رشقت بالفيرنا ياشباب ..إدعولي

**verna2008auto** · 16-12-2012 09:34 PM

المشاركة الأصلية كتبت بواسطة Ashraf_Ibrahim

المهم انك بخير يا عاصم
حمدالله على السلامة واي حاجة في الصاج مش مشكلة
ربنا يعوض عليك يا رب

مومبيك اشرف .... شوفت اللي حصلي ..

كنت ها (تزنجف ) انا والفيرنا النهارده ....

ربنا ستر الحمد لله...ميرسية مونشير مومبيك باشا علي السؤال

المشاركة الأصلية كتبت بواسطة amr elsisi

ربنا يخلف عليك بالخير

أأأأمين يارب العالمين ..شكرا شكرا

المشاركة الأصلية كتبت بواسطة koshary

قدر الله وماشاء فعل كدا اسلم حل يمكن لو كان معاك سلاح كنت ممكن تتصرف وتروح معاهم

سلاح مين ... دول كان ناقصلهم بلية والواد سنجة ويعنوا الحرب عليا ..

دول كانو (هايقرقشوني) صاحي ومش هاينفع معاهم مضاد الالغام اللي شايله في البيت ولا صارخ ارض ارض حتي

**salah_86** · 16-12-2012 09:50 PM

حمد لله على سلامتك وربنا يعوض عليك بس هيا اللانسر جامده قوى كدا!!!!!!!!!!!!!!!!
انا شفت لانسر بومة قبل كدا بيهدى علشان ياخد مطب وكانت العربية سوبر اكشن زيرو بالورق الابيض عليها هو بس هدى ياخد المطب جه وراه تلت اربع نقل لبس فيه من ورا دشمله العربية خالص انا ركبى ساعتها سابت وركنت عربيتى ونزلت اتخانق مع بتاع النقل ووقف مع بتاع البومة لحد مجه البوليس

**samihanwar** · 16-12-2012 11:30 PM

ألف سلامه ليك ياباشا
بس كنت تتصل بالرجاله صحابك وهما يجولك وتروح معاهم يا اما يدولك فلوس الحاجه اللى بوظوها والتصليح
وحسبى الله ونعم الوكيل فى الناس دى
بس خلى بالك احتمال كبير ان الناس دى سارقين العربيه
ومش عاوزين لمه
وعموما سلامتك بالدنيا

**mahmoud_afifi** · 16-12-2012 11:51 PM

الف سلامه عليك يا كبير والحمدلله انك سليم.
وتصرفك صح لأن الواحد بيقل قيمته وفي الاخر مابياخدش حاجه من العالم دي.
ربنا يعوضك خير ان شاء الله

**SAMEH_FOUAD** · 16-12-2012 11:58 PM

الف سلامة عليك ياباشا , وربنا يعوضك خير ان شاء الله

**أبو يوسف** · 27-12-2012 09:25 AM

أولاً : حمدالله ععلى سلامتك
ثانياً : أنت غلطان طبعاً , المفروض كنت تاخد حقك , وكمال قال سيد الخلق (( من أفسد شيئاً فعليه أصلاحه )) , ومكنش لازم تروح معاهم كان ممكن تاخد تعويض تقديرى عن خسارتك وانت واقف مكانك أو تروح لاقرب سمكرى , وعلى فكرة الموضوع ملوش دعوة بالجسم والشكل .
أنا عاوز أقولك أنا ساكن فى منطقة شعبية جداً , وعندنا بتوع الميكروباص والتكاتك , أصيع ناس ممكن تقبلهم فى حياتك , وأول ما يحصل أى حاجة بينى وبينهم , بقلمب وشى عليهم وأعلى صوتى ( أجعر ) وبعرفه انى مش قلقان منه ,وصدقنى الطريقة دى عن تجربة بتنفع , مع أنى معوق يعنى مش هنزل من العربية اتخانق
موقف :
مرة كنت ماشى فى شارع عندنا رايح جاى بدون فواصل المهم وانا داخل الملف لازن أعدى من قدام المقابل , فرفعت ايدى للميكروباص اللى جاى وقولته بعد أذنك هاعدى , فوقف , وبمجرد ما لفيت بوظ العربية ملفش معايا كويس فكان لازم أرجع لورا وألف تانى , المهم لاقيت سواق الميكروباص بيزعق , وبيقولى ما تخلص ياعم , روحت مزعق انا كمان وقولتله ما تستنى ياعم أنت يعنى هاعملك أية يعنى هطير , ما انت شيفنى بلف , خليك واقف , صدقنى ولا فتح بقه بكلمة .
الذوق مابقاش ينفع ( أبو يوسف )

**Khaled Lanos** · 27-12-2012 09:46 AM

أول حاجة حمد لله على سلامتك وربنا يعوض عليك ان شاء الله..

تاني حاجة مكنش المفروض تسيبهم بصراحة كنت تاخد نمر العربية على الأقل وتروح تعمل محضر في الشرطة..لكن أنا لو مكانك طبعا مش هاجي معاهم أكيد مقلب وممكن ياخدو العربية كلها.

**verna2008auto** · 29-12-2012 11:13 PM

المشاركة الأصلية كتبت بواسطة أبو يوسف

أولاً : حمدالله ععلى سلامتك
ثانياً : أنت غلطان طبعاً , المفروض كنت تاخد حقك , وكمال قال سيد الخلق (( من أفسد شيئاً فعليه أصلاحه )) , ومكنش لازم تروح معاهم كان ممكن تاخد تعويض تقديرى عن خسارتك وانت واقف مكانك أو تروح لاقرب سمكرى , وعلى فكرة الموضوع ملوش دعوة بالجسم والشكل .
أنا عاوز أقولك أنا ساكن فى منطقة شعبية جداً , وعندنا بتوع الميكروباص والتكاتك , أصيع ناس ممكن تقبلهم فى حياتك , وأول ما يحصل أى حاجة بينى وبينهم , بقلمب وشى عليهم وأعلى صوتى ( أجعر ) وبعرفه انى مش قلقان منه ,وصدقنى الطريقة دى عن تجربة بتنفع , مع أنى معوق يعنى مش هنزل من العربية اتخانق
موقف :
مرة كنت ماشى فى شارع عندنا رايح جاى بدون فواصل المهم وانا داخل الملف لازن أعدى من قدام المقابل , فرفعت ايدى للميكروباص اللى جاى وقولته بعد أذنك هاعدى , فوقف , وبمجرد ما لفيت بوظ العربية ملفش معايا كويس فكان لازم أرجع لورا وألف تانى , المهم لاقيت سواق الميكروباص بيزعق , وبيقولى ما تخلص ياعم , روحت مزعق انا كمان وقولتله ما تستنى ياعم أنت يعنى هاعملك أية يعنى هطير , ما انت شيفنى بلف , خليك واقف , صدقنى ولا فتح بقه بكلمة .
الذوق مابقاش ينفع ( أبو يوسف )

الف الف شكر علي النصيحة ...
وربنا يبعد عننا المشاكل يارب
الف شكر

-

الموضوع: رشقت بالفيرنا ياشباب ..إدعولي

LinkBack

أدوات الموضوع

عرض

-

-

-

-

المواضيع المتشابهه

رشقت فى رصيف

السفر بالفيرنا

رجاء .. إدعولي

إدعولي يا جماعة - رحله إلي مرور السلام

رجة بالفيرنا اثناء السير

الكلمات الدلالية لهذا الموضوع

المفضلات

المفضلات

ضوابط المشاركة