لو عايز أخلع أعمل إيه وأروح فين؟

**ahmed_m_ashraf** · 17-12-2012 06:54 AM

أنا شغلي في مجال تصميم وإنشاء المواقع الإلكترونية، أعمل بمفردى بشكل مستقل وشغلى كله عن طريق الإنترنت للسوق الخارجي.

السؤال، لو حبيت أخلع من البل ، ممكن أروح فين (الإمارات، تركيا؟!!!! أي حلبسة كويسة؟) ونظام الإقامة أو الكفالة .... إلخ بيبقى إيه؟؟؟!!! كل المطلوب سكن لي وأسرتي (زوجة، ثلالثة أطفال) وممكن أشتغل من البيت (كل ما أحتاجة هو النت لعملي)، لازم أأسس شركة ولا العمل من المنزل وارد وأدفع ضرليبي وكده.

يعني أنا عايز أسافر بس مش محتاج شغل، شغلي معايا وممكن أعملة من أي مكان في الدنيا، أنا محتاج إقامة!

هو ممكن يكون سؤال غبى أو وضع غريب بس أخوكم مش أبيض، لأ شفاااف في الحجات دي، ميح ميح يعني.

**Eng.Sameh** · 17-12-2012 07:08 AM

طب وليه !!!!؟

**أحمد كمال** · 17-12-2012 07:16 AM

المشكلة ان لو شغلك من البيت يعني دخلك ثابت بغض النظر عن بلد الاقامة .....لو رحت بلد تانية الدخل هيفضل هو هو بس المصاريف هتضرب في 3 او 4 .......

**ahmed_m_ashraf** · 17-12-2012 03:24 PM

المشاركة الأصلية كتبت بواسطة eng.sameh

طب وليه !!!!؟

عشان حال البلد مش باينله عدله!

المشاركة الأصلية كتبت بواسطة أحمد كمال

المشكلة ان لو شغلك من البيت يعني دخلك ثابت بغض النظر عن بلد الاقامة .....لو رحت بلد تانية الدخل هيفضل هو هو بس المصاريف هتضرب في 3 او 4 .......

أنا فاهم ده، وممكن أتحملة بدرجة، بس مش لدرجة ٣ أو ٤ أضعاف. أكيد هادرس الموضوع دة قبل ما أعمل أي حاجة، لو كان ينفع أعمل حاجة أصلا!

المشاركة الأصلية كتبت بواسطة a_h_m_a_d

ماهو حضرتك عشان تاخد اقامة في اي بلد لازم يبقى عن طريق شركة قائمة في البلد دي , او انك تعمل شركة خاصة بيك و ده طبعا هايكون اصعب و مكلف اكتر عشان التصاريح المطلوبة و ممكن يكون فيه شرط وجود حساب بنكي برقم محترم ... الخ

ممم كنت متوقع كده برضه .. طيب لو فرضنا إني ممكن أعمل شركة عشان الوضع القانوني (كده كده أنا شغال لوحدي، لا موظفين ولا أي شئ آخر) يكون مضبوط، حد عنده فكره إيه بلدان ممكن تكون الأيسر من ناحية الإجرائات والتصاريح؟ مثلا كنت قريت موضوع لأحد الأعضاء بيتكلم عن دبي تأسيس شركة في المنطقة الحره هناك. وأعرف صديق كان قاللي الموضوع ده وقاللي إنهم هناك فيه مكاتب صغيره مجهزه (نت، تليفون ... إلخ)، لو أجرت حاجة زي كده وعملت ترخيص لشركة صغيرة مش كده ممكن الموضوع يمشي؟

حد عنده فكرة عن الإجرائات وتراخيصها لو إتكلمنا تحديدا عن المنطقة الحرة في دبي؟

ولو مطلوب حساب بنكى، زي حضرتك ما بتقول، مش متصور ممكن يكون بكام؟