رشقت بالفيرنا ياشباب ..إدعولي
السلام عليكم ورحمه الله وبركاتة
بعد كل خير وسلامة... عافاكم الله وعافانا ال (( الحوادث ))
كنت ماشي في السلانسية ( 10-20 كيلومتر مثلا ) ومرة واحده وبلا اي مقدمات :H_angry[1]:
لانسر متوحشة كان سايقها حد مش طبيعي اكيد ( كان مغمض عينة )
و....وو
ورشق فيا بعزم مافية :angry27::angry27::angry27:
الخسائر
1- فانوس فيرنا امامي شمال (( باظ ))
2-رفرف شمال ( بالكامل ) " اتدشمل " بالكرتيرة بتاعتة
3-اكسدام (( عمل معايا الدنيئة )) وإتعوج (( بوق سمكة ))
4-حتة من الكابوت (( اتعوجت لفوق ))
..
حصلي زهول :H_angry[1]:
طبعا انا مش (( ارنولد )) ولا ( فان دام ) وللاسف نسيت السلاح مضاد للطائرات في البيت ... يعني مش جاهز لمعركة في الشارع
....
مستني اشوف مين ها ينزل من العربية .. (( اتنين من الاخر ..))
زي بتوع افلام الظلام الدامس .... وافلام الرعب
الراجل نزل من العربية هوا وزميله ..... وحصلت المواجهه
فضلت متمالك اعصابي ومش عاوز ابين (( الزهول ))
وفي سري (( اتشاهدت )) قولت هاندفن مكاني انا والعربية
فضلت ساكت لغاية ما واحد ضربني (( ببقة )) والرزاز اللي خارج من بوقة كان ها (( يشنكلني )) وقاللي
(( السلام عليكم )).. احنا اسفين يا باشا :affection:
(( عاوز حاجة )) لامؤخزة اي خدمة يعني اللي تشوفة
المهم ... قولتلهم دي غلطة مين .. قالو غلطتنا شوف انتا عاوز اية وحنا معاك نصلحهالك ..
قولت ماشي قالو تعالي ورانا بالعربية وهان ( نظبطك )
( الفار عضني في صدري ) بعد ما نط طبعا
قولتلهم لا شكرا ولا تظبطوني ولا اظبطكم ... ...
خدت بعضي ومشششيت ...:B4_556:
طبعا اي حد مكاني كان ها يعمل كده ... واله حد عندة رأي تاني ..
طبعا خوفت يعني ... وقلت ربنا يعوضني ...
حبيت اقول تجربتي عسي ان حد يستفيد منها ...
وسوف نوافيكم بالاخبار ...وخبرة التصليح .....:U_thin1[1]:
خولوص الكلام
