الموضوع: حادثة بسبب فرامل برسونا 2012 والمصيبة مفيش قطع غيار فى التوكيل المحترم

طبعا واضح أن الفرامل فيها مشكلة بس من خبرتي البسيطة مع الفرامل العادية والإي بي أس أن الإي بي أس مش هتوقفلك العربية علطوول عشان هو مش بتخلي الكوتشات تقفش مرة واحدة وتزحف والمفترض دا بيوقف العربية في مسافة أقل وطبعا لو العربية مانيول مش المفروض تمور الغيار قبل ما تفرمل عشان تحلي الماتور يساعد في عملية الفرملة بس أنت قبل أي حاجه هتصلحها محتاج تكشف علي الفرامل وتصلحها وإلا لا قدر الله الموضوع ممكن يتكرر

شكرا ليكو ياجماعة وياريت بليز لو حد يعرف مكان اجيب منة اكصدام امامى يقولى لا موجود فى التوكيل ولا برة التوكيل

المشاركة الأصلية كتبت بواسطة card44

شكرا ليكو ياجماعة وياريت بليز لو حد يعرف مكان اجيب منة اكصدام امامى يقولى لا موجود فى التوكيل ولا برة التوكيل

السلام عليك أخي الفاضل،

بص يا سيدي أنا قرأت الموضوع بتاع حضرتك، وكنت في الحرفيين، فسألت لحضرتك عن قطع الغيار المطلوبة، كانت كالتالي:

2 فانوس أمامي 900 جنيه
إكصدام أمامي (مستعمل) 600 جنيه
حديد أكصدام 450 جنيه
صدر أمامي 950 جنيه
شبكة أمامية 350 جنيه
كبوت (مستعمل) 1600 جنيه

أنا سألت عند محل قطع غيار اسمه نيو ماستر، حضرتك ممكن تنزل الحرفيين وتسأل بنفسك عندك أكتر من محل، أهو ممكن تاخد الأسعار دي استرشادية يعني علمًا بأنني مش عارف الاسعار دي عالية ولا معقولة، وتروح كذلك عند المحل المذكور، وتسأل تاني، وممكن طبعًا تفاصل معاه.

الراجل قالي أنه الحاجات دي مش كلها متوافر عنده، وإنه هيجيب بعض الحاجات منها بالطلب.

فياريت تنزل الحرفيين وتسأل، وهتلاقي عناوين باقي المحلات في موضوع مثبت بالقسم، كالراعي والنادي وملك البروتون، ونيو ماستر، وزيرو.

وربنا يعوضك خير، والعربية ترجع زي ما كانت.

ساعة القدر يعمي البصر ...

بس الفرامل و دي حقيقة .. ليها سنس في كل عربية .. يعني لو نزلت من بيرسونا ل سيراتو مثلا .. كل دوسة فرامل حتلاقي نفسك لبست في البربريز ..

البيرسونا بتعتمد علي نصين للدواسة .. نص جوة و نص برة .. و الabs لو كربست الدوسة ع الفرامل حيشتغل و حيخلي مسافة التوقف اطول من لما ماتشغلهوش ..

ماتشغلهوش ازاي .. ده بأنك ماتكربسش ع الدواسة مرة واحدة .

توفر قطع الغيار لو مستعجل اسأل في الحرفيين حتلاقي كل حاجة .. لو مش مستعجل يبقي حتستني تقريبا شهر لحد الشحنة الجاية لأن قطع الغيار بتيجي مرة كل شهر / شهر و نص و بتيجي بشكل محدود زي كل الوكلاء بالظبط .

لا حول ولا قوة الا بالله