عرض للطباعة
السلام عليكم
فية عندى مشكله ظاهرة بقالها فتر ة مش صغيرة معايا وهيا انى لما بعدى سرعة ال80 بتبدا العربية صوتها يعلى اوى وبيبقى فية زى ونه كده ودة بيحصل حتى لو شيلت رجلى من عالبنزين . هل دة ليه علاقة بسير الكاتينة الى هغيرها كمان 10000 كيلو لان العربية عامله 30000 ,ارجو الافادة ولكم جزيل الشكر
متابع
بس اعتقد انه من الفتيس
فعلا فتيس وممكن من الزيت بتاعه اكشف عليه .
و ليه ميكونش رولمان بلى عجل؟ هو اللى بيعمل الخشونة و الوننة دى ؟!! مور الفتيس على سرعة و اسمع لو لقيت لسة فى صوت يبقى لا موتور و لا فتيس و اكشف على البلى
و ممكن بلي ...طب تحكم ازاي؟؟؟
انت هتجري بالعربية جامد في طريق سريع لحد ما الونة تبان .....
مور العربية و شوف ....لو السوط مستمر و العربية علي المور يبقي بلي مش فتيس لان علي المور الفتيس مفصول
لو السوط بيروح لما تمور يبقي فتيس ... تغير زيت الاول و بعدين لو مستمرة زي ما هيه تكشف علي الفتيس ان شاء الله ....
ان شاء الله بسيطة ....
و لو في الضمان البلي بيتغير ضمان
الراجل اللي قبلي قال نفس المعلومة ...اسف للتكرار ...معملتش ريفريش قبل ما ارد :)
بالاضافه لحاجة مهمة... هل الشكمان اتخبط؟؟.... لأنه مع السرعة العالية بيكون الموتور في اقصى ضغط خارج من الشكمان وممكن تكون فيه خرم او صاجه مفكوكة في مصافي الشكمان تعمل الونة دي وتروح وانت ممور الفتيس فتتهم الفتيس وهو ملوش ذنب
بس لو الشكمان هتعمل زنة مش ونه ...غير انها هتبقي مع اي سرعة طالاما الغيار في اخر ...بمعني هتيجي علي الاول قبل ما تنقل التاني ...و هتيجي التاني قبل ما تنقل للتالت ...مش هتبقي مقيدة بسرعة بس.... صح ولا ايه ؟؟؟:)
بليه دبرياج او مايسمي بليه الدرك
موجودعندي نفس الصوت
الميكانيكي قالي البليه بتعمل حوالي 350 جنيه
غير فك وتركيب الفتيس
وممكن تركب فتيس افضل بحوالي 600 جنيه
لكن انا مكبر طالما الفتيس شغال تمام والصوت مش واضح غير في الاماكن المفتوحه وعلي السرعات الغاليه
انا النهاردة عملت بنصايحكم يابشباب ومشيت على سرعه فوق ال80 لما الونه ظهرت مورت لقيت الصوت مازال موجود ولاحظت حاجة اغرب وهيا ان العربية لما بتعدى ال 120 الصوت بيروح تماما , ياترى دة اية بقى ؟؟ وبالنسبة للبلى دة عبارة عن ايه وسعره كام ..
هو حضرتك بتحس بصوت العربيه عالى بعد 80 ياترى بتكون لسه على التالت ولا الرابع وياترى الار بى ام على كام 3 ولا اكتر..
الطبيعى ان صوت العربيه بيعلى بعد الار بى ام 3 فى اى نقله ماعدا الاول بتكون قبل كده
هو الصوت بيروح بعد ال120 عشان صوت الهواء بيغطى عليه
البلى حسب نوع العربية فى عربيات بتركبلها بلى مخصوص و فى اى رولمان بلى بس بتفك القديمة و تجيب على نفس رقمها
ريح نفسك و روح عند اى حد عنده ترصيص عجل حصان اللى هو بيرصص العجل و هو راكب و قولله عاوز اكشف على البلى
ارفع عربيتك بالكوريك من كل ناحيه - وطبعا لازم تكون العربيه مموره ومنزل فرامل اليد - يعنى تأمن عربيتك وانت بترفعها بحجاره
كل ناحيه ترفعها لف العجل بأيدك وسيبه لو سمعت اى صوت شبه النحر أو الون يبقى بلى عجل
فى رأى الشخصى والله أعلم بنسبة 90% هايكون بلى عجل أمامى
لما تغير متجبش البلى بتاع العربيه - هات بلى skf من التوكيل فقط مش من أى حد
البليه الامامى فى اللانوس بتبدأ من 30 جنيه - بتاعت ال skf ب 130 جنيه بالعافيه وبتوصل 160 جنيه
بلى العجل فى العربيات التعبانه (زى اللانوس) دائما بيبدأ يبوظ بعد 30.000 من تركيبه وأوقات قبل كده - وبينهار بعد ال 50.000
لو الصوت مش مضايقك أوى عيش بيها لغاية لما الصوت يبقى واضح جداااااااااااا وغير بلى عجل أمامى وخلفى مع بعض هاتحس بعربيه مختلفه تماما
هو غالبا بلى عجل يا احمد زى ما اخوانا قالوا .. روح التوكيل وشوف هيطلع ايه وان شاء الله بسيطة
ان شاء الله ياخالد تبقى بسيطة هقولهم عليها الصيانة الجاية وعلى فكرة يااوسا انا مش بحرق عالموتور والاربى ام مش بيعدى ال3 عموما على اى نقله وساعات 2 ونص كمان لكن صوت الونه دة فعلا جديد مكانش بيظهر زمان وهوا غالبا بلى عجل ان شاء الله وهشوفها فى التوكيل وابلغكم بالجديد وتحية لاخونا msobhy وشكرا ياباشا على الافادة وان شاء الله هشوفها فى التوكيل يمكن تتغير عالضمان وتريحنا
مقولتلناش يا احمد عملت ايه؟
انا متعايش بيها دلوقت ياخالد لحد اما افضى واروح اعمل صيانة ال30 لانى بصراحة مش لاقى وقت اعمل اى حاجة , اول مااحلها ان شاء الله لازم اعرف الناس علشان الكل يستفيد ان شاء الله
ربنا يطمنك يا احمد
ايه يا ابنى انت كنت قاعد على الكيبورد وانا ببعتلك الرد :):)
كنت لسة داخل من برا والله , ليا نصيب ارد عليك
دلوقت انا رحت صيانة ال30 ياشباب وطلع الصوت من بلية العجله اليمين اماميه زى ماتفضلتوا وقلتوا , وبيقولى كام يوم وتكون متوفرة وهيتصلوا بيا , ربنا يسهل وميطولوش وكمان قربة المية فيها شرخ هتتغير بردة عالضمان وحتى المهندس الى هناك قالى قربة الm11 بالذات خامتها مش كويسة وبتتشرخ بسرعه وورالى كذا واحد هيغير معايا
تم تغيير البلية والقربة والحمدلله صوت الونه راح ورجعت طبيعية .. شكرا لكل من افادنى فى الموضوع ده
الف مبروك يا احمد وربنا يحميهالك من العين
الله يبارك فيك ياخالد ربنا يباركلنا جميعا ويعيننا عالتوكيل لانى اتذليت على ماغيروها وقعدت من 9 ونص ل 4 على ماربنا كرمنى وروحت بس بصراحة بلية العجل الامامى طلع فكها وتركيبها موال طويل
الف الف مبروك دائماً تابع مواعيد الصيانة و اى عيب يظهر قم بتصليحه فورا و ربنا يكفيك شر طريقها و يعطيك خيرها