حزين من اللى بشوفه وبسمعه

شكلى كدا قريب هنزل من عربيتى واركب اى حاجة كورى
ايه ياجماعة المغالاه الفظيعة دى فى قطع الغيار
يافرحتى اشترى عربية ب 122 الف بومة كلاسيك بجنوط وهتلاقى السيراتو بكل امكانياتها دى وفئة عالية مش اول فئة بنفس السعر تقريبا وكمان قطع غيارها ارخص بكتير ووكيلهم محترم
انا صاحبى والله بيندم انه اشتراها
والشارك ايه فانوس ب 7400 جنية من غير الضريبة ايه دا
وانا كمان بدات احس بالندم بعد 3 سنين وشهرين من الزيرو لانى وقتها كنت ممكن جبت سيراتو وخلاص انا اللى قلت اركب حاجة يابانى
ايه ياجماعه انا غلط ولا صح ولا ايه بالضبط

لا تندم

ياااا باشاا ندم اية بس يعنى هو البوما بس الى ذادت ماتشوف الالنترا مثلا على سبيل المثال سعرها كام و بعدين انا متابعك و شايفك ميال للسيراتو و الاخوة قالولك لو هاتركبها اركبها زيروو و استنى كمان الشكل الجديد ام لو بتفكر تحدث لبوما انصحك تجبها كسر زيروو هاتوفر معاك كتير و على فكرة انت لو حبيت تجيب السيراتو الشكل الى لسة هاينزل مش هايبقى رخيص يعنى الدنيا اصلا خلاص عليت قووى و عجبى عالبلد

الندم هيفيد بإيه أنت اشتريتها من فترة أنا بستغرب لما الشارك موجودة الناس ليه بتشترى البومة وبسعر مبالغ فيه جدا

كله بيقول غالية عشان تقفيل يابانى ويعنى الشارك اللى تقفيل مصرى ؟؟

هو بصراحة السوق المصرى فى السيارات سئ جدا فى تقييمه للسيارة

دا حتى اللانسر البومة اللى بتنزل اليومين دول اكصدامها شكله سئ وعلامة ميتسوبيشى بقت عايمة وسط الشبكة النيكل
والأكصدام القديم كان بيديها مظهر رياضى أكثر من دا

ومع ذلك بتغلى

لما أول فئة أوتو من لانسر شارك بعد الخصم كانت عاملة 124900
شكل جديد أكثر رياضية محرك أقوى سواء ال 1500 أو ال 1600 مايفيك عفشة مالتى لنك جميلة بصراحة

معتقدش إن بومة بتنزل غير فى مصر أو أى دولة فقيرة تانية

ولو ع الكورى لأ متنزلش منها طبعا وتركب سيراتو أنا قرأت هنا كتير عن سوء تصميم عفشتها التورشن بيم :)
تنزل منها تركب شارك ماشى تركب أوروبى آه

وقطع الغيار مبالغ جدا فى سعرها فعلا فانوس ب 7400 أنا قالى كدا واحد قريبى معاه شارك برضه مكنتش مصدقه !!
بس أسمع إن الفانوس دا فيه خاصية توجيه الإضاءة مع الدريكسيون صح الكلام دا ؟؟؟

اقتباس:

---

المشاركة الأصلية كتبت بواسطة mohammedaladel

الندم هيفيد بإيه أنت اشتريتها من فترة أنا بستغرب لما الشارك موجودة الناس ليه بتشترى البومة وبسعر مبالغ فيه جدا

كله بيقول غالية عشان تقفيل يابانى ويعنى الشارك اللى تقفيل مصرى ؟؟

هو بصراحة السوق المصرى فى السيارات سئ جدا فى تقييمه للسيارة

دا حتى اللانسر البومة اللى بتنزل اليومين دول اكصدامها شكله سئ وعلامة ميتسوبيشى بقت عايمة وسط الشبكة النيكل
والأكصدام القديم كان بيديها مظهر رياضى أكثر من دا

ومع ذلك بتغلى

لما أول فئة أوتو من لانسر شارك بعد الخصم كانت عاملة 124900
شكل جديد أكثر رياضية محرك أقوى سواء ال 1500 أو ال 1600 مايفيك عفشة مالتى لنك جميلة بصراحة

معتقدش إن بومة بتنزل غير فى مصر أو أى دولة فقيرة تانية

---

+11111111111111111111111111
اوجزت فانجزت

هي البومة بقت بكام عدم اللا مؤاخذة؟

أوعى تعمل كدة اليابانى يابانى برضه حتى لو كانت توك توك

والله انا بدات احس اننا عندنا عقدة اليابانى وخلاص
وحاسس اننا بندفع فلوس كتير وامكانيات قليلة اما الكورى نفس الفلوس تقريبا وامكانيات اعلى كتييييييييييييييييييييييي يييييير

سيبك من الفانوس ابو 7000 جنيه ده عشان ده زينون بعدسات متحركه afs وليه ظروفه, الفانوس العادى تقريبا فى حدود ال1500 فى التوكيل
وعلى فكره قطع غيار المستهلكات مش هتلاقيها فرقت كتير عن الكورى, يعنى عندك تيل فرامل الشارك ب 550 فى التوكيل, السيراتو ب500 تقريبا, فلتر الهواء بتاع السيراتو ب190, بتاع الشارك ب270 ومعاد تغييره ضعف مده السيراتو,
عموما كل قطع الغيرا فى التوكيلات غاليه, والفروقات مش كبيره للدرجه اللى متخيلها

اقتباس:

---

المشاركة الأصلية كتبت بواسطة salah_86

والله انا بدات احس اننا عندنا عقدة اليابانى وخلاص
وحاسس اننا بندفع فلوس كتير وامكانيات قليلة اما الكورى نفس الفلوس تقريبا وامكانيات اعلى كتييييييييييييييييييييييي يييييير

---

ياباشا مافيش عقدة:dzey::dzey:
هو الموضوع كله ان حضرتك بتركب عربيه مش امكانيات بس لكن عربيه لها اسم عريق وموديلات قديمه لها سمعه جيدة لانة ومن الطبيعى انى فى حاله الاقدام على شراء عربيه بسأل عن مميزات وعيوب الموديلات السابقة لمعرفة مدى درجة الاعتماديه عليها
وممكن حضرتك تاخد عربيه فيها امكانيات اعلى بسعر اقل ولكن اعتماديه اقل بكتير وحضرتك تقدر تقارن بالورقة والقلم
فى النهاية اللى عايز اقولوا لحضرتك لا تسمع لاى كلام ممكن ياثر عليك مادام حضرتك مقتنع بعربيتك

عمر قطع غيار السيارات الياباني ضغف عمر قطع غيار السيارات الكوري

اليبانى ركوبة متحسش بالتعب حتى فى المسافات الطويلة أما الكورى أقل فى المستوى والأداء عن تجربة وحقيقى قطع الغيار غالية عن الكورى لاكن العمر اكثر من الكورى وزى لما قولت (ركوبة)

كورى ايه اللى بتتكلم فيه يا باشا
ده حتى الكورى نفسه بقى غالى دلوقتى
ده ايام ما يعلم بيها الا ربنا

اوعى تنزل من اوروبى ليابانى او من يابانى لكورى

اوعى اوعى اوعى ، نصيحة العمر ، دى الحركة اللى لو عملتها هيبقى فيها ندم بجد وعن تجربة

نصيحة من اخ يابانى لكورى لا وشكرا

انا مش عارف الناس معقدة نفسها بالفانوس العدسات ده ليه

فيه تايوانى عادى ب 400 جنيه !!

وفى التوكيل 1500 جنيه

وبره مصر العدسات زينون مع LED ب 2600 جنيه !! زود كمان بتاع 1000- 1200 جنيه شحن وجمرك يبقى 3600 جنيه ( ده للجوز مش واحد بس )

08-up Mitsubishi Lancer Headlights from Spyder Auto at Andy's Auto Sport

يا باشا العربيه ديه محترمه جدا

يعنى مفيش ال 7000 ؟؟ وعايز أعرف من حضرتك هل فعلا الإضاءة بتتجه مع لف الدركسيون ؟؟ والفوانيس دى بتبقى مزودة فى أنهى فئة بالنسبة لمايفك 1500 ومايفك 1600

اقتباس:

---

المشاركة الأصلية كتبت بواسطة mohammedaladel

يعنى مفيش ال 7000 ؟؟ وعايز أعرف من حضرتك هل فعلا الإضاءة بتتجه مع لف الدركسيون ؟؟ والفوانيس دى بتبقى مزودة فى أنهى فئة بالنسبة لمايفك 1500 ومايفك 1600

---

طبعا يا باشا الفانوس عدسات مع بروجكتور (لا يحتاج الى تسخين ) وموتور بيتحكم فى ارتفاع العدسات فوق وتحت ولمبه

نورها ابيض تحفة (زى بتاع المرسيدس ) ونظام afs وده بيدى اضاءة جانبية مع حركة الدركسيون يمين وشمال

ده موجود فى الهاى لاين لغاية ٢٠١١