استفسار بخصوص مساحات الزجاج

**MEMOAHMED14** · 17-12-2012 01:49 PM

معايا لانوس 2007 ... المساحات بتاع الزجاج واحدة منهم اتكسرت من ناحية الريش..
فكنت عايز أعرف اجيب مساحات جديدة منين ... وهل فى نوع مساحات معينة للانوس ولا كله زى بعض .. وبكام ..
وممكن أركبها بنفسى ولا أغيرها عند مين....
وشكرااااا

**mohamedrabia** · 17-12-2012 01:59 PM

فيه مساحات زجاج مش عارف اسمها تحديدا بس هي كلها كاوتش تقريبا ربر اسمها دي افضل انواع المساحات ومش شرط تكون زي الي موجوده عندك اهم شي قياسها زي الي عندك

**MEMOAHMED14** · 17-12-2012 02:27 PM

طيب اجيبها منين ممكن واعرف مقاس اللى عندى ازاى ومين يركبها

**moumen_hs** · 17-12-2012 02:40 PM

من التوفقية الربر فى حدود 20-25 وتركيبها سهل جدا حضرتك تقوم بالواجب وقيس المساحة من الجلد وأعتقد مقاسها 18 والبياعين كمان عرفين

**besso33** · 17-12-2012 02:41 PM

من اي حد بتاع اكسسوار وكماليات وتجيب مقاس 18 بوصة

**MEMOAHMED14** · 17-12-2012 03:14 PM

شكرااا لكل الأعضاء ... يعنى استخلص من الكلام لعربيتى الدايو لانوس
المقاس 18
النوع ربر
السعر من 20 الى 25
طيب ممكن طريقة التركيب ....

**akmm** · 17-12-2012 03:42 PM

فعلا موجوده كتير فى التوفيقيه وخد معاك المكسوره وهات مقاسها وهما نوع كله مطاط ونوع تانى زى الأصلى حديد وعليه من اسفل الكاوتشوك ... وحتلاقيهم عند كل واح ليه محل او فارش على الرصيف.

**Satan_satan** · 17-12-2012 05:04 PM

اى حد بتاع اكسسوار عربيات هتجيب مساحتين رابر تمنهم 20-25 جنيه .. وانت واقف هو هيركبهم

**tefa22m** · 17-12-2012 05:52 PM

لسه جايب فى النوبيرا نوع اسمه ميكسو فرنساوى الجوز ب 35 مقاس 20 ممتازين و بتنظف الزجاج كويس اوى و من اول مسحه عشان احنا فى اسكندريه بنهتم بالمساحات جدا عشان الشتاء المستمممممممممممر

**zomzom11** · 18-12-2012 06:01 PM

اولا ابعد عن الرابر لان معظمهم صينى ومضروب وبتبدامن 7 جنيه للواحده وحتى 50 جنيه للجوز النضيف لو تعرف بقى تجيب الرابر النضيف هاته لكن كنصيحه وجربت عشروميت الف نوع منه بلاش وخليك فى العادى
المقاس بيكون واحده كبيره وواحده صغيره نظرا لان احداهم بتغطى مساحه اكبر عالزجاج وعالبا بتكون امامك انت
موجود وعن تجربه نوع فرنساوى عند ابراهيم البنا ب حوالى 30 جنيه بيعيش وكويس وهو عارف مقاس اللانوس وتقريبا بيكون 18 وخلى بالك لو فتيت فى المقاس ممكن يخبطو فى بعض ويطيرو ويتكسرو
اتمنى اكون افدتك