صوت السيارة عالى بعد ال80 تحديدا

**osa92003** · 20-12-2012 09:29 AM

هو حضرتك بتحس بصوت العربيه عالى بعد 80 ياترى بتكون لسه على التالت ولا الرابع وياترى الار بى ام على كام 3 ولا اكتر..

الطبيعى ان صوت العربيه بيعلى بعد الار بى ام 3 فى اى نقله ماعدا الاول بتكون قبل كده

**Thebutcherr** · 20-12-2012 09:33 AM

هو الصوت بيروح بعد ال120 عشان صوت الهواء بيغطى عليه
البلى حسب نوع العربية فى عربيات بتركبلها بلى مخصوص و فى اى رولمان بلى بس بتفك القديمة و تجيب على نفس رقمها
ريح نفسك و روح عند اى حد عنده ترصيص عجل حصان اللى هو بيرصص العجل و هو راكب و قولله عاوز اكشف على البلى

**msobhy** · 20-12-2012 10:21 AM

ارفع عربيتك بالكوريك من كل ناحيه - وطبعا لازم تكون العربيه مموره ومنزل فرامل اليد - يعنى تأمن عربيتك وانت بترفعها بحجاره
كل ناحيه ترفعها لف العجل بأيدك وسيبه لو سمعت اى صوت شبه النحر أو الون يبقى بلى عجل
فى رأى الشخصى والله أعلم بنسبة 90% هايكون بلى عجل أمامى
لما تغير متجبش البلى بتاع العربيه - هات بلى skf من التوكيل فقط مش من أى حد
البليه الامامى فى اللانوس بتبدأ من 30 جنيه - بتاعت ال skf ب 130 جنيه بالعافيه وبتوصل 160 جنيه
بلى العجل فى العربيات التعبانه (زى اللانوس) دائما بيبدأ يبوظ بعد 30.000 من تركيبه وأوقات قبل كده - وبينهار بعد ال 50.000
لو الصوت مش مضايقك أوى عيش بيها لغاية لما الصوت يبقى واضح جداااااااااااا وغير بلى عجل أمامى وخلفى مع بعض هاتحس بعربيه مختلفه تماما

**katoba** · 22-12-2012 08:40 AM

ان شاء الله ياخالد تبقى بسيطة هقولهم عليها الصيانة الجاية وعلى فكرة يااوسا انا مش بحرق عالموتور والاربى ام مش بيعدى ال3 عموما على اى نقله وساعات 2 ونص كمان لكن صوت الونه دة فعلا جديد مكانش بيظهر زمان وهوا غالبا بلى عجل ان شاء الله وهشوفها فى التوكيل وابلغكم بالجديد وتحية لاخونا msobhy وشكرا ياباشا على الافادة وان شاء الله هشوفها فى التوكيل يمكن تتغير عالضمان وتريحنا

**khaled_Saga** · 30-12-2012 09:35 PM

مقولتلناش يا احمد عملت ايه؟

**katoba** · 30-12-2012 09:39 PM

انا متعايش بيها دلوقت ياخالد لحد اما افضى واروح اعمل صيانة ال30 لانى بصراحة مش لاقى وقت اعمل اى حاجة , اول مااحلها ان شاء الله لازم اعرف الناس علشان الكل يستفيد ان شاء الله

**khaled_Saga** · 30-12-2012 09:43 PM

ربنا يطمنك يا احمد
ايه يا ابنى انت كنت قاعد على الكيبورد وانا ببعتلك الرد :):)

**katoba** · 30-12-2012 10:13 PM

كنت لسة داخل من برا والله , ليا نصيب ارد عليك

**katoba** · 03-01-2013 04:05 PM

دلوقت انا رحت صيانة ال30 ياشباب وطلع الصوت من بلية العجله اليمين اماميه زى ماتفضلتوا وقلتوا , وبيقولى كام يوم وتكون متوفرة وهيتصلوا بيا , ربنا يسهل وميطولوش وكمان قربة المية فيها شرخ هتتغير بردة عالضمان وحتى المهندس الى هناك قالى قربة الm11 بالذات خامتها مش كويسة وبتتشرخ بسرعه وورالى كذا واحد هيغير معايا