الموضوع: اسبرانزا تيجو - نيسان صنى

المشاركة الأصلية كتبت بواسطة sehsss

معاك حق في موضوع الكنبة الضيقة، لكن في موضوع إنها أحسن عربية طلعت وقيمتها أعلى والكلام ده، أشك بشدة لأنها كانت مع صديق وكان بيشتكي منها مر الشكوى (1600 سي سي) معرفش الـ2000 سي سي نظامها إيه، عفشتها كانت سيئة جدا وتكييفها ضعيف وفراملها مش قوي، وبالنسبة لموضوع استهلاك الصني، أنا معايا صني مانيوال 2011 بتعمل حوالي 240 كيلو في الصفيحة، الاستهلاك اعلى في الأوتو بس برضه لا يعتبر استهلاك عالي، أقولك.. اتفضل القسم عندنا (نيسان) ولف كام لفة في مواضيع استهلاك البنزين وحضرتك هاتتاكد من كلامي.. تحياتي

فعلا انا مش عرف اشكر حضرتك ازاى - أسمح لى بما انك من ملاك الصنى
ايه عيوبها اللى انت شايفها
معدل استهلاك البنزين اللى حضرتك بتقول عليه فعلا رائع - ماشاء الله - الله أكبر بس ده جوه البلد ولا بره البلد - وبتكييف ولا بدون ----- انا اللانوس جوه البلد بدون تكييف بتدينى بالكتيييييير 160 فى الصفيحه - وفى الطوالى على سرعة 90 بدون تكييف بتدينى 280 فى الصفيحه - بنزين 92
العربيه اللى مع حضرتك اللى فيها ال abs ولا العاديه
وفى رأى حضرتك 60 أو 65 الف يجيبوا موديل ايه مانيوال شرط انه يكون ب abs
.
بخصوص التيجو انا بفكر طبعا فى 1600 وجربتها كذا مره - لكن لدقائق بسيطه - وبصراحه عجبتنى (العربيه عامله 11000 كيلو فقط) - وبصراحه كانت ناعمه مقارنه باللانوس - لكن حسيت ان طلعتها تعبانه شويه مع انها مانيوال - للأسف لأن بقارنها بالسورنتو
أن شاء الله خلال الاسبوعين اللى جايين هاخدها مشوار طويل شويه وهاطلع بيها على طريق مصر اسكندريه لغاية الرست وأشوف ايه الاخبار
ربنا كريم ان شاء الله ويرزقنى باللى فيه الخير