السلام عليكم ورحمة الله وبركاته
اخوانى زجاج العربية الامامى اتكسر ومش لاقيه خالص لو حد من حضراتكم يقدر
يدلنى الاقيه فين فله جزيل الشكر
عرض للطباعة
السلام عليكم ورحمة الله وبركاته
اخوانى زجاج العربية الامامى اتكسر ومش لاقيه خالص لو حد من حضراتكم يقدر
يدلنى الاقيه فين فله جزيل الشكر
ممكن تشوف الحاجة للزجاج وممكن يفصل الزجاج للعربية همة مش نتيجة 100% بس احسن من مافيش
اتصل بمصنع جريش في العاشر من رمضان لو لقيتة انزل هاتة من هناك, و ليهم مركز توزيع هنا في مدينة نصر اسأل عنة برضة
دي نمرة العاشر من رمضات 4100003 او 4 او 5 في الاخر
ودي نمرة مدينة نصر 22743286-22705889 العنوان 5 شارع نور الدين محمود
ارجو النمر تكون زي ماهي ماتغيرتش اصلها معايا من زمان قوي
كتر الف خيرك ياباشا
الغردقة فيها فرع ل د جريش وهو كان اول واحد افكر فيه بس قالولى مش موجود وجارى تصنيعه
من كام يوم عملت بحث على النت واخدت ارقام الثلاثى للزجاج
واحد عند سوق القناة جسر السويس وكان موجود والسعر 550 جنيه
التانى فى الحرفيين وسعره 650 وهو قالى استيراد
التالت 4 شارع عبدالله العربى الحى السابع بجوار مطاعم البرج والسعر عنده 380 جنيه
كلمت امبارح واحد صاحبى جاى الغردقة بكرة ان شاء الله وعدى عليهم وخلص فيه ب 350 جنيه وهايجيبوا معاه
انا بصراحة مش عارف ليه التفاوت فى الاسعار ده ولا كده عادى؟
عموما هاقول لحضراتكم بعد مايوصل ويركب
اعتقد ان جريش مالوش في الغردقة غالبا محل قزاز عادي موزع ليهم او بيبيع ليهم و لغيرهم
و انا عارف الثلاثي اللي في الحرفيين و بصراحه دول مش امناء خالص و عن تجربة مش عايز اقول نصابين
المحل اللي في شارع الطيران عارفة و دة كويس و مش وحش سعر ال 350 كويس, بس هو نوعه اية هل مستورد فعلا مكتوب علية ماركة زي سان جوبان مثلا و لا دي جي بتاعه جريش!!
المهم يكون تربلكس بس و مبروك علية مقدماً
لا حضرتك جريش فتح فرع فى الغردقة فى المنطقة الصناعية بجوار جهينة من حوالى شهرين
بس للاسف مش موجود عندهم وقالوا انه سيتم تصنيعه قريبا.
ومش عارف ممكن يركبوا الزجاج اللى انا مشتريه من بره ولا لأ؟؟ عموما هاسأل وربنا يسهل
واخيرا شكرا لحضرتك على اهتمامك بالرد وجزاك الله خيرا