اتحلت هوا الكوبلن جديد وصيني ولا استيراد
وفعلا شاكرين لعرضك الحل بعد انهاءة[/QU


جديد اصلي 250 جنية

الاسعار معقوله

مبروك يا باشا بس ياريت اعرف العربية كنت شاريها بكام وحالتها ايه لو مفيش عند حضرتك مانع لانى هشترى اوكتافيا قريب ان شاء الله

اقتباس:

---

المشاركة الأصلية كتبت بواسطة amrelsaqqa

مبروك يا باشا بس ياريت اعرف العربية كنت شاريها بكام وحالتها ايه لو مفيش عند حضرتك مانع لانى هشترى اوكتافيا قريب ان شاء الله

---

باشا انا اشتريت العربية 55 الف بصراحة انا معرفش سعرها كام في السوق بس بصراحة انا كنت مستعجل في الشراء عشان محتاج عربية ضروري في اسرع وقت الحالة العامة بفضل الله جيدة فرش جلد فبريكة دواخل ورشة حزام اللي ظهر حتي الان موضوع الكوبلن زي ما حضرتك متابع انا بصراحة اول مرة اركب اوكتافيا وبصراحة اكتر انا لست من المعجبين بشكلها بس بصراحة ركوبتها جمدة ومريحه وبالمناسبة عربيتي الماتور الكبير sr معرفش ايه نظمها في الصيف ولا بعد كده علي العموم بدعو ربنا يباركلي فيه وفي كل العربيات ونصيحة جيب الماتور الكبير في العربية دي وانا عندي 2 ايرباج و abs ووحدات رفع وعملة 140 الف كيلو عقبالك لما تنضم الينا باوكتافيا ان شاء الله اهم حاجة اكشف عليها كويس وحطها علي الجهاز وابقي طمني وخلي بالك في عربيات فيها ايرباج واحد وفي عربيات فيها اتنين وفي عربيات مفيهاش abs بالتوفيقققققققققققققققققق ققققققق:verygood:

كان عندى نفس العيب وربنا يكرمه الحاج اسامه نهالى الموضوع ده خالص والعربيه بقت ثابته لدرجه مكنتش متخيلها بعد مخد بوش الكبالن وغيرلى الصليبه الداخليه بتاعت الكوبلن وخد منى 150 جنيه
وده رقمه 01003757857

اقتباس:

---

المشاركة الأصلية كتبت بواسطة lozaa

باشا انا اشتريت العربية 55 الف بصراحة انا معرفش سعرها كام في السوق بس بصراحة انا كنت مستعجل في الشراء عشان محتاج عربية ضروري في اسرع وقت الحالة العامة بفضل الله جيدة فرش جلد فبريكة دواخل ورشة حزام اللي ظهر حتي الان موضوع الكوبلن زي ما حضرتك متابع انا بصراحة اول مرة اركب اوكتافيا وبصراحة اكتر انا لست من المعجبين بشكلها بس بصراحة ركوبتها جمدة ومريحه وبالمناسبة عربيتي الماتور الكبير sr معرفش ايه نظمها في الصيف ولا بعد كده علي العموم بدعو ربنا يباركلي فيه وفي كل العربيات ونصيحة جيب الماتور الكبير في العربية دي وانا عندي 2 ايرباج و abs ووحدات رفع وعملة 140 الف كيلو عقبالك لما تنضم الينا باوكتافيا ان شاء الله اهم حاجة اكشف عليها كويس وحطها علي الجهاز وابقي طمني وخلي بالك في عربيات فيها ايرباج واحد وفي عربيات فيها اتنين وفي عربيات مفيهاش abs بالتوفيقققققققققققققققققق ققققققق:verygood:

---

بجد تسلم على المعلومات الجامدة والسعر كدة كويس ربنا يباركلك فيها ، وانت كنت جايبها من السوق ولا من حد معرفة وكشفت عليها فين ؟