استشارة ضرورية قانونية لو سمحتو لان متوقف عليها جوازتى
انا مشكلتى ان البيت بتاعنا وهو ملك لوالدى و اعمامى فيه مستأجر فى الدور الارضى
المستأجر ده مات و بنتو كملت العقد اللى هو حق انتفاع او كده
وفى ابنها قاعد معاها وطبعا الست لسه عايشة
وطبعا ربنا يديها طولت العمر بس هما رافضين ان احنا نتوسع لان البيت مبنى على مساحت ارض 90 متر تقريبا من اجمالى 150 متر
انا فكرت ابنى باقى المساحات و استلف من والدى حجرتى وبكده اكون عملت الدور شقتين كويسين لان البيت واخد ناصية وهطلع متر فى الهوا فهتكون النتيجة شقتين الصافى بتاعهم 73 متر وطبعا فى منطقة كويسة ألف مسكن الللى لما سالت فى العماير الجديدة اللى جمبى لقيت نفس المساحة و بيتكلمو فى 300 و 350 الف للشقة
يا ريت يا جماعه حد من اساتذه القانون يقولى هو المستأجر ليه الحق فى الاعتراض ده؟؟
هل قانونى انى اتوسع و ابنى اعمده و اطلع بقيت المساحه؟؟
هل فى عقبات ممكن تواجهنى غير كده
هل فى حلول قانونية لو المستأجر رفض التوسع ده
مع العلم هما فى الدور الارضى
وفى محل هنفتحو ونكسر الحيطة علشان ندخل العمال ومواد البناء بعيد عن شقتهم ووعدناهم ان رمى الاساس ميزيدش عن اسبوع علشان منزعجهمش
بس بردو مش راضين
ارجو الافاده لو سمحتو لانى خلاص لقيت بنت الحلال وعايز اتجوز