ايه رايكم اجيب فورد فيستا ولا لا

**besoooo80** · 20-07-2008 08:03 PM

بسم الله الرحمن الرحيم

السلام عليكم
اخوانى اعضاء منتديات نايل موتورز
اسعد الله مسائكم
انا قعدت افكر تقريبا شهرين اجيب عربيه ايه
وفجاه طلعت فى دماغى اجيب فورد فيستا
معروضه عليا واحده موديل 96 تقريبا ب26 الف وحالتها كويسه
بيعجبنى شكلها العام وبعدين بصراحه انا بحب الفورد
بس مش معنى بحب الفورد انى اجيب عربيه تطلع عينى
فلوسمحتو اى حد يعرف يدلنى وينصحنى
اجيب فورد فيستا ولا اشوف اى حاجه تانيه
وكمان موديل 96 ده كويس ولا فيه عيوب ولا ايه بالظبط

**lightspeed** · 26-07-2008 08:08 PM

ايه يا جماعه مفيش حد عنده فكره عن الفيستا ولا ايه؟
اصل انا برده معروض عليا واحده بس موديل 93 ؟

**Hacker5** · 27-07-2008 01:18 AM

واللهى حضرتك اللى اسمعة عنها انها قطع غيارها غير متوفرة فى السوق و نادرة جدا
و كمان اسمع ان ميكانيكية كتير مش بيفهموا فيها و دة حاجة مش ظريفة يعنى
لانها كانت مع عمتى و باعتها للاسباب المذكروة و لاحظ انها مش منتشرة خاااااااااااااااااااااااا لص
يادوبك كام عربية فى الشوارع :)

حضرتك ممكن تشوف فيات اونو او كيا برايد بس هتزود حاجات بسيطة
و استنى رأى باقى الاعضاء

**Nader** · 30-07-2008 10:55 AM

نصيحة لوجة الله بلاش الا لو كنت غاوي لف

ودوران على محلات قطع الغيار والحرفيين

انزل الاول شوف قطع غيارها واسعارها قبل ما

تشتري.

**ramyso4** · 30-07-2008 05:38 PM

أنا معرفش ايه نظام الفيستا الموديل ده بس الموديل البعدو حلو جداً جداً وعامةً قطع الغيار مش منتشرة زي البونتو والابيزا بس موجودة وعمر ما العربية هتقف على حاجة والميزة فالعربيات الفورد عامةً انك بتجبها بسعر أقل من سعرها يعني هي تقارنها بالبونتو والابيزا 96 لكن 26 ده على رأي أحمد أنور قرب لل 128 هيهي

**medo20000** · 31-07-2008 08:45 AM

بص ياسيدى انا معايا فيستا موديل 2000 والله عربيه تحفة !!!
انت اكيد عارف الاستابلتى بيتاع الفورد وغيركدة العربيه عظمها ناشف مووووووت
ايضا من جوه الصالون لذيذ مش وحش !
بس مشكله الفورد فى ان قطع الغيار غاليه شويتيين بس هى موجودة والحمد لله
بس انت عارف ان بلدنا دى بلد (النوكيا ,الفيرنا,اللانوس...) انما الفورد والسيمينز و الفاروميو مابيمشيش ....اكيد انت فاهم كلامى
ايضا فى نقطه تانية ان الفلوس اللى معاك دى يادوبك هاتجبللك 128موديل عالى !
يبقى انهى احسن تركب عربيه موديل حاجة و 90 ولا 128!!!!ليك الاختيار ولو عايز تعرف اى حاجة عن الفورد الفيستا كلمنى انا فى الخدمه وشكرااااا

**besoooo80** · 01-08-2008 12:53 PM

والله يا جماعه انا مش عارف اقولكم ايه
بصراحه متشكر جدا على كل من رد عليا
بس يا جماعه انا احترت

اجيبها ولا بلاش منها
والله منا عارف

**ahmed7890** · 25-09-2010 03:40 PM

انا معايا فورد فيستا 1999..ما مشيتش غير 40 الف كم.بجد اصحابى اللى عندهم مرسيدس بيحلفوا انها اخف و اسرع واقوى منهم...انا عشان كده مخليها للنزاهة والسفر الطويل و عندى عربية تانية..و كمان تكييفها قوى مبيتأثرش بالسحب..وقطع غيارها متوفرة و اسعارها ارخص من اليابانى.عندنا فى طنطا عند نشأت فوزى..و كلة موجود...توكل على الله واشترى ومش هتندم.رقم تليفونى 0115029940