الموضوع: غيرت جوان وش السلندر و لكن!

السلام عليكم
نوع عربيتي دايهاتسو ابلوس 1990 ,,, 1300 سي سي فتيس اوتوماتيك.
انا كتبت الموضوع منذ دقائق وكان طويل جدا وللاسف بعد ان اعتمدت الموضوع ظهرتلي رسالة تفيد ان الموضوع قصير وقمت بالكتابة من البداية ولكن سأختصر هذه المره :(
ظهرت المشكلة حين فقدت العربية عزمها و بعدها لم تدور وذهبت الي الميكانيكي وقال انه جوان وش السلندر وهيغيره سالته عن التكلفة المبدائية حتي اعمل حسابي قال 600 جنيه قولتله شكرا ومشيت!
ذهبت الي مركز صيانة إسمه كار هوسبيتال في هضبة الهرم ربنا يسامحهم,
وقال هيغير الجوان وهتكون التكلفة 200 مصنعية و 75 تغيير زيت 3000,و120 جوان لانه هيتعمل عمولة وبالمواصلات ,
بعد يوم ذهبت لاتطمئن علي العربية لاقيتهم لسا مشتغلوش فيها ولسا بيبدا يفك الموتور من فوق,وجيه مهندس إسمه احمد تقريبا مدير المركز,بيقولي العربية دي مش عايزة جوان بس ده الموتور كله عايز يترمي قولتله ليه؟قالي بص المنظر وكان شايل بس الوش الي بيتحط فوق الموتور عند غطاء تغيير الزيت وقالي منظر الزيت بيقول كده, قولتله بس معروف ان لما الزيت بيطحن بإلشكل ده يبقي جوان بس و خرط ف الوش لو فيه فقع,, بصلي بتناكة وقالي ده شغلي :d
وانا عارف بقولك إيه ولو غيرنا الجوان بس مضمنهاش لاخر الشارع, إفتكرته عايز يفتح فتحة يعمل منها فلوس وخلاص قولتله لا إن شاء الله هتتحل,
وبعد 4 ايام استلمتها أمس,ودارت زي الفل و لكن لاقيتهم مبوظين الباب اليمين بتاع العربية,ويقولي هو كان كده,رغم انه كان مقفول, ولكن فرحتي بإلعربية إنها اتصلحت خلتني اكبر دماغي وقولت اودي العربية لحد يفهم في الابواب,
النهارده نزلت ادور العربية دارت ولسا بلف بيها بطلت نزلت ابص ع الزيت لاقيته محطن تاني, ولكن الردايتير مكنش بينفخ زي الاول قبل ما اغير الجوان,لكن مش بتدور خالص وبفتح الردايتير حسيت ان فيه بقعة زيت علي الماء.
ولما اتصلت بمركز الصيانة قالي, شوفت انا قولتلك,العربية دي محتاجة شورت بلوك او تحطلها موتور عربية نقل :(
قولتله شكرا و قفلت, وانا مخنوق جدا ونفسيتي تعبانة بجد , وأتمني حد يقولي حل هنا, :(
وانا قرأت هنا عن مادة حمرآء بتتحط في الماء لسد الشروخ الموجودة ف الموتور دي منين اجيبها و بكام, دلوقتي اعمل ايه و اروح فين عشان ارجع عربيتي زي ما كانت :(
تحياتي لكم شكرآ .

صباح الخير يامصطفي باشا.
فعلا كنت ماشي عليها حوالي اسبوعين في الاول و كان سحبها بطئ جدا ومش بتعرف تطلع مطلع او تمشي بعد المطب بسرعه !وكانت بتدور بإلعآفية,وكان الزيت مطحن وانا بصراحه مكنتش فاهم يعني ايه افتكرت عشان البرد مثلآ ! وبعدها لما بطلت تدور زي دلوقتي وديتها للميكانيكي.
العربية بعد ما رجعت من الميكانيكي كانت ماشية زي الفل و االسحب روعة وتاني يوم دورتها دارت عادي وجيت الف بيها وجيبت الدركسيون ع الاخر بطلت !
دورت تاني عملت صوت كانها هتدور بعدين بطلت
بعدين جيت ادورها تاني بتعمل صوت للموتور بس لكن مش بتقوم ! مش فاهم يعني ايه بصراحه الصوت ده بس هو عامل زي صوت الموتور من غير بنزين ما يوصله !
بصيت ع مقياس االزيت لاقيت الزيت مطحن!
فتحت غطاء تغيير الزيت لاقيت الغطا عليه زيت مطحن
فتحت غطا الرديتير لاقيت زي بقعة زيت علي وش المياه !
ومدورتهاش من وقتها سبتها واقفة !
قولي إيه رآيك !