عندى مشكله فى الفتيس ياريت حد يفهمنى !please

انا عندى بيجو 205 1100 الفتيس 4 نقلات كنت لسه مغير طقم دبرياج كامل ولقيت النقلات بقت صعبه تدخل وصوت خروشه جامده طول مانا ماشى سواء فى نقله او مفيش بس هوا من الفتيس المهم الرجل قالى الفتيس فيه بوش وبايظ من جوا ولازم يتغير احسن
سؤالى بأه قالى هات فتيس 5 نقلات بتاع 1400 او بتاع 1600 عشان العربيه تستريح
انا بقا عايز افهم هل ده علميا صح؟ هوا اكيد المكنه هتستريح عشان نقلات اكتر وtop speed اكتر
اللى فاهم اعمل ايه يقولى عشان انا مش عارف بفكر انزل زيت الفتيس كله واحط تانى واعلى الدبرياج واشوف ايه رايكم؟ولو هجيب فتيس اجيب انهى واحد

بص فى الفتيس احسن لك تغيرة استعمال التصليح مالوش فايدة و 5 غيار افضل طبعا بس فتيس 1400 او 1600 دى انا معرفش ؟؟؟

شكرا لأهتمام حضرتك انا سالت السؤال من اسبوعين فى قسم الورشه محدش رد اصلا اناان شاء الله اجيب واحد احسن بس محتار بأه 1400 ولا 1600 .وجزاك الله خيرا :)

الافضل تغيرة طبعا عن اصلاحة و لو اكتر من ميكانيكى قالك ان الخمس نقلات يركب بدون مشاكل يبقى توكل على الله و اكيد الخمس نقلات افضل

اقتباس:

---

المشاركة الأصلية كتبت بواسطة devil_storm

الافضل تغيرة طبعا عن اصلاحة و لو اكتر من ميكانيكى قالك ان الخمس نقلات يركب بدون مشاكل يبقى توكل على الله و اكيد الخمس نقلات افضل

---

متشكر جدا لحضرتك

متابع ...................

هات فتيس gti + كبالن gti
مالقتش فتيس 205 فيه منه
4 غيارات
5 غيارات
be3
be4
وكله بيختلف على حسب الموتور عموما اهم شي لو هاتعدل في الفتيس عندك مبدأين بتشتغل بيهم بعد تحديد النوع المتوافق مع موتورك
1. داير الفتيس مع داير الموتور من ناحية الفولام لازم يبقى نفسه عشان ماتدخلش نفس في حوار بلاطه وتعقيدات اكتر
2. خلوص ومقاسات الكبالن والقواعد والطنابير والمقصات وعلبة الدركسيون والعدادات ومقاسات الجنوط وهكذا .....الخ