السلام عليكم ورحمة الله وبركاتة
ممكن يا جماعة اعرف اسعار السيراتو الخليجي اية و مواصفات السيراتو الخليجي لحد 115 الف تجيب اية وهل ضمان شركة aaa دة كويس ولا فية قلق يعني لو لاقدر الله حصل حاجة هيتكلفو بيها ولا هيخلعو وشكرا جزيلا مقدما
عرض للطباعة
السلام عليكم ورحمة الله وبركاتة
ممكن يا جماعة اعرف اسعار السيراتو الخليجي اية و مواصفات السيراتو الخليجي لحد 115 الف تجيب اية وهل ضمان شركة aaa دة كويس ولا فية قلق يعني لو لاقدر الله حصل حاجة هيتكلفو بيها ولا هيخلعو وشكرا جزيلا مقدما
اي مساعدة يا رجالة لو سمحتم اخوكم متسوح
قاعدة عامة ولاازم تكون عارفها الخليجى مالوش مواصفات ثابتة بمعنى بتختلف من معرض للتانى
على حسب الاستيراد والاختلاف بيكون فى الكماليات فقط وبالتالى الاسعار
الشركة فى كتير من اللى اعرفهم شارى منهم ضمان خليجى مفيش مشاكل تذكر معاهم بس الاهم
تختار مركز الصيانة اللى تتعامل معاه وحاليا معاهم مراكز صيانة معتمدة من الوكيل نفسه .
الخليجى مواصفاته وسعره يختلف من معرض لتانى الخليجى انواع والاوبشن بتاع كل نوع مختلف عن التانى وسعر كل نوع حسب الاوبشن بالنسبه للسعر اللى انت حاطه ده 115 يجيبلك اول فئه اوتو خليجى سعودى او عمانى او اماراتى او بحرينى - باوبشن ايرباج واحده ودى فى دى وكاميرا وظبط مستوى اضاءه وعداد درجة حرارة الجو وامبوليزر وطبعا فتيس 6 سرعات وجنوط حديد بطاسات
او نفس السعر يجبلك اول فئه اوتو اردنى او سورى نفس المواصفات السابقه ويزيد جنوط سبور مقاس 15 و فرامل ايه بى اس - بس هتلاقى اوبشن مختلف يعنى ممكن متلاقيش عداد الحراره او ظبط مستوى الاضاءه او كاسيت اصلى بدل دى فى دى او ممكن تلاقى حاجات وحاجات لأ كده يعنى والخليج(دول الخليج ) كجوده افضل من الاردنى و السورى وحتى الوكيل عشان كده هتلاقى الاردنى معوض فى اوبشن افضل زى الجنوط والايه بى اس والوكيل معوض بالضمان
اما بالنسبه للضمان من تريبل ايه فانا عملت معاهم سنه او 20 الف كيلو ب 1100 وعملت صيانه فى الرواس العبور( نصيحه وانت داخل قولهم متحطوش العربيه على الكمبيوتر خالص عشان بيعملو ريسيت على الكارت بارقام مصر بدل من تظبيطها بارقام خليجى وهتلاقى احلى استهلاك بنزين بعدها ) وبالنسبه للضمان انا اتصلت بيهم مهما بعتولى مندوبهم لحد البيت وانا فى اسماعيليه
واى استفسار انا تحت امرك
هات خليجي سعودى بس و اشترى ضمان لسنه وحده بس و انشاء الله مفيش عيوب صناعه بس عشان تبقي مطمن و اشتريه سنه واحده فقط و ابقي جدد لو محتاج متفرحش بفرق الفلوس اللى هتوفرها لو هتشتري 3 سنين مع بعض
لأ هو تقريبا يقصد ان لو فى عيب هيظهر فى اول سنه على طول لكن لو عديت اول سنه من غير اى عيوب غالبا شكرا كده نفدت من عيوب الصناعه فامسك العصايا من النص اشترى ضمان لسنه واحده عشان تكون مطمن وغالبا لو فى عيب هيظهر على طول انت بتتكلم فى 20 الف كيلو او 12 شهر اما لو عدت السنه فهتكون وفرت تمن السنتين التانيين .. تقريبا ده اللى انا عملتو
طيب بعد اذنكم يا جماعة السيراتو الشكل الجديد متوقع يكون سعر اول فئة فية اوتوماتيك كام
الاخ العزيز
انا سالت عليها فى اكتر من مكان وايضا كنت عايزها فى نفس الحدود السعرية دى المهم لاقيت عند سمير ريان افضل سعر بالمواصفة التاليه : خليجى شرق اوسط سالته ايه دى قالى عراقى جايه عن طريق الكويت ومواصفتها 1600 سي سي - 124 حصان - كورى
تكييف - باور- 4 زجاج كهربا - cd تاتش - dvd
2 ريموت - كاميرا خلفية - 1 ايرباج - ABS
السعر : 113500 جنيه
وبالنسبة للضمان قالى زى ما الاخوة قالو فى المداخلات السابقة اشترى سنة واحدة ولوالعربية فيها حاجة لا قدر الله هتظهر من الاول
شكرا للاسراء المعلوماتي