معلش يا باشا
لا صوت الكاسيت مبيوطاش و الصفاره بتطلع من مكان تاني
انا بشكر صاحب الموضوع انت فعلا عملت تقرير مفصل عن العربية ...انا حطيت العربية ضمن اختياراتي مع لانسر بومة2013 و كيا سيراتو 2013 ... انا محمود 26 سنة مقيم في الامارات من سنتين بس .. ولاقيت في الفترة الاخيرة دعاية لفيات لينيا .. العربية تمنها 52000 درهم ال base model والعبرية مواصفتها :
Engine 1.6
Gearbox 5A
Power HP 110
Torque NM 150
Fuel Econ 1-100 KM 7.0
12.5 sec 0 - 100 KM
Top Speed 190
Weight 1255
انا كان نفسي اجيب جين 2 عشان acceleration and stability بس للاسف ملهاش وجود تماما في دبي وكنت ناوي على لانسر بوما او كيا سيراتو زيرو بس من كلامك على الاستجابة العالية والقدرة على المناورة انا ان شاء هعمل تيست درايف للعربية واشكرك جدا لانك فعلا ضفت عربية تستحق الاحترام لاختياراتي بس في نفس الوقت يهمني قطع الفيار و resale عشان ناوي لو ليا عمر ان شاء الله ازل بيها مصر نهائي بعد 3 سنين
فيات الامارات
:: Western Motors ::
:plusone2:
هى الـ500
تقريبا بكل إصداراتها
العادية والأبارثات.. حتى الـ695 Tributo Ferrari
(180 حصان.. أسرع وأغلى عربية فـ رينج الفيات-أبارث كله، وكانت بتتباع حصريا عند وكلاء فيررارى-مازيراتى)
أنا كنت فاكر ان وكلاء كرايسلر هما اللى بيجيبوها (اللينيا)
لكن الإمارات فيها وكالة فيات.. mainly بيبيع 500
الفيات لينيا لقيتها مرة واحدة بس في ابوظبي وكانت مع موطن!!! لما عملت سيرش ع النت لقيتها عند الوطنية للسيارات Fiat تقريبا تابع للكندي اللي واخد توكيل شيفروليه و GMC ولقيت كمات تيست درايف ..بصراحة كلام المهندس هشام شجعني جدا ... عشان كده ان شاء الله هعمل تيست درايف وربنا يسهل ...
بالنسبة لالاخ اللي بيتريق ع الفيات ...الفيات ده شركة عريقه من سنة 1899 قبل ما كوريا ما يكون فيهابني ادمين وده مش تقليل من المنتج الكوري طبعا .. فيات اللي بتتريق عليها زي ما بتصنع عربيات مدن صغيرةاقتصادية للشعب بتصنع عربيات رياضية زي الفا روميو و فيرراري!!! و مازيراتي!!! كلها شركات ايطالية تحت راية فيات!!! الفيات سيارة اقتصادية هتلاقيها في كل بلاد العالم في اوروبا و امريكا اللالتينية وليها سمعتها باستثناء امريكا ودول الخليج لعدم اهتمامهم باستهلاك البنزين وانضم لتحالفهم مؤخرا كرايسلر...
مشكلة فيات في مصر ان العربيات الاقتصادية الصغيرة منها لسه موجودة لحد دلوقتي من 30 سنة او 40 سنة كمان وبيقارنوها بموديلات اواخر التسعينات بعد 2000؟؟؟؟!!!!!!!!!!!!!!! وده في حد ذاته حاجة كويسة ان عربية ممكن تقعد 40 سنة وبتجميع مصري مصري كمان النصر للسيارات؟؟؟ المفروض تقارنو الفيات القديم بالموديلات القديمة اللي زيه زي بيجو بكل موديلاته في السبعينات والفولكس والبي ام والمرسيدس هتلاقو برده العربيات ده بقت معفنة ومقرفة لو موجوده لحد دلوقتي
بسم الله ماشاء الله ربنا يباركلك فيها ويكفيك شرها
وكنت عايز اسئل حضرتك ايه الفرق بينها وبين الموديل القديم اللى بماتور 1400 ف الاوبشن
تقرير رائع وممتع جداااااااااا والامتع هو الردود والمعلومات التقنية الجميلة
شكراااااااااااا
وفيات فى السعودية كمان يا فندم
انا بالصدفة شوفت معرضها الرئيسى فى الرياض وفيه اللينيا وال500
لكن للاسف مالهاش سوق خاااااااااااالص بسبب السمعة والاسم وكمان التقفيل التركى وكوالتى البلاستيك هنا ممكن يسيح من الشمس فى الصيف ههههههههههه
لكن اللى ممكن تشوفه فى الشارع العربيات الفان الكبيرة لنقل البضائع وغيرها
بالمناسبة شركة فيات اشترت كرايسلر-دودج-جيب وانقذتها من الافلاس بعد الازمة الطاحنة بامريكا منذ عدة سنوات
هو مين دا ياباشا اللى إتريق عـ الفيات؟؟ :B4_039: هههههههههههههههههه
بس جامدة منك أوى: "الفيات ده شركة عريقه من سنة 1899 قبل ما كوريا ما يكون فيها بني ادمين"
هههههههههههههه قالو: قبل ما كوريا يكون فيها بنى-آدمين أصلا؟!! :E_braces[1]:
Lol
وبعدين دا تقليل فـ المنتج الكورى عموما؟!! :alien01:
عادى يعنى ولا يهمك!! هو فعلا السامسونج أقل من الزانوسى، والـLG مش زى الـBlaupukt، والكومهو أضعف من البيريللى...
فـ أكيد الهيونداى-كيا أقل من الفيات؟!! :plusone2:
ههههههههههههههههه بهزر على فكرة -أوعى تزعل
هو ده جزء من إستراتيجى التسويق الجديدة بتاعتهم.. انهم يخلوا وكلاء جيب-دودج-كرايسلر
فـ أمريكا والخليج يشتغلوا لانشيا-فيات-ألفا
والعكس فـ أوروبا: وكلاء فيات يسوقوا كرايسلر كلها؟!! عشان يوسعوا مناطق إنتشار البراندات المختلفة!!
هو بالضبط-بالضبط.. مش اللينيا
هى الدودج Dart مبنية بالكامل على شاسيهات-مواتير وجيربوكسات الألفاروميو Giulietta
(اللى هو platform البرافو بالأساس)!!
لكن اللينيا نفسها عربية أساسية فـ أمريكا اللاتينية البرازيل والأرجنتين.
- السوق الأمريكى بقى يستوعب المواتير الجديدة الصغيرة الـHigh-Output من مختلف الشركات الأوروبية (مش زى مواتير الأمريكانى الكبيرة -الغير إقتصادية)
يعنى حتى فولكس وBMW بقوا ينزلوا مواتير الـ1.4TSI والـN13/N20 فـ أمريكا (اللى كانت قبل كده 6-8 سلندر ولو 4-سلندر يبقى 2.0T)؟!!
المفاجأة بقى:
فيه كلام انهم هينزلوا الموتور ده (1.4 MultiAir T-JET الـ170 حصان) على الليبرتى والرانجلر؟؟!!! :bee5:
تخيل الشيروكى هتبقى 1400 تربو؟؟؟!! lol
ههههههههههههههه
بس على فكرة التقفيل التركى مطابق للمواصفات الأوروبية ياباشا.. مايقلش عن المتقفلة فـ إيطاليا أو أى مصنع فيات فـ أوروبا عموما!! :E_braces[1]:
هو بس السوق الخليجى (غير ان ليه specs).. انت عارف الماركات الأوروبى الإقتصادية -وحتى الـpremium مش مفضلة فـ الخليج؟!! :B4_039:
يعنى بردو الرينو والبيجو والفولكس والسيات والأوبل والستروين والفولفو.. مش منتشرين، وبيفضلوا النيسان والتويوتا والكورى
وحتى الحاجات العالية بيركبوا ليكزس وإنفينيتى وأمريكانى.. ومايركبوش الألمانى؟؟!!!
هو طبعا التوجه مختلف!!
جميله ربنا يباركلك فيها و يكفيك شرها و شر العين
تحس من اول نظره كده انها مديه علي جاغوار بس صغيره :D
http://img2.netcarshow.com/Jaguar-XF...llpaper_01.jpg
ما شاء الله ربنا يبارك
ألف مبروك
ربنا يباركلك فيها
ماشاء الله ماشاء الله
تقرير جميل وبنا يحميك
ايه رأيك فى العربيه بشكل عام بعد 3 شهور من اقتنائك ليها
و ايه رايك فى التوكيل بشكل خاص
بفكر اجيبها و خايف من التوكيل
و ياريت كمان معدل استهلاك الوقود :d
و شكرا ع التقرير الرائع
تقرير جميل
فكرني بتقرير يوكو عن لينيا
الف مبروك