أستشارة هامة من السادة خبراء الدايو نوبيرا للضرورة

**sniper_ktm** · 16-12-2012 06:58 PM

السلام عليكم
بعد اذن حضراتكم كان عندى أستفسار للضرورة بخصوص تركيب مساعدين مونرو للنوبيرا2 موديل 2006 لو ركبتها هل هى تركب على باقى أجزاء عفشة النوبيرا الأصلية ولا هاضطر أغير أجزاء من العفشة علشان تتوافق معاها زى اليايات أو البطاحات أو بيض التيش. مقصات . جلب . عواميد الميزان أو أى حاجة تانية من العفشة بوجة عام هل هاعوز أى تغيير او تعديل تانى لو ركبت المساعدين دول وهل الأفضل أركب صدادات فى المساعدين دول ولا لا .
واستفسار تانى لو سمحتم بالنسبة للمونرو هل فية منة كذا نوع أو موديل يتوافق من النوبيرا ولا هوة نوع واحد .... يعنى فية منة زيت بس --ولا زيت على غاز-- ولا غاز بس .
وشــكـرا لـحضـراتــكـم

**m.farouk** · 17-12-2012 03:22 PM

هو نوع واحد وبيركبوا بدون تعديلات وسعرهم حوالى 850

**sniper_ktm** · 19-12-2012 08:56 PM

بعد إذن حضراتكم عايز أعرف أفصل مكان أقدر أجيب منة المساعدين دول المونرو لأنى سمعت عن لهيطة وغبور فى شارع فيصل وأبو الحسن . فلو سمحتم عايز أعرف المكان الأفضل

**Eng.Geo** · 19-12-2012 09:46 PM

هيركب بدون أي تعديلات وهو موديل واحد للنوبيرا
هاته من أي حتة .... بس انت تلاقيه بس :d
الجوز الأمامي ب 750 والخلفي ب 600

**sniper_ktm** · 21-12-2012 05:11 PM

على موقع مونرو فية كذا نوع لنفس مساعد النوبيرا أسمهم reflex , sense-track, oespecterm وغيرهم هل الموديلات دة متوفرة فى مصر وللعلم لكل موديل من دول خواصة ومميزاتة....... وشـــكـرا

**midooo_119** · 21-12-2012 05:33 PM

انا مركب الى قدام عندى مونرو ماشاء الله عليهم مش محتاج تعديل بقالهم 5 سنين معايا و هتلاقى كذا حد بيبع المونرو فالتوفيقية و فيه ابو الحسن و فيه واحد قدام جاد الى فشارع مراد فالجيزة و فيه واحد عند السراج مول