ايه راى الشباب عاوز اشترى موبيل جديد وحتار بين الاتنين دول
مع العلم انا معايا تابلت اى باد ٢ فهل الجلاكسى افضل ؟
عرض للطباعة
ايه راى الشباب عاوز اشترى موبيل جديد وحتار بين الاتنين دول
مع العلم انا معايا تابلت اى باد ٢ فهل الجلاكسى افضل ؟
الايباد ٢ حاجه والجلاكسي سواء s3 او note2 حاجه تانيه عموما ال note2 جميل جدا لسه شاريه من اسبوع وكان قبله معاي htc one x وكنت متخوف من كبر حجم النوت ولكن بعد يومين استعمال بقيت متعود عليه ومتأقلم معاه جدا وطبعا الجهاز ممتاز لابعد الحدود وسلس جدا والبطاريه خرافيه مقارنه بال htc one x وحتي افضل من ال s3 في البطاريه دلوقتي بيكمل معاي اليوم بالرغم اني ما بسيبهوش في حاله طوال اليوم تصفح والعاب وخرايط ومكالمات بعكس ال one x وافضل منه بمراحل
انا معايا النوت 2 من شهر ونص موبايل رائع وذكى فعلا لو مش هيفرق معاك الحجم توكل على الله وهاته هو بيزيد عن الجلاكسى حجم الشاشه والقلم واسرع وكام ميزه ممكن تشوفهم فالمقارنات والنوت كمان احدث
أنا كمان ميال للنوت ٢ جدا، بس الناس رأيها إيه الواحد يشتري بضمان ولا من غير، الفرق حوالى ٤٠٠ جنيه. أنا عمري ما جبت موبايل من غير ضمان وعمري ما إستخدمته!!
ممكن الاسعار بضمان ومن غير
انا قلقان بصراحه من حجم النوت حاسس انه كبير اوى ومش حيكون مريح فى جيبى
نوووووووت 2 ........ الاسطورة :d
لو حجمه اوكى بالنسبالك يبقى نوت 2 طبعا
انا مسكت ده وده
وبقولك الاختلاف بين كمميزات مش كبير للدرجه
بالعكس ال اس3 حجمه اقل ودى ميزه مهمه لاى حد
انا راى ال الاس 3
لو بتستخدم الفيس والنت وبتحب تلعب وتعمل تشات...وفوق كل ده ماعندكش تابلت بتستخدمه ...النوت 2 بدون تردد..
قعدت اقلس واضحك على اللي جابو نوت لشهور واقولهم ايه الحجم ده...وفي الاخر جبته مقولكش
حاسس اني اول مره امسك جهاز شامل كامل واتعودت تماما على حجمه...النوت جهاز شامل...الباقي تليفونات:)
أنا كنت بفكرفي نفس النقطة، بس مرة لقيت ستاند عرض لسامسونج في كارفور وحاطين كذا واحد للتجربة، جربب أحطة في جيبي لقيتو مقبول جدا. هو ممكن يكون مش مريح قوي لو جيب البنطلون ضيق، بس أنا لبسي مش من النوع دة. حضرتك جربة في أي معرض زي موبايل شوب أو إتصالات مثلا يكون حاطت واحد للتجربة متوصل بواير للأمان وجرب تحطة في جيبك وشوف. بس حاسب ليفتكرك بتحاول تسلكة هههههه.
معلش أختلف معاك شوية في الحته دي، حاول تتفرج على ريفيوهات ليهم ومقارنات على يوتيوب وهتعرف الفروق. ال S-Pen ده حكاية لوحده!
الله ينور يا رجاله انا دماغى رايحة على الجلاكسى ان شاء الله
انا معايا s3 من شهر بالظبط
وناوى على النوت 2 قريب بس s3 جميييييييييل جدا جدا
انا كمان متردد فى نفس الاختيار بظبط .. وكمان شوفت حاجة تانيه مينى أى باد أبل ... بعد اذن صاحب الموضوع اية رايك فالجهاز ده ؟
بص لو ناوى على ال اس 3 فكر فى ال اى فون 4 اس لو متقبل نظام التشغيل و التخلى عن السهولة اللى فى نظام الاندرويد وبعض الكماليات فى مقابل كاميرا افضل وتتاتش سلس اكتر وصوت انقى بكتير وقوة تشغيل للبرامج بدون تهنيج او مشاكل