تغيير الفرامل الخلفية إلى طنابير؟؟؟

**عزيز محمد** · 20-07-2008 10:37 PM

السلام عليكم ورحمة الله وبركاته

يا ترى هل فعلا كون الفرامل الخلفية طنابير وليس طبل بيحسن أداء الفرامل؟؟

وهل يمكن تغيير نظام الطبل إلى طنابير؟ وإذا كان يمكن فما هى الأجزاء التى سيشملها التعديل؟

وشكرا جزيلا

**Ahmed Selim** · 20-07-2008 11:41 PM

طبعاً بيحسن الأداء بنسبة كبيرة
و ممكن يتغير الى طنابير بس لو فى موديلات من العربية بتنزل بطنابير ممكن تجيبها أستيراد أو جديد
أيه اللى بيتغير بالظبط مش عارف بس على الأقل الطنابير والبساتم والتيل

**عزيز محمد** · 21-07-2008 11:58 AM

شكرا لكل من Ahmed A.Maksoud و م/محمد مختار على الإفادة لكن بالنسبة لعربيتى(ميرا 98) لا أعتقد إن كان فيه منها طراز فرامله الخلفية طنابير فهل ينفع إنى أجيب جوز طنابير أمامية وأركبهم ورا؟ ولا الموضوع مش بالبساطة دى؟؟؟؟

**M.Mokhtar** · 21-07-2008 12:32 PM

لا مش بالبساطه دى
روح لميكانيكى يكون بيفهم وهو هيقلك ممكن تركب عليها طنابير ايه

**ramyso4** · 21-07-2008 04:56 PM

إنت أصدك دسكات مش طنابير الطنابير مفروض هي الدرمز بس ف مصر هنا بنقول عل ديسكات طنابير سكينة والطنابير العادية بنقول علها طنابير حلة

**M.Mokhtar** · 21-07-2008 05:00 PM

المشاركة الأصلية كتبت بواسطة ramyso4

إنت أصدك دسكات مش طنابير الطنابير مفروض هي الدرمز بس ف مصر هنا بنقول عل ديسكات طنابير سكينة والطنابير العادية بنقول علها طنابير حلة

مظبط كلامك يا معلم

**شاهين - بنز** · 21-07-2008 09:15 PM

يعني الفرق مستاهل اني ادفع حوالي 3 الاف جنيه ولا مش مستاهلة
اصل انا بقول اعدل في الفرامل الأمامية أحسن عشان هي اللي عليها معظم الحمل
ايه رايكم؟

**mohamedway** · 22-07-2008 09:32 AM

يا جماعه مين قال ان الفرامل السكينه اقوى من الفرامل الحله كل واحده منهم ليها ميزه وعيب انما لو هنتكلم من حيث القوه فالفرامل الحله اقوى بدليل ان فرامل العربيات النقل الثقيل كلها فرامل حله حتى فرامل قدام حله بردو عشان تقدر توقف العربيه بس ميزه الفرامل السكينه انها ما بتحتاجش تترجلش و فراملها مضبوطه اكتر بحيث ان فرصه ان عجله تقفش قبل التانيه اقل بكتييير والدليل على كده ان فرامل الحله مش محتاجه قوه كبيره عشان تمسك و هتلاقو الماستر بتاعها صغير و كمان فرامل اليد بتكون اقوى بكتير لان مساحه الاحتكاك فى تيل فرامل الحله اكبر وفى عربيات بيعمل فرامل ورا سكينه و جواها فرامل حله مخصوص عشان فرامل اليد لانها تقدر تمسك بأقل قوه كقوه ذراع فرامل اليد (بس تبعا فرامل السكينه راحه بال من الرجلشه و انك لما تبقه لسه مرجلش جديد العجل يبقه تقيل شويه و يسخن و الافلام الفاشله ده و طبعا بدال الفرامل عمره ما هيبقه واطى مهما التيل الخلفى خلص)

**MMamdouh** · 22-07-2008 11:04 AM

الفرامل السكينة ليها ميزتين بتخليها احسن مليون مرة من الطبلة

اولا السكينة مش بتحتاج رجلاش و بالتالى عمر ما بدال الفرامل مشوارة حيطول نتيجة تاكل التيل

ثانيا الفرامل السكاكين تبريدها احسن مليون مرة و بالتالى مبيحصلش brake fade نتيجة للحرارة العالية

و فيه نقطة مهمة اوى غايبة عنك و هى ان فى العربيات النقل الفرامل الطبلة بيبقى فيها اتنين ماستر و كل واحد بيزق طرف من القبقاب اللى مواجه لدوران الطبلة غير فرامل ورا فى العربيات الملاكى اللى بيبقى البستم واحد و بيزق واحدة من القباقيب فى مواجهة الطبلة و التانية فى نفس اتجاهها... حسب ما افتكر دة اسمة lead and follower setup

و محدش قال خالص ان الطبلة اقوى من السكينة... بالعكس السكينة اقوى بدليل بسيط جدا انك لما بتغير الطبلة بسكينة فى عربيات كتير لازم تغير بلوف الماستر لان البلوف بتاعت الطبلة بتدى ضغط عالى لفرامل ورا و بالتالى لما تركب السكينة ممكن عجل ورا يقفش مع الفرامل و العربية تلف بيك و تسبب حادث و بالتالى لازم البلوف بتاعت الفرامل السكينة هى اللى تركب عشان تقلل الضغط اكتر و تخللى العجل ميقفش

و فى النهاية بص على اى عربية سباق او حتى عربية رياضية حتلاقى الاربع فرامل سكينة

MMamdouh

-

الموضوع: تغيير الفرامل الخلفية إلى طنابير؟؟؟

LinkBack

أدوات الموضوع

عرض

-

-

-

-

-

المواضيع المتشابهه

تعالوا نعرف ازاي نغير تيل و طنابير الفرامل و ازاي نحافظ ع الفرامل

سؤال بخصوص طنابير النوبيرا الخلفية

إستفسار بخصوص أسعار ومواصفات طنابير الايبيزا الخلفية والأمامية

طنابير الفرامل

الافاده فى تغيير طنابير النوبيرا لتحسين الفرامل

الكلمات الدلالية لهذا الموضوع

المفضلات

المفضلات

ضوابط المشاركة