تجربة تحويل السيارة لغاز طبيعي بعد غلاء البنزين-تجربة ومناقشة
السلام عليكم:اخوانى الاعزاء
اليكم تقرير مبسط عن تركيب الغاز فى السيارة
بعد فحص وتمحيص وسؤال الملاكى والتاكسى وصديق لى يمتلك 3تاكسى .... و 1 ملاكى (ماشاء الله تبارك الله )عن أمكانية التركيب وافضل الاماكن كان مايلى.......
روحت أركب فى محطة غاز تك.. اللى فى مصطفى النحاس فطلب منى الأتى بعد مقابلة ووجه مبتسم.......
1-صورة بطاقة ووصل نور.
2-صورة بطاقة الضامن .
3-رسوم أستعلام (25ج) .
4-فروق تقسيط (20ج),حتى ادفع القسط بدون كسور الجنيه..
5-طلبت القسط على سنة بدون فوائد وهدا هو أحد الأنظمةوعلى فكرة نفس تمن الكاش..ب ( 6500ج).
6- انتظرت الأستعلام 24ساعة ودهبت للتركيب ومع ضغط الشغل عليهم التركيب تم فى 4ساعات متقطعة وانا طلبت منهم تركيب الاسطوانة الكبيرة (70) لأن مساحة الشنطة عندى واسعة ولتعطينى مسافة سير أكتر. للسسسسسفر..
7- بصراحة لم يعترضوا وهو نفس الثمن بدون زيادة تكلفة..
8- الجهاز أسمه تارتارينى.... وهو مخصص للحقن المتزامن (أنجكشن ) وبيركب برشاشاته الخاصة .. وليس له علاقة بالبنزين بيدخل على الغرف مباشرة..
9- ميزة الجهاز بتدور بنزين فى الصباح. ويحول اتوماتيكيا على عدد لفات محرك( 2000) او ضغططة بسيطة على دواسة البنزين للوصول الى نفس العداد...
10-لاداعى لأن تفصل بالزرار (تاتش على فكرة )لأننه عند تبطيل المحرك الجهاز يفصل تلقائيا ويحول السيارة الى بنزين.......
11- الحالة الوحيدة التى يستعمل فيها ..عندما ينتهى الغاز ولايوحد محطة لتموين .فيمكنك التحويل ساعتها.
12-بعد التركيب المهندس المحترم. هناك بيضبط للك السيارة على الكمبيوتر ببرنامج خاص بالغاز يقيس فيه عدة قياسات .... مستوى العادم .للحفاظ على البيئة .. ومستوى العزم فى السحب..وحاجات تانية آسف لم اتمكن من ملاحظتها...
13- وبعدين بيركب الفيشة الخاصةبالجهاز فى السيارة . بكمبيوتر البرنامج. ويطلع معاك الى الطريق لتجربة السيارة ويضبط معاك السحب وأن كان فيه اى مشكلة بتواجهك فى الطلعة .السحب.. غربلة .. صوت الموتور عالى .كل دة بينظبط فى التجربة دى...
وألف مبروك .........
14-تفويلة الأسطوانة ال... 70لتر معادل=16مّ مكعب تقريبا.....من واقع طرمبة الغاز فى المحطة على مستوى ضغط 300بار ..والمقاس دة موجود فى الطرمبة من الجانب ..لتحديد مستوى قوة الضغط..
15-اقصى مدى لتحمل الأسطوانة 400 بار..
16-التفويلة دى ب.... ( 7,20 ) ج مصرى.. وبتعمل 215 كم. والتكييف شغال . على الطريق السريع بمتوسط سرعة((100كم/140 كم ))..
17- الرجاء مراعاة تنظيف فلتر الهواء لأنه الوحيد الدى يؤثر على السحب...
18- نسبة السحب 95% من سحب البنزين...
ارجوا من الله أن ينال رضاكم.وأكون وصلت المعلومة بشكل صحيح لتنفع الأخوة الأعضاء جميعا,, وسامحونى للأطالة وتقبلوا تحياتى..........
