مقارنة بين التويوتا كرولا 2012 واللانسر شارك 2012

**ahze** · 16-12-2012 09:15 PM

انا باذن الله ناوي اشتري عربيه جديدة وبجد بفكر في الشارك بس كل خوفي من قطع الغيار وانا بقارن بين 3 عربيات تقريبا في نفس السعر (الشارك 1600 موديل 2012 أو التويوتا كرولا 2012 أو السوبارو 2012) مع العلم بأني طول عمري راكب الماني بس مستعمل طبعا (أوبل 94 ثم أوبل 98 ثم بي ام 97 الدبانه) عشان انا بحب العربيات التقيلة الثابته على الارض بس مشكلة الالماني المستعمل ان لما بيفتح بقه مابيقفلوش نهائي وتكييف مافييييش، وعشان كده بفكر في الياباني،
وانا بصراحه فكرت في السوبارو عشان awd وحتبقا ماسكه نفسها زي البي ام بس خوفي من قطع غيارها وتوكيلها .
وفكرت في الشارك وبعد ما سمعت كلامكوا خايف من قطع الغيار ومن التوكيل برضو.
والتويوتا طبعا عربية تحفة بس عوجيزي شوية بس قطعغيارها ارخص من الشارك على ما اعتقد...
معلش طولت عليكوا واسف على ازعاجكوا بس ياريت حد يكون عارف التلاتة وينصحني اجيب ايه وانشاء الله هعمل بالنصيحة.
شكرا جزيلا

**S O P H O S** · 17-12-2012 01:06 AM

بص يا باشا لو علي العربيات الي انت مختارها
اقول الكورولا هي الانسب فمصر توكيل قطع غيار انتشار وسعر اعادة بيع وفالمقابل شكل تقليدي شوية
فالنهاية هي الافضل لمصر لكن مش معني كده انها افضل من العربيات الباقية
والله اعلم ..

**AlGazar2** · 17-12-2012 03:10 AM

توكل على الله و هات السوبارو و مش هتندم

قطع غيارها ارخص اليابانى فى التوكيل تقريبا
و توكيلها محترم ( مجربه فى الدايو لما كانت بتتعمل هناك - و هتلاقى مكان السوبارو فاضى و متاح دايما )

اثبتهم على الارض ثباتها زى الالمانى و يمكن احسن
وسائل امان عاليه و صاج كويس مش طرى
خامات كويسه و كماليات مناسبة

عيبها اعاده بيعها ضايع لو هتبيع قريب لو هتبيع بعد كتير هتبقى زى باقى العربيات

الشارك قطع غيارها غاليه جدا فى عضو معانا هنا سال على الفانوس فى التوكيل ب 8000 و اللمبه ب 1050 يعنى بتمن عربيه :)
التويوتا شكلها قديم جدا و مبالغ فى سعرها اوى

**Sehsss** · 17-12-2012 03:10 PM

فانتازيا

**ahze** · 18-12-2012 03:10 PM

المشاركة الأصلية كتبت بواسطة algazar2

توكل على الله و هات السوبارو و مش هتندم

قطع غيارها ارخص اليابانى فى التوكيل تقريبا
و توكيلها محترم ( مجربه فى الدايو لما كانت بتتعمل هناك - و هتلاقى مكان السوبارو فاضى و متاح دايما )

اثبتهم على الارض ثباتها زى الالمانى و يمكن احسن
وسائل امان عاليه و صاج كويس مش طرى
خامات كويسه و كماليات مناسبة

عيبها اعاده بيعها ضايع لو هتبيع قريب لو هتبيع بعد كتير هتبقى زى باقى العربيات

الشارك قطع غيارها غاليه جدا فى عضو معانا هنا سال على الفانوس فى التوكيل ب 8000 و اللمبه ب 1050 يعنى بتمن عربيه :)
التويوتا شكلها قديم جدا و مبالغ فى سعرها اوى

انا شاكر لحضرتك جدا على الرد ، انا فعلا بحترم السوبارو في كل حاجة وهي الكنت ناوي عليها فالاول بس انا لما سألت على قطع الغيار لاقيتها غاليه جدا جدا بالنسبة لباقي الياباني بس يمكن الزيها في حاجات الشارك بس الشارك في منها الاصلي والتايواني بالنسبة للحاجات المش ميكانيكا طبعا زي البلاستكات الممكن تستبدلها بالتايواني ، لكن السوبارو لازم التوكيل ولازم الاصلي ، ومشكله ال 2012 مانتشرتش خالص والله ماشوفت غير عربية واحده في الشارع لحد دلوقتي .
انا شاكر جدا لحضرتك على اهتمامك

**blazer** · 18-12-2012 03:37 PM

افضل عربيه طبعا السوبارو ,, كعفشه وماتور وفتيس
لو ناوى تبيع قريب ,,, مش هتصين فى الوكيل يبقى ابعد عن السوبارو
انما العربيه ممتازه وافضل بفرق كبير عن الكورولا والشارك