متابع
عرض للطباعة
متابع
عامر جروب شركة نصابه ليا انا و ناس كتير قضايا نصب معاها
نصيحه متشتريش سمك في ميه منهم
نصيحة بلاش تيم شير اشترى حاجة ملك احسن
كلها نصب و الشركه دي من كتر ما اتفضحت عملو كذا شركه بنفس النظام باسامي مختلفه
و في الاخر هيخلوك تدفع مبلغ سنوي برضه :) صيانه او حاجه زي كده و معرفش ليه الحكومه بتسكت علي الحاجات دي
عامر جروب سمعته ألماظ و لكن لا أفضل التايم شير عالاطلاق التمليك أحسن استثمار
انا عندى تايم شير فى الغردقه و زى الفل ... عارف ناس عندهم مشاكل فى التايم شير مع اماكن تانيه بس انا عندى محترمين جدا و مفيش حوارات فى الحجز و معروف انا ايه اللى لى و ايه اللى عليا و كله فى العقد (التايم شير بتاعى من 2003)
حجزت مع عامر فى ساوث بيتش و ربنا يسهل ... بس لحد دلوقت مخدتش العقد .. انا متعاقد من 31 يناير اللى فات و اتقالى العقد بعد 3 شهور ... اخر مره كلمتهم قالولى معلش فى ضغط و 3 مشاريع تانيين احينا اسبوعين تلاته و بنسل دلوقتى فى عقود شهر 11 .... لما نشوف
اشتريت محل في بورتو كايرو مول من 2010 و كان المفروض تسليم 6-2012 لما جيت امضي العقود اتفاجأت ان بقت 12-2012 و بتاع المبيعات مش مشكلة 6 شهور و مش عارف ايه و بعد كده دا اتاجل ل 6-2013 و في الاخر اتاجل ل 2014 بدون تحديد معاد ( دا بالنسبه لمواعيد التسليم و التاخير ده علشان بياخد فلوس الناس و بيبني بيها مشاريع تانيه و بيستثمر فلوسهم )
تاني نقطه المحل اللي شاريه بمساحه معينه التاجير بيبقى بالمتر هوب كانوا خصمين 30 في الميه من المساحه في التاجير ( و عرفت من بره ان الفرق بياخدوه في جيبهم )
تالت نقطه المحلات بياجروها بسعر قليل جدا و خلاف السعر اللي متفقين عليه لو قولت اقل الخمس ممكن محدش يصدقني و برضه الفرق بياخدوه في جيبهم
الدليل بقى ان عقود الايجارد اللي بيمضوها بيرفضوا يوروها للملاك الاصليين و بيقولوا اخبط دماغك في الحيط
دي مش مشكلتي لوحدي فيه جروب عاملينه لضحايا عامر جروب بالنسبه للمول ده بس
اه صحيح عامر الكبير قابلناه و قال بالنص ( انا مليش دعوه باللي بيقوله مندوب المبيعات بتاعي علشان يبيع و يحقق التارجت بتاعه )
كل ده و اسمي صاحب محل و فيه عقود ايجار و التزامات فما بالك بتايم شير !!!!!
عامر جروب من اول صاحبها لحد اصغر واحد كلهم حراميه و ياريت اشوف حد فيهم هنا في الموقع:whtauwant:
معلش هل فى العقد كلام و الواقع كلام تانى ... يعنى فى العقد قالك انا هاجرلك المحل بتاعك 100 متر و المتر ب 100 جنيه و لقيت انه بياجر 70 متر ب 10 جنيه؟
اللى عايز اقوله ثقتك فى البياع مش صح ... اللى انت عايزه و متقدرش تستغنى عنه حطه فى العقد