الموضوع: مقارنة بين ميجان 2007 و ميجان 2005/2006 و كلام غريب

المشاركة الأصلية كتبت بواسطة hayoub26

أنا بحثت كتير في المنتدى عن الميجان و لاقيت ردود محترمة كتير منكم.
أنا عايز أشتري واحدة خلال ايام لأني خلاص بعت الكليو بتاعتي. بس ميكانيكي مشهور في صقر قريش كنت بتعامل معاه قالي ابعد عنها و لو مصمم يبقى هات 2007 فيما فوق.
سألته ليه؟ قالي مشاكلها أقل و مش كل شوية تغير حاجة (يعني قاصده يقول ِreliable). , قولتله زي ايه يعني ؟ قالي حاجات كتير و مارضاش يقولي تفاصيل أكتر من كده...و قالي كمان أو هات الهاتش باك. الراجل محترم بس أنا مستغرب الكلام شوية. عايز رأيكم ضروروي و جزاكم الله كل خير
أه.. و هل صحيح ان الفئة الأولى اوتماتك أحسن علشان الجنوط السبور اللي في الفئات الأعلى بتهلك العفشة ؟(أنا الصراحة مش مصدق لأنهم مش هبل زي ):u_thin1[1]:

معرفتكش انا كده

متعرفش حد راكبها تسأله طيب ، انا مش هرد واسيبك تتعذب زى ما انا اتعذبت كده من كتر القراية

المشاكل اللى كانت بتظهر فى 2005 و 2006

كويلات هى اللى بتدى البوجيه الكهرباء وكانت بتتغير على حساب التوكيل واستحالة تلاقى عربية 2005 مغيرتهاش لو ظهر منها عيب
نتشة فى الفتيس بين الأول والتانى وكان بيتعمل لها سوفت وير فى التوكيل وهى طبيعية أساسا مش مشكلة ولا حاجة
ترس الديفيزور وكان بتيغير فى الضمان واستحالة يكون متغيرش فى العربية اللى بتبوظ يعنى متقلقش
تقريبا سمعت إن فيه دفعة نزل فيها بطاريات نوع مش كويس وتم تغييرها فى التوكيل

دى اللى فاكره يعنى لو ميجان 2005 هتكون مغيرة كل دا ودى حاجات مش أساسية وحاجات استهلاكية كلها

الميكانيكى اللى قال لك كدا كلامه غير سليم

لو لقيت عربية 2005 وحالتها كويسة دوس فيها وإنت مطمن وسيبك من كلام الميكانيكى

2007 الاختلاف الواضح هو التغيير فى شكل الشبكة بتاع الأكصدام الأمامى والفوانيس حاجات بسيطة ولو إنى حبيت الميجان بشكل 2005 أكتر

الهاتش باك تقفيل فرنسى فلذلك سعرها جديدة كان أغلى وسعرها مستعمل هيبقى أغلى برضه لأنها أقل فى نفس الوقت

الجنط الأصلى الاسبور بتاع ميجان أقصى حاجة نزل بيها مصر هو 16 وجنط ابن ناس محترم سمعت كلام إن دفعة اللى كانت بتنزل فى 2005 كان مبيستحملش المطبات الجامدة

اللى نازل معايا فى 2007 هو جنط اسبور 16 مقاس الكاوتش 205 /55 /16

ثبات كويس جدا ومقاس الجنط مريح للعفشة مع طرقنا والجنط بيستحمل

أما العربية كموتور وفتيس كله واحد التغييرات حاجات مش أساسية فى تصميم العربية :)


وأى سؤال تحت أمر حضرتك

وفى النهاية أى عربية حالة لو حالتها كويسة وصاحبها مهتم بيها اشتريها

لو صاحبها مش مهتم بيها والعربية مطحونة بلاش منها سواء ميجان أو غير ميجان :)

يعنى أنا بقولك العربية دى ممتازة جدا بس لو حا لتها العامة كويسة

وبالنسبة للتوكيل فهو محترم جدا على قول كل الناس فى المنتدى

وبالنسبة لقطع الغيار متوفرة فى أماكن معينة بكثرة وبأسعار م تفاوتة ومناسبة جدا

نسيت حاجة

خد بالك من نقطة إن الجنط الأصلى بيبقى محسوب من قبل الشركة ال مصنعة ومناسب للعفشة

يعنى أنا مثلا عندى جنط 16 اصلى ممكن أجيب جنط 15 مش أصلى يكون وزنه أثقل من الجنط الأصلى اللى عندى وفى نفس الوقت أقل متانة وقوة ويؤثر على العفشة

الله ينور عليك يا محمد باشا رد اكت من وافى

أنا بصراحة مش هقدر أقيم تمنها
بس إيه قصدك بالفئة التانية فيها إيه

جنوط ونواكل وتكييف تتش وفرش جلد ؟؟؟ فيها فتحة سقف بانوراما ؟