الى اولياء امور طلاب مدارس اللغات – مصروفات المدارس

الساده الزملاء بالمنتدى برجاء الافاده : وياريت حد يقدر يوصلنى لوزير التعليم
مهزله بمعنى الكلمه
المدرسه اللى فيها اولادى سوف تقوم برفع مصروفاتها من 5500 الى 9000 – 10000 جنيه العام القادم
ما هى الجهه الرقابيه على مدارس اللغات وما هو القانون المنظم لذلك حتى يعرف كل واحد حقه
طيب اللى عنده طفلين وتلاته يعمل ايه ويوديهم فين ؟؟؟؟؟
هو الثورة اتعملت وناس ماتت علشان السرقه تبقى علنى كده
هو اى حد يزود كده بمزاجه ؟
الموضوع اصبح لم فلوس وخلاص ولا ايه
والبلد فيها ازمه اقتصاديه وسياسيه والمرتبات زى ماهى وممكن تقل كمان
برجاء الافاده لأن الموضوع خطير وممكن يحصل لأى حد و فى مدارس كتير فى ظل الهوجه اللى احنا عايشينها

ياريت توضح اسم المدرسة

معلوماتى ان تحديد المصروفات لكل مدرسة بيبقى على اساس مستواها والخدمات المقدمة للطلاب فيها وليس للمدرسة دخل فى تحديد المصروفات ولكن الادارة التعليمية هى من تحدد قيمة المصروفات
لكى تتاكد من حجم الزيادة الغريب ده فى المصاريف حضرتك ممكت تتوجه للادارة التعليمية التابع لها المدرسة

صح روح الاداره التعليميه واشتكى

يانهار أسود..أحسن يعملوا كده فى التيرم التانى عند ولادى

حضرتك تتوج إلى : إدارة التوجيه المالى والإدارى بالوزارة وتعمل شكوى هناك وتستفسر عن البنود اللى ممكن ماتندفعش .

جزاكم جميعا الله خيرا
سوف اتوجه ان شاء الله فى الجهات المذكوره