اشتري موتوسيكل او اسكوتر مناسب لاحتياجاتي
السلام عليكم
عايز اشتري موتوسيكل او اسكوتر مناسب لاحتياجاتي وهي :-
1- انا مش غاوي سرعه
2- المهم عندي الثبات وانه ميتقلبش من اقل حاجه
3- يكون مريح في السواقه وقعدته مريحه جدا
4- المشوار الرئيسي هيكون حوالي 20 كيلو يومي لكن احيانا ممكن اروح بيه من عين شمس ل6 اكتوبر يعني 50 كيلو رايح وزيهم جاي وده ممكن يكون كل يوم في المستقبل
5- عنده عقدة الصيني انما لو اهل الثقه هيرشحولي حاجه صيني نضيفه متجربه ممكن تشيل العقدة :Bravo:
6- لو حد يفيدني باسعار قطع الغيار للمكنه اللي يرشحهالي يبقي كتر خيره
7- سعره لا يتجاوز 7000 جنيه
قرأت في المنتدي وعرفت الانواع بس بردوه معرفتش ايه الانسب ليا هل الاسكوتر ولا الموتوسيكل
في موتوسيكل ايطالي اسمه Banilli روحت المعرض في جسر السويس شكله عجبني جدا انما مش متاكد اذا كان مريح في السواقه ولا لا.
وهل سمك الكاوتش ده ليه علاقه بالثبات احيانا بشوف موتوسيكلات كاوتشها اعرض من كاوتش العربيه
افيدوني جزاكم الله خيرا