الموضوع: أبو الفتوح يستعد لطرح الشكل الجديد من تيجو عام2013

المشاركة الأصلية كتبت بواسطة abdulhafeez

انا نفسي العربية دي تنزل ويكون فيها الماتور الجديد
ماتور سوبر شارجر 1600 سي سي قوته 150 حصان وعزم دوران 205 عند 3900 لفة تقريبا
الماتور العادي 1600 سي سي 117 حصان عزم دوران 147 عند 4500 لفة تقريبا
شوف الفرق قد ايه ........ وبعدين الماتور ده سوبر شارجر مش تربو ....... يعني بنزين 92 عادي جدا
بصراحة الماتور ده هيبقى حكاية

مين قال كده؟؟!!!
هى مش بتتحسب بكيفية الشحن الإجبارى أو الـForced-induction
المهم:
- ضغط الشحن الـboost-pressure كام بار/psi (سواء سوبرتشارجر أو تربوتشارجر)
- الـCompression-ratio بتاع الموتور (الـeffective بعد الشحن مش الـstatic)
ودى فـ حالة موتور الإسبيرانزا-شيرى حوالى 15.0:1
- آخر حاجة الـTiming-advance أو التقديم فـ توقيت الـignition بتاع البوجيهات
(+ الـState-of-tune للموتور ككل)

الحاجات اللى فوق دى.. هى اللى بتحدد يشتغل 95 ولا 92؟!!!

btw: العزم متأخر أوى (عند 3500-4500 rpm) بالنسبة لسوبرتشارجر، المفروض انه يشحن بدرى فـ رينج الـrpm.. عشان مابيحتاجش يـSpool-up من العادم؟!!

المشاركة الأصلية كتبت بواسطة hossam_elwani

وايه الفرق بين سوبر شارجر وبين التربو ؟؟

لو قصدك ان الـ2 المفروض 95.. فـ فعلا ده صحيح بصرف النظر عن اللى يقوله الوكيل
لكن لو قصدك بيشتغل إزاى... ببساطة

- السوبرتشارجر بيشتغل mechanical بسير (كمبريسور الـdrive بتاعه من الموتور نفسه بـelectro-magnetic clutch سير وبلية شداد زى التكييف)،
بيفصله ويشغله حسب الكنترول من الـECU، وطبعا بيضغط الهواء اللى داخل لمانيفولد السحب.

- التربوتشارجر: التوربينة بتلف مع خروج غازات العادم (من مانيفولد العادم-الشكمان)، على نفس الـAxe فيه كمبريسور بيشحن الهواء لمانيفولد السحب
والتحكم فـ الـboost بيبقى برضه عن طريق الـECU بس بـwaste-gate وactuator بيفتح ويقفل الـvalve حسب الضغط وبرمجة الكنترول.

عموما
التربو أفضل (وده واضح فـ مواتير الأوروبى الجديدة كلها)
TwinPower -Ecoboost -EcoTec Turbo -TJET -Kompressor CGi
فقط نسخة واحدة من الـTSI هى اللى فيها سوبر+تربو الـ2 (والباقى الأقل والأعلى تربو فقط)

التربو عيبه انه بياخد وقت لحد ما يشحن Spool-up (لما يكون ضغط العادم كافى لشحنه)
وده بيعمل Lag لأنه بيبدأ يشحن عند 1400-1700 rpm
(لكن دلوقتى فيه Low-inertia Fast Spool Turbo بيشحن بدرى أوى)
السوبرتشارجر: رغم انه بيبدأ شحن من أول رينج الـrpm.. (وده كويس عشان مفيش Lag)
بس بيستهلك جزء من باور الموتور -عشان هو نفسه يلف
وأكبر limitation ليه انه مابيقدرش يمد الموتور بالهواء المشحون فـ الـrpm العالية؟!!

السوبر ده فـ المواتير الأمريكانى الـ6.0-7.0-8.0 Liters يساعدها فـ الـrpm الصغيرة عشان التسارع فـ الطلعة وبالعافية فـ الـmid-range..
وفوق (لما السوبر يفيص) مش مشكلة لأن هى أصلا مواتير ضخمة مش محتاجة شحن عالى؟؟!!!

لكن الأوروبى والآسيوى مواتير ضغننة -إقتصادية- محتاجة شحن تحت وفوق (عشان كده التربو أنسب)!!

Rgds،