انا عارف انى زهقتكو بس انا موسس حبتين بالعربيات بحب ابقى سايق وانا مستمتع مش سايق علشان اوصل وخلاص
انا عندى كام مشكله واتمنى منكم الحل
1- العربيه وهيا دايره سواء سخنه او بارده بحس بتخبيط ف جسم العربيه لدرجه انى بحسه تحت الكرسى وجمب الكرسى بتاعى.... يا ترى ايه المشكله والحل ؟
2- عندى الغيار الاول بيقطع مش بيجى على طول زى التانى او التالت
3- فى صوت ونه جامد بيبان بعد ال 60كم/س ناس قالتلى بلى والميكانيكى قالى فتيس... تفتكرو ايه ؟
4- العربيه كلها زن من ناحيه الزجاج ف الفرش بتاعه والكاسيت فى التابلوه والطاره مش مربوطه ( وده اكتر حاجه مخليانى مش طايق العربيه لانى بحب الهدوء ) يمكن اكتر ميزه للعربيه ان الموتور مالهوش صوت
5- انا من السويس لو عايز اكبس الموتور اروح فين ف القاهره... ولو ف حد محترف صيانه دايو ( بما يرضى بنا ) بحيث اروحلو يقدر يقولى على المشاكل ويحلها.. وبالمره يحل المشاكل اللى فوق.. بس العنوان ورقم التليفون بالتفصيل لو سمحتم
6- ( وده ممكن يكون استعباط منى ) انا ببقى مشغول جدا طول اليوم لانى للاسف مهندس فى مصنه هيشتغل كمان شهرين وبشتغل 12 ساعه يوميآ ويوم واحد اجازه .. وكنت سمعت عن موضوع العزل.. فهل فى حد متتخصص ف موضوع العزل ده بحيث اسيبله العربيه واخدها لما يخلص.. ولا كلو هاند ميد
7- والاهم هوه ممكن احس ف يوم من الايام انى راكب زيرو ؟ لانى مش عارف ايه مشاكل العربيه علشان احلها وطبعا الميكانيكى هاين عليه يقولى العربيه كلها يا باشا
هستنى الردود بس بسعه صدر
العربيه لانوس 2 مو 2001 260 الف/كم
شكرآ